विजेट आपके ब्लॉग पर

Wednesday, August 17, 2011

33. मगही शब्दचित्र "माटी के सिंगार" में प्रयुक्त ठेठ मगही शब्द

माकेसिं॰ = "माटी के सिंगार", लेखक - रामदास आर्य; प्रकाशकः श्यामसुन्दरी साहित्य-कला धाम, बेनीबिगहा, बिक्रम (पटना); पहिला संस्करण - 2002; मूल्य - 75 रुपये; 109+3 पृष्ठ ।

देल सन्दर्भ में पहिला संख्या पृष्ठ और बिन्दु के बाद वला संख्या पंक्ति दर्शावऽ हइ ।

कुल ठेठ मगही शब्द-संख्या - 1215

ई शब्दचित्र संग्रह में कुल 11 लेख हइ ।

क्रम सं॰
विषय-सूची 
पृष्ठ
0.
ई सिंगार पर एक नजर
iv-v
0.
'माटी के सिंगार' के बारे में
vi-ix
0.
अप्पन बात
x-xii



1.
नवरतनी फुआ
15-22
2.
तेतरी दीदी
23-29
3.
चानमामू
30-37



4.
बड़ाबाबू
38-46
5.
रामजतन चाचा
47-54
6.
चमोकन
55-62



7.
चनकी दाई
63-70
8.
धनेसर तांती
71-81
9.
भूलेटन
82-91



10.
रजिया अम्मा
92-99
11.
दद्दू भइया
100-109
ठेठ मगही शब्द  ('' से '' तक):
1007    रंथी (= अरथी) (दद्दू भइया के लाश एगो रंथी पर लादल गेल ।)    (माकेसिं॰109.12)
1008    रमतरोई (= रामतरोई, रमतोड़यँ, भिंडी) (चनकी दाई घरे-बने भरल-पूरल । तीस बीघा नफीस खेत-बधार, आम-अमरूध, महुआ-जामुन, केरा-कटहर, अंवरा-पपीता के बारहमासा बाग-बगइचा, कोंहड़ा-भतुआ, लउका-नेनुआ, सीम-बरसीम, करइला से लथरल बगान, अलुआ, कोबी, टमाटर, रमतरोई, मूरई, मेथी, पालक, गाजर, राई, सरसो, तीसी, जवाइन-मंगरइला, लहसुन, पेयाज, बेदाम से लहफह - सातो बिहन । कोई चीज के कमी न ।)    (माकेसिं॰64.15-16)
1009    रहता (= रस्ता, रास्ता) (चार दिन के बाद उनकर समधियाना से पूछार आयल चार गो आदमी । चँवर में ई घाँस छिलइत हलन । एगो पूछ बइठल - "ए बाबू साहेब ! चमोकन बाबू के घर जाय ला हे, कन्ने से रहता हे ?; जब रोड खराब मिल जायत तब ओकर आँख सुरूज लेखा बरे लगत । मुँह करिया झामर हो जायत । भर रहता कहइत जायत - 'ई रोडवो गिटिया ठीकदार साहेब लेले जयतन हल तब अच्छा हल । घर गेला पर बाल-बच्चन सब भकोसिए जयथिन हल । करमजरू ठीकदार ! जा तोर पेट कहियो न भरत ।')    (माकेसिं॰61.13; 76.6)
1010    राड़-रेआन (असल लड़ाई ओहे लोग लड़ रहलन हे । कतनो लोग राड़-रेआन, माल-मुसहर के पार्टी कह लेवे, भगत सिंह आ चन्द्रशेखर आजाद ओहे सब हथ । हमरा लल्लो-चप्पो न सोहाये - दूध के दूध, पानी के पानी । सच के लड़ाई ओहे लोग लड़ रहल हथ ।)    (माकेसिं॰35.26)
1011    रात-बिरात (रात-बिरात गाँव-जेवार में कोई बेमार पड़ल, चानमामू ओकरा लेके डागटर रामसागर ठाकुर के पास दउड़ जयतन, देखला देतन आ शर्मा जी के दोकान से दवा भी उधार ।)    (माकेसिं॰33.14)
1012    राताराती (सबके खेत के खेसारी कबर गेल, धान के परूई राताराती बान्ह के पताल में खपा देवल गेल, केकरो घर में सेन्हमारी भेल, केकरो घर में डकैती, केकरो खरिहान में आग लगा देवल गेल, केकरो गोरू-डांगर खोल के सोन पार हो गेल बाकि चानमामू के एगो पत्तो न खरकल । जइसन नेत ओइसन बरक्कत ।)    (माकेसिं॰31.23)
1013    रावा (जन्ने चलत ऩवरतनी फुआ गोड़ लागी सबके मुँह से आदर के ई आवाज सुन के नवरतनी फुआ गुड़ के रावा लेखा लदबद हो जायत । सबके असीरबाद देत ।)    (माकेसिं॰20.29)
1014    रिचना (चानमामू चाने लेखा चनमन, चकमक, चंचल । चानमामू सबसे बतिअयतन, खूब सट सट के रिच रिच के बात बनौवतन ।; कोई कभी-कभार भूलेटन के इयाद में उनकर दुआरी पर ठार होवत तो पुतोह अइसन लोछिया के बोलत जइसे लोहचुट्टी काट लेल । .... बेटा निमक-मिरचाई लगाके अलगे बोलत - बात घोंट-घोंट के बोलत, सन के रसरी लेखा रिच-रिच के बात निकालत । सब कमाई मोरब्बे-अँचार में गँवा देलन । आज कोई पूछहूँ न आवे कि भूलेटन के बाल-बच्चा कइसे जिअइत हथ ।)    (माकेसिं॰32.15; 90.17)
1015    रिसि (= ऋषि)  (जन्ने जाय ओन्ने ओकरा लपक के लोग गोदी में बइठा लेवथ । कण्व रिसि के आसरम में जइसे शकुन्तला ओइसहीं रामपेआरी ।)    (माकेसिं॰16.4)
1016    रीठना (= मैल बैठना, गंदगी जमना) (कटहर लेखा माथ, रीठल नादा लेखा गाल, करिया गाजर लेखा नाक, हाथी के सूँढ़ लेखा बाँह, टील्हा लेखा छाती, लोढ़ा लेखा लिलार, कनगोजर लेखा भौं, जामुन लेखा आँख, ललगुदिया अमरूध के फाँक लेखा ओठ, घुनसारी लेखा दहकइत मुँह के गलफर, अनार के दाना लेखा दाँत, माथ पर करिया बादर लेखा केस, छव फीटा जवान दद्दू भइया के देखला पर सबके मुँह से एके बकार - 'भगवान बड़ा सोच-समझ के दद्दू भइया के अप्पन हाथ से गढ़लन हे ।')    (माकेसिं॰100.1)
1017    रूआ (= रूई) (कोई हाथ पसारल कि तेतरी हवाक से गोदी में । जइसे बकरी के पठरू, बिलाई, कुत्ती के बच्चा लोआ-पोआ, ओइसहीं तेतरी, जुलुर जुलुर हाथ - पैर पुलुर पुलुर आउ देह - खेसारी के निढ़ल साग लेखा, सिमर के रूआ लेखा ।; ई सब देखला पर चनकी दाई के ई खिलकट रूआ के फाह पर कोइला के ढेर लेखा बुझा हे ।; दाँत एको अभी न टूटल हे बाकि माथा के केस रूआ के फाहा लेखा शोभऽ हे जइसे बरफ जम गेला पर हिमालय पहाड़ शोभऽ हे ।)    (माकेसिं॰24.23; 65.12; 66.3)
1018    रूच (= रुचि) (घीव-डलडा ओकरा ला परान के घाती । तेल में के छानल सामान ओकर जीव के गाहँक । ओकर रूच साग-पात, फर-फरहरी जादे । कुदरूम के साग, सरसो के साग, पोई के पत्ता, पालक, नोनी, करमी, ललका साग ओकरा ला तुलसी के पत्ता लेखा ।; कोई झूमर, कोई सोहर, कोई होरी, कोई चइत, जेकरा जउन रूच, सुना के सबके रिझा देवथ आ बोझा के बोझा धान, गेहुम, खेसारी, मसुरी आउ बूँट के बड़का खरिहान अलग जायत ।)    (माकेसिं॰19.30; 89.31)
1019    रूचगर (= रुचिकर) (गाय के दूध, रोटी, दलपीट्टी, गुड़पीट्ठी, ढकनेसर, दारा, सतुआ उनकर रूचगर भोजन ।)    (माकेसिं॰101.27)
1020    रूसना (= रूठना) (पाँच पवनियाँ पौ बारह - हजामिन, कुम्हइन, मालीन, तेलीन आ चमइन । ... पाँचो के पाँच नेग, पुरोहित के पहिले । पवनियाँ रूसल सब कुछ खरमंडल, पवनियाँ खुश सब कुछ मंगल ।)    (माकेसिं॰19.18)
1021    रूह-चुह (ऑफिस में आवइते उनकर चेहरा बसन्त में बगइचा लेखा रूह-चुह हो जायत । मउरल मुखड़ा गुलाब लेखा खिल जायत ।; एक कोठरी में अपने, एगो में माय आ एगो हित-मित ला । पूरूब-पछिम रूह-चुह बाग-बगइचा, बीच में दद्दू भइया के घर आ बइठका ।)    (माकेसिं॰40.6; 103.2)
1022    रेंगनी (जे जनता के सतवलक ओकरा ककड़ी-खीरा लेखा कच कच चिबावे ला सबसे अगुआन । सामंती रोब-दाब, जमीन्दारी शोषण-पीड़ा उनका ला आँख में रेंगनी के काँटा ।)    (माकेसिं॰106.5)
1023    रेगनी (= रेंगनी) (~ के काँटा) (रेगनी के काँटा बड़का होवे इया छोटका - काँटा काँटा हे, फूल कभी बनिये न सकत ।)    (माकेसिं॰47.24)
1024    रेघाना (देवी मइया के सब गीत ऊ ककहरा लेखा इयाद कयले हलन । अमरूध, बइर, बेल, अँचार देला पर कोई बनिहारिन तनि कह देल 'ए भूलेटन भइया, तू अँचार आ अमरूध देके लोग के ठग देवऽ हऽ । हमनी के देवी मइया के गीत सुनावऽ तब न धान, गेहूँ इया खेसारी से तोर अँकवारी भर जतवऽ ।' फिन का, ऊ खेत में पल्थी मारलन आउ रेघा रेघा के गावे लगलन -)    (माकेसिं॰87.12)
1025    रेह (= क्षारयुक्त मिट्टी, खारी मिट्टी; मिट्टी की दीवाल में लगी नोनी; नोनिआह मिट्टी) (चनकी दाई तेल-साबुन से घिना हे । सालो भर रेह से लुग्गा साफ करत ।)    (माकेसिं॰66.12)
1026    रोग-बलाय (झूलइत रहल देह फाटल लुगरिया, रोगवा-बलाय सब हमरे दुअरिया । करम अभाग भगवान हो ताकल काहे दुई रे नजरिया ।)    (माकेसिं॰77.4)
1027    रोटी-पीट्ठा (केकरो घर में खिचड़ी खयलन, केकरो घर में मठजाउर, केकरो दुआर पर रोटी-पीट्ठा खयलन, केकरो झोपड़ी में सतुआ घोर के पी लेलन, केकरो महल-अटारी में दाल-भात तरकारी इया दूध-रोटी ।)    (माकेसिं॰86.11-12)
1028    रोपाना (हम्मर बोरिंग के पानी से तोर खेत रोपायत ? हम्मर हरवाहा चरवाहा के परतुक तू करबऽ । हम्मर महलाद तोरा भोगे ला बनलऽ हे ?)    (माकेसिं॰50.26)
1029    लंगटे (जदि हम कमजोर जात में रहती त दिन-दहाड़े गाँव के लोग हमरा जिन्दा जरा देइतन । घाठी दे देइतन । माथा के केस मुड़वा के चूना के टीका लगवा के गली-गली घूमइतन । पर-पैखाना हड़िया में घोर के पिअइतन । मुँह में मिरचाई ठूँसल जाइत, नाली के कीड़ा-मकोड़ा घोंटावल जाइत । लंगटे करके नचावल जाइत । गाँव भर के पंच के सामने लंगटे ठार करके किरासन तेल छिड़िक के जरावल जाइत ।)    (माकेसिं॰69.30-31)
1030    लइकन-फइकन (उनकर झूमर, सोहर, होरी, चइता, कृषि गीत, निरगुन सुन के सब कोई रीझ जायत । बनिहार के लइकन-फइकन उनका अइसन घेर लेतन जइसे चूँटी गुड़ के घेर लेवऽ हे ।)    (माकेसिं॰83.2)
1031    लउकना (= दिखना) (जवानी के जोश में बिआह तो करइत गेलन - सुअर-बिलाई लेखा बाल-बच्चा जलमावइत गेलन बाकिर अब अनार के दाना लेखा दाँत टूटत तब बुझायत । खिजाब लगा के उज्जर माथ के बाल करिया कयल अब लउकत - चारो तरफ अन्हार-भुच, अन्हरिया, कुच-कुच करिया दिनो में रात के तरेगने सूझ रहल हे ।)    (माकेसिं॰41.24)
1032    लकवा (~ धरना) (पेन्शन के मामला उनका लेखा चिल्ह-कउआ के चोंच लेखा । लोल मारइत मारइत अतना घवाहिल कर देल, जिनगी के जोश-खरोश के खून चिभइत गेल, आ पेन्शन उनका ला अइसन लकवा के बेमारी धरलक कि सीधे सुरधाम पहुँचा के छोड़लक ।)    (माकेसिं॰46.7)
1033    लगहर (~ गाय; ~ भईंस) (सालो भर एगो लगहर गाय रखत । दूध देखइते ओकरा छींक आवे लगत ।; अइसन बात न हे कि उनका खाय-पीये के दुख हे । खूँटा पर दूगो लगहर भईंस, एगो गाय हमेसे रखतन ।; दुब्भी घास पर ऊ जादे चोट करतन । ओकरा से इनकर लगहर गाय-भईंस के दूध बढ़ जाहे ।)    (माकेसिं॰20.9; 55.9; 57.4)
1034    लगाव (तेतरी दीदी के पानी से जादे लगाव । नदी-नाला, झील, तालाब झरना, आहर-पोखर ओकरा चुम्बक लेखा खिंच के ले आवऽ हे ।)    (माकेसिं॰26.20)
1035    लगाव-बझाव (दुश्मन से कोई लगाव-बझाव न - सीधे गोली दागऽ, आ चुपचाप रात भर फोंफ काटइत रहऽ । कोई सक-सुबहा न, कोई मउँचक न ।)    (माकेसिं॰47.20)
1036    लट्ठू (= लट्टू; मुग्ध, मोहित, रीझा हुआ) (दिन भर में दू बोझा, चार बोझा धान के कमाई - भुलेटन के घर के कमाई, करम के कमाई, मौसम के कमाई, मरउअत के कमाई । उनकर सोभाव पर सब लट्ठू ।)    (माकेसिं॰82.25)
1037    लड़िक-भुरभुरी (टुनमुन बउआ के लड़िक भुरभुरी अभी भी न गेल हे ।)    (माकेसिं॰21.25)
1038    लथरना (चनकी दाई घरे-बने भरल-पूरल । तीस बीघा नफीस खेत-बधार, आम-अमरूध, महुआ-जामुन, केरा-कटहर, अंवरा-पपीता के बारहमासा बाग-बगइचा, कोंहड़ा-भतुआ, लउका-नेनुआ, सीम-बरसीम, करइला से लथरल बगान, अलुआ, कोबी, टमाटर, रमतरोई, मूरई, मेथी, पालक, गाजर, राई, सरसो, तीसी, जवाइन-मंगरइला, लहसुन, पेयाज, बेदाम से लहफह - सातो बिहन । कोई चीज के कमी न ।)    (माकेसिं॰64.14)
1039    लदबद (जन्ने चलत ऩवरतनी फुआ गोड़ लागी सबके मुँह से आदर के ई आवाज सुन के नवरतनी फुआ गुड़ के रावा लेखा लदबद हो जायत । सबके असीरबाद देत ।)    (माकेसिं॰20.29)
1040    लफार (=  लफारा; लफाड़ा; तेज गति या झोंका) (नदी के ~; आग के ~) (सबके नजर नदी के लफार पर । लहर आ चकोह के मिजाज पर । खाली हाथ जइसे शिकारी जउन मुँह लेके घर लवटऽ हे, ओहे हाल सब के सामने ।; जेठ के तपिश, बालू के भुंभुरी, आग के लफार, भट्ठा के लहक, रेल इंजिन के दहक का होवऽ हे - चनकी दाई के अतमा से जानल जा सकऽ हे - ओकर हिरदा में छिपल लोर, दिमाग में भरल बिछोह, बादर के भीतर छिपल ठनक, कड़क, गड़गड़ाहट आ बिजुरी के चउँध से जानल जा सकऽ हे ।)    (माकेसिं॰23.16; 67.20)
1041    लमपोर (बस, ओहे दिन से ओकरा लोग नवरतनी फुआ कहे लगलन । नवरतनिए फुआ लेखा ओकर शरीर के बनावट । ओइसने चकइठ, गोर, लमपोर, बात-बेयोहार, चाल-चलन ।; चानमामू हमेशा हँस के बतिअयतन । उनकर चेहरा भी ओइसने चान लेखा - सुभग शरीर, लमपोर छव फीट के । उज्जर बग-बग धोती, देह में कुरता, माथ पर गान्ही टोपी, कान्ह से लटकइत झोला, गरदन में गमछा, हाथ में छाता इया एगो बकुली - बस, इहे उनकर पेहनावा हे ।)    (माकेसिं॰16.24; 32.27)
1042    लमरना (तेतरी दीदी के आँख से कुछो बुझा न रहल हे । पीपर के पत्ता झर गेल, बरगद ठूँठ हो गेल, पाँकड़ आ गूलर के पता भींज गेल, ढिबरा ढह गेल, चँवर के सोती सूख गेल, जामुन झँवर गेल, सिरिस आ सीसो अलगे सिसक रहल हे, केला के घउद लमर गेल, पात-पात चिहक गेल, धरती दरक गेल, अकास झुक गेल, परबत ढिमिला गेल । सउँसे प्रकृति तेतरी दीदी के बिरह में अछोधार लोर बहा रहल हे ।)    (माकेसिं॰28.2)
1043    लमा (= लम्मा, लम्बा) (पुरूब में पाँच बीघा में केला के बगान, चिनिया बेदाम आउ राई-सरसो के खेती ... बीच में झलासी आ खपड़ा से छावल ... सौ फीट लमा आउ पच्चीस फीट चौड़ा एगो चउपाल ।)    (माकेसिं॰102.21)
1044    लरकना (मुँह में पान इया खइनी हमेशा कोंचले रहतन जइसे परसउती चिन्हा जाहे कि लइका होवे ला हे ओइसहीं इनकर पान इया खइनी ओठ के नीचे कोंचायल रहत । ऊ पिल्की कभी फेंकथ न एही कारन हे कि मुँह खोलला पर लार जिलेबी के चासनी लेखा लरक जायत ।)    (माकेसिं॰38.13)
1045    लरखराना (= लड़खड़ाना) (हम तोरा से का मजाक करब । चाम के मुँह, लरखरा गेल तब का करूँ ।)    (माकेसिं॰58.20)
1046    लरबराना (मोम जइसे पिघल-पिघल के नीचे गिरऽ हे ओइसहीं बड़ाबाबू हँसतन इया मुँह खोलतन कि ओठ के दुन्नो कोर से लार टघर टघर के उनकर दाढ़ी पर लरबरा जायत ।; बलेसर तनि सोंचे लगलन - इयाद पड़ल । "चनेसर भाई, हम समझ गेली । भगवान चाम के मुँह बना देलन हे, लरखरा ही जाहे । चनेसर रोय ला लेखा मुँह बनाके कहलन - "कहूँ उहों लरबरयलऽ तब सोरहो आना पानी में । छोड़ऽ जे भाग्य में लिखल होतई तो बिआह होयबे करतई । तू अगुअई मत करऽ ।")    (माकेसिं॰38.7; 59.6)
1047    ललका (= लाल रंग वाला) (~ साग) (घीव-डलडा ओकरा ला परान के घाती । तेल में के छानल सामान ओकर जीव के गाहँक । ओकर रूच साग-पात, फर-फरहरी जादे । कुदरूम के साग, सरसो के साग, पोई के पत्ता, पालक, नोनी, करमी, ललका साग ओकरा ला तुलसी के पत्ता लेखा ।; उनका का चाही - पानी डालल बासी भात आउ ललका मिरचाई के खटाई भरल अँचार ।)    (माकेसिं॰20.1; 55.15)
1048    ललगुदिया (उनकर बइर आझ के फास्ट फूड के कबूतर बना देइत, ललगुदिया अमरूद, आम, टमाटर के टरका देइत । लोग के पहिचान उनकर कतना तेज ।)    (माकेसिं॰85.11)
1049    लल्लो-चप्पो (असल लड़ाई ओहे लोग लड़ रहलन हे । कतनो लोग राड़-रेआन, माल-मुसहर के पार्टी कह लेवे, भगत सिंह आ चन्द्रशेखर आजाद ओहे सब हथ । हमरा लल्लो-चप्पो न सोहाये - दूध के दूध, पानी के पानी । सच के लड़ाई ओहे लोग लड़ रहल हथ ।)    (माकेसिं॰35.28)
1050    लहजवान (सब ओकरा दीदी कहे लगलन । बूढ़ा-बूढ़ी के जबान, नया-नोहर के बकार, औरत-मरद के लहजवान - तेतरी दीदी सब के आँख में बस गेल । हिरदा में ढुक गेल ।)    (माकेसिं॰25.24)
1051    लह-फह (इनकर ई पहिल संतान हल । खुशी से मोर लेखा नाचे लगलन । घिरनी बन गेलन । पत्थल पर दुब्भी जमल - दुब्भी लेखा हिरदा लह-फह । मलिकार सुनलन तब पइसा लुटावइत-लुटावइत जेबी खाली कर देलन ।)    (माकेसिं॰15.11)
1052    लहाश (= लाश) (सउँसे रामचरितर बिगहा शमशान बन के टुकुर टुकुर ताक रहल हे । सोन के पानी लाल हो गेल, बालू के कण-कण परमाणु बम के इयाद दिला रहल हे । कतना लहाश झलासी में बूट के होरहा लेखा झोला गेल, कतना के खोपड़ी असमान में उड़ गेल, कतना बूढ़ी हबकुरिए पड़लन से पड़ले हे, कतना बुतरू माय के गोद में सटल से सटले रह गेल ।)    (माकेसिं॰109.3)
1053    लाटी-लठउल (= लाठी-लठउअल) (जउन गाँव में बात-बात पर लाठी लठउल, एक बित्ता आरी-पगारी ला भाला-गड़ास, राई के तीसी आ तीसी के राई बनावेओला गाँव, होत साँझ-बिहान सातो पुरखन के नेओतहरी, छोट-छोट बात पर गिधवा-मसान - ऊ गाँव में चानमामू सब के मामू बन के रह गेलन ।)    (माकेसिं॰31.19)
1054    लाठा (महुआ के ~ बन के जीना) (गाँव में एक से एक गवैया बजवैया महुआ के लाठा बन के जी रहल हथ । ऊ लोग के सुर, ताल, लय, गाँव गवईं के संस्कार गीत गा गा के कतना लोग पद्मश्री आ पद्मभूषण से सम्मानित हो गेलन, बाकि रामजतन चाचा के गीत गाँव में रह गेल ।)    (माकेसिं॰53.30)
1055    लाठी-कोड़ा (आजादी के लड़ाई में जेहल गेली, लाठी-कोड़ा खइली, हाथ-गोड़ में हेरी-बेरी पड़ल ।)    (माकेसिं॰34.27)
1056    लामा (= लम्मा; लम्बा) (पाँच फुट पाँच ईंच के शरीर हे ओकर बिलकुल नापल जोखल । लामा हाथ नोहरंगनी से रंगल नोह के अंगुरी पकल लाल मिरचाई लेखा शोभऽ हे ।)    (माकेसिं॰66.6)
1057    लिच-लिच (~ पातर) (हाथ-गोड़ अइसन लिच-लिच पातर कि पुरवइया हवा में नीम के सूखल पत्ता लेखा उड़िया जयतन ।)    (माकेसिं॰55.6)
1058    लिट्टी-चोखा (होत भिनसहरे पराती शुरू - बड़ाबाबू गान्धी मैदान में टहले । सुलभ शौचालय में पर-पखाना, गंगा में नेहान-धोआन - बस, कोनो दुकान पर बइठ के लिट्टी-चोखा गटक जयतन आ टगइत स्कूल के ऑफिस ।)    (माकेसिं॰40.4)
1059    लुगा (नवरतनी फुआ लगबो करऽ हे फुआ लेखा । उज्जर उज्जर भुआ लेखा केस, मांग में सेन्नुर, आमछाप लुगा, नाक में छूंछी, कान में कनबाली, गोड़ में बिछिया, नोहरंगनी से रंगल गोड़, लिलार में टिकुली, भर बाँह चूड़ी ।)    (माकेसिं॰20.24)
1060    लुग्गा (चनकी दाई तेल-साबुन से घिना हे । सालो भर रेह से लुग्गा साफ करत ।)    (माकेसिं॰66.12)
1061    लुरगर (धनेसर लेखा बुधगर लुरगर आदमी सब जगह हथ बाकि ओइसहीं दादागिरी, हुकुमगिरी चल रहल हे जइसे हम्मर ऑफिस में बेचारा धनेसर ।)    (माकेसिं॰73.27)
1062    लुर-लच्छन (पाँचो बेटा के तो न पढ़ौलन बाकि बेटी के दोसर घर जाय ला हे, लुर-लच्छन अच्छा होवे के चाही । एही सोच के ऊ तेतरी के पढ़ावे ला स्कूल में नाँव लिखौवलन बाकि तेतरी ला स्कूल पंछी के पिंजरा जइसन !)    (माकेसिं॰25.10)
1063    लुर-लुर (कोई हाथ पसारल कि तेतरी हवाक से गोदी में । ... शरीर से जइसे लुर लुर, सोभाव से ओइसहीं पुल पुल ।)    (माकेसिं॰24.23)
1064    लुलुआना (हम्मर सवांग आ बाल-बच्चा कमजोर रहित त ओकरो लोग लुलुआवइत रहितन । बाकि केकर माय शेर बिअयलक हे जे हमरा सामने हम्मर इज्जत पर अंगुरी उठा सकऽ हे ।)    (माकेसिं॰70.2)
1065    लुल्ह (= लूला) (ऊ लाठी के एक पटकन जेकर मकज पर पड़ गेल - समुझ लऽ सीधे सुरधाम, कहुँ हाथ-गोड़ पर पड़ गेल - समुझऽ हाथ-पैर से लुल्ह, पीठ इया कमर पर पड़ गेल समुझऽ रीढ़ इया कमर के हड्डी लोहा के गाटर से कोई तोड़ देल हे ।)    (माकेसिं॰101.2)
1066    लुह-फुह (लुह-फुह बंगुरल किकुरल लतरिया, महुआ लटाई गेलई आम के मोजरिया । चिरईं-चुरूंगा सनसार हो, बन्हल हँकड़े गइया रे बकरिया ।)    (माकेसिं॰76.26)
1067    लूर (चमोकन के देह में आग लग गेल - "अयलऽ हे बेटा के जिआवे ला भीख माँगे आ बोले के लूर हवऽ हइए न ।")    (माकेसिं॰60.29)
1068    लेंढ़ा (= बलुरी; मकई के बाल से दाना छुड़ा लेने के बाद बचा सूखा अंश; कटहल के फल का मुसड़ा) (घर में मकई के खेत में चार खंभा के मचान बन गेल हे । ई मचान पर बइठतन तइयो ढकेलयतन, नीचे रहतन तइयो ककड़ी आ मकई के लेंढ़ा माथ पर बजरबे करत ।)    (माकेसिं॰41.28)
1069    लेखा (= सदृश, समान, जैसा) (चमोकन माय-बाप के एकलौता बेटा हथ । उनकर असली नाम चनेसर हल । चनेसर के रूप-रंग, चाल-ढाल अनमन चमोकने लेखा । उनकर रंग ईंटा लेखा लाल, चुक्का लेखा मुँह, बनबादुर लेखा आँख ।)    (माकेसिं॰55.3, 4)
1070    लेखा (ए धनेसर, सब जगह एहे बात हऊ बउआ - घर-घर देखा एके लेखा ।)    (माकेसिं॰72.30)
1071    लेदरा (= गेंदरा, गेनरा, नेनरा) (गाँव के मेहरारू केंवाड़ बन्द कर देल । बाल-बच्चा के लेदरा तर घुसेर देल - खिड़की खोल के सब खिलकट देखे लगल । बिअहुती औरत के सास कोना-सान्ही से भी झाँके ला मना कर देल । माय बिन बिआहल लड़की के गोड़ में छान-पगहा डाल देल ।)    (माकेसिं॰63.7)
1072    लेमो (भूलेटन के अँचार के सवाद जर-जेवार में मशहूर - आम के अँचार, अमड़ा के अँचार, लेमो के अँचार, अँवरा के अँचार, अमरूध के अँचार, कलौंदा के अँचार, मुरई आउ मिरचाई के अँचार, कटहर, करइला के अँचार - न जाने केतना किसिम के अँचार झोरी में लेके चलतन ।)    (माकेसिं॰82.13)
1073    लेहुआना (सबके हाथ लेहुआयल हे । काटे से कोई बाज न अयलक । लूट मचल हे, जतना हिच्छा हे लूट लेवे ।)    (माकेसिं॰73.25)
1074    लोंघड़निया (हरवाहा जब खेत में कादो करे लग तब ई खेत में लोंघड़निया मारे लगतन । जइसे खेत जोतला पर चउकी दिआ हे ओइसहीं ई सउँसे खेत में लोंघड़निया मारे लगतन ।)    (माकेसिं॰56.2, 3)
1075    लोआ-पोआ (कोई हाथ पसारल कि तेतरी हवाक से गोदी में । जइसे बकरी के पठरू, बिलाई, कुत्ती के बच्चा लोआ-पोआ, ओइसहीं तेतरी, जुलुर जुलुर हाथ - पैर पुलुर पुलुर आउ देह - खेसारी के निढ़ल साग लेखा, सिमर के रूआ लेखा ।)    (माकेसिं॰24.21)
1076    लोछियाना (कोई कभी-कभार भूलेटन के इयाद में उनकर दुआरी पर ठार होवत तो पुतोह अइसन लोछिया के बोलत जइसे लोहचुट्टी काट लेल । जीवन भर कमाके का कयलन ? सब दिन भीखे माँगइत रहलन । खेते-खेते छुछुआइत चललन । न घर-दुआर बनौलन न केकरो पढ़ौलन-लिखौलन ।)    (माकेसिं॰90.13)
1077    लोढ़ा-सिलउट (छवो के बाल बच्चा लोढ़ा-सिलउट लेखा बज्जर, पढ़ल-लिखल, गुनगर, सोभवगर ।)    (माकेसिं॰65.10)
1078    लोर (कोई तेतरी दीदी के गोड़ छुअइत हे, कोई अँकवारी में समाइत हे, कोई ओकर लोर पोंछ रहल हे ।)    (माकेसिं॰27.12)
1079    लोल (~ मारना) (पेन्शन के मामला उनका लेखा चिल्ह-कउआ के चोंच लेखा । लोल मारइत मारइत अतना घवाहिल कर देल, जिनगी के जोश-खरोश के खून चिभइत गेल, आ पेन्शन उनका ला अइसन लकवा के बेमारी धरलक कि सीधे सुरधाम पहुँचा के छोड़लक ।)    (माकेसिं॰46.5)
1080    लोहचुट्टी (कोई कभी-कभार भूलेटन के इयाद में उनकर दुआरी पर ठार होवत तो पुतोह अइसन लोछिया के बोलत जइसे लोहचुट्टी काट लेल । जीवन भर कमाके का कयलन ? सब दिन भीखे माँगइत रहलन । खेते-खेते छुछुआइत चललन । न घर-दुआर बनौलन न केकरो पढ़ौलन-लिखौलन ।)    (माकेसिं॰90.13)
1081    शमशान (= श्मशान) (जिन्दगी भर के सजावल-सँवारल बगइचा देखइते-देखइते एके दिन में शैतान के हविश के शमशान बन गेल ।; सउँसे रामचरितर बिगहा शमशान बन के टुकुर टुकुर ताक रहल हे ।)    (माकेसिं॰98.24; 109.1)
1082    शादी-बिआह (ऊ चल गेल, छछनइत खखनइत रह गेल - कोई भर मुँह हमरा से बोलइत, कोई अंगना-दुआर पर बइठे ला आदर से पीढ़ा देवइत, शादी-बिआह, गवना तिलक, छठी-छीला में बोलावइत - राम-बिआह, शिव-बिआह के झूमर, सोहर गीत गवावइत, दुल्हा-दुल्हिन के परिछन करवावइत, चउका पर बइठल बर-कनेया के असीरबादी अच्छत छींटे ला कहइत ।)    (माकेसिं॰67.7)
1083    शादी-बिआह (केकरो शादी-बिआह हे, कपड़ा-लत्ता, जूत्ता-चप्पल, सोना-चानी के गहना, मर-मसाला, डलडा-तेल, पत्तल उधार-पईंचा दिलवा देतन, तिरवेदी जी के दुकान शर्मा जी के मकान, साग-सब्जी सब सरजाम जब ले ई करवा न देतन तब ले इनकर गोड़ साइकिल बनल रहत ।)    (माकेसिं॰33.16)
1084    शीतला माय (बड़की छठी मइया के मनता उतारलक । शीतला माय के मन्दिल में खोंइछा भरलक ।)    (माकेसिं॰42.27)
1085    संगोरना (= संगेरना; सेंगारना; संग्रह करना) (इहे बात के अमनख हम अप्पन मन में सोंगोरले एक दिन भूलेटन के बगइचा में गेली । संजोग से उनकर बेटा आ पुतोह दून्नो मिल गेलन । उनकर नाम लेवइते ऊ बेंग लेखा कूदे लगलन, कनगोजर लेखा रेंगे लगलन ।)    (माकेसिं॰90.22)
1086    संझली (उनका बेटा भेल - छोटकी औरत रजमुनियाँ के कोख से । ... बड़की औरत लछमिनियाँ दया के आगार निकलल - खूब सेवा-टहल, तेल-कूँड़ कयलक, सोंठ-बतीसा घाँट के खिलावे बाकी मंझली मंगरी आ संझली सोमरिया के सौतीन डाह न मेटल ।)    (माकेसिं॰42.19)
1087    संडक (= सड़क) (जउन संडक कमर लचका लचका के गले लगावइत हल ऊ बिरह में नागिन लेखा लोटइत हे ।)    (माकेसिं॰80.12)
1088    संतोख (= संतोष) (हम्मर जब ऊ बड़ाई करे लगऽ हलन तब लजा जा हली आ कहबो करऽ हली कि हम अपने के आगु कुछ न ही, समझऽ ढेला-झिटकी बाकि उनका संतोख न होवऽ हल ।)    (माकेसिं॰51.19)
1089    सउँसे (घना बगइचा, आम, महुआ, लीची, अमरूध के पेड़ । बगइचा के बीच में एगो झोपड़ी, झोपड़ी के चारो तरफ गुलमोहर आ सिमर के फूल सउँसे बगइचा के धधकइत आग लेखा उगइत सुरूज के छितिज लेखा अनेर कयले ।)    (माकेसिं॰15.6)
1090    सउरी (= सौरी; प्रसूति गृह, प्रसव करने का कमरा) (कोई औरत के लइका होवे ला हे, दोपस्ता सउरी में बइठ के परसउती के पीड़ा से परान ब्रह्मांड पर चढ़वले हे, जइसे भगवान के धेयान लगावल जाहे, ओइसहीं नवरतनी फुआ पर धेयान टंगल हे ।; नवरतनी फुआ आयल, नीम के पत्ता डाल के खौलावल पानी से - लाइफ बोआय से हाथ धोलक आउ सउरी में पैर डाललक ।; जेकर नार काटलक ओकर जिनगी अबाद । आझ ले केकरो ढोंढ़ न फेंकलक, सउरी में केकरो जमुहा आ हाबा-डाबा न धयलक ।)    (माकेसिं॰18.5, 9, 12)
1091    सकदम (सब के परान सकदम । नाक से पसेना चूए लगल । आँख तर अन्हार । कहुँ तेतरी दीदी के थाह-पता न ।; खेत के घास-पउधा ओकर डोली तर अइसन पसर गेलन कि तेतरी दीदी पेसम पेस में । ओकर परान सकदम ।)    (माकेसिं॰23.9; 27.22)
1092    सक-सुबहा (दुश्मन से कोई लगाव-बझाव न - सीधे गोली दागऽ, आ चुपचाप रात भर फोंफ काटइत रहऽ । कोई सक-सुबहा न, कोई मउँचक न ।)    (माकेसिं॰47.21)
1093    सगरे (= सगरो) (ओझा पट्टी होवे इया अहीर पट्टी, कुम्हर टोली होवे इया मुसहर टोली, बभन टोली होवे इया कहर टोली - चानमामू सगरे देखाई देतन ।)    (माकेसिं॰30.15)
1094    सगरो (गाँव में सगरो तेतरी दीदी के चरचा ।)    (माकेसिं॰28.8)
1095    सड़ाक (घोड़ा आ बयल चुचकारे से चलऽ हे ? पहिले टिटकारऽ फिर फटकारऽ आ न तब सड़ाक ! सड़ाक !! पीठ पर चाभुक के मार फिर देखऽ कइसे काम होवऽ हे ।)    (माकेसिं॰72.13)
1096    सनकना (कोई कह देत अलीगढ़ में दू हजार हिन्दू के रातोरात काट के कहवाँ खपा देवल गेल कोई पता न । ... तीसर गाँव से पागल लेखा सनकल दिमाग से भरेठ गिरावे लगत - अमृतसर में स्वर्ण मन्दिर में आठ घंटा बमबारी होवइत रहल, पाँच सौ पाकिस्तानी आतंकवादी ढेर हो गेलन ।)    (माकेसिं॰96.31)
1097    सनमत (ओ घड़ी गाँव में अइसन सनमत हल कि एक आवाज पर सउँसे गाँव टूट पड़ल हल ।)    (माकेसिं॰22.4)
1098    सनमान (= सम्मान) (बूढ़-जवान, बाल-बुतरू सब रजिया अम्मा के आदर आउ सनमान करऽ हथ ।)    (माकेसिं॰92.11)
1099    सबदगर (= स्वादिष्ट) (गाय के दूध, रोटी, दलपीट्टी, गुड़पीट्ठी, ढकनेसर, दारा, सतुआ उनकर रूचगर भोजन । कोंहड़ा, बइगन, भंटा, लउका, नेनुआँ, सीम, कटहर, ओल, आलू, कोबी, साग-पात सबदगर सब्जी ।)    (माकेसिं॰101.28)
1100    समाना (= अन्दर घुसना) (धनेसर जब जंगल के बीचोबीच पातर सड़क से गुजरे लगल तब हमरा लगे कोनो खोह में सर सर समाइत जा रहली हे ।)    (माकेसिं॰78.20)
1101    समिआना (= शामियाना) (गहना चढ़ावे के टेम फिन चमोकन के नाम से गारी दिआये लगल । चमोकन मड़वा से उठलन आ समिआना में आके बइठलन त झाँकियो मारे न गेलन समधी के दुआर पर ।)    (माकेसिं॰59.22)
1102    समुझना (= समझना)  (बड़ाबाबू ! जुग जमाना के समुझऽ । अब तोर जुग बीत गेलवऽ, नया जुग शुरू भेलवऽ पइसा के जुग, चमचागिरी के जुग, बेगारी आ खिदमतगारी के जुग, पइसा फेंकऽ तमाशा देखऽ ।; तीनो औरत के तीन चूल्हा जरे लगल । बड़की सब बात समुझ के भी चुप रहे ।)    (माकेसिं॰44.13; 46.16)
1103    समुझाना (= समझाना) (रजिया अम्मा अतना थक गेल हे कि खाट पकड़ लेल । कंठ से अवाज न निकले । जे कहत से हाथ से समुझा के इया सिलेट-कागज पर लिख के ।)    (माकेसिं॰97.6)
1104    सम्भारना (= सम्हारना; सँभालना) (बड़ाबाबू खुश नजर न आवित हथ । इहाँ से हटला पर घर के नौटंकी आ सर्कस के सम्भारत ? जवानी के जोश में बिआह तो करइत गेलन - सुअर-बिलाई लेखा बाल-बच्चा जलमावइत गेलन बाकिर अब अनार के दाना लेखा दाँत टूटत तब बुझायत ।)    (माकेसिं॰41.21)
1105    सरंगी (= सारंगी) (ऊ गोरा रंग के, अंगरेज के मात करेवाला देह के चमड़ी । इहे चमड़ी के बल पर चार गो लड़की लोभा गेल - ऊ चार शादी कयलन - चारो चार लाख के । एगो सरंगी घोंटऽ हे त दूसरा कंसी, तीसरा मानर बजावऽ हे त चउथा पखाउज ।)    (माकेसिं॰39.3)
1106    सरग (= स्वर्ग) (तरह तरह के गाछ-बिरिछ, फूल-पत्ती, झील-झरना देख के मन सरग के परिकरमा करे लगल ।)    (माकेसिं॰79.8)
1107    सरगनई (सउँसे गाँव ठकुरवाड़ी में जुटल । दूबे जी के सरगनई मेंपंचइती भेल ।)    (माकेसिं॰21.16)
1108    सरजाम (= व्यवस्था; किसी काम के लिए जरूरी सामान) (~ जुटना; ~ जुटाना) (पुआ-पकवान से बगइचा गमगमा उठल - दूध के तसमई, भतुआ के मिठाई - सौ किसिम के सरजाम ।; केकरो घरे मँड़वा गड़ा रहल हे । गाड़े ला बाँस, बान्हे ला मूंज के रस्सी, छावे ला झलासी, बाँह पूजे ला अइपन, सब सरजाम जुटल । गाँव घर के बाबा-भइया, दादी-चाची पहुँचल हथ बाकि नवरतनी फुआ के असरा जोहा रहल हे, सबके नजर डघ्घर पर । एतने में नवरतनी फुआ टुघुरइत टुघुरइत आ गेल ।; केकरो शादी-बिआह हे, कपड़ा-लत्ता, जूत्ता-चप्पल, सोना-चानी के गहना, मर-मसाला, डलडा-तेल, पत्तल उधार-पईंचा दिलवा देतन, तिरवेदी जी के दुकान शर्मा जी के मकान, साग-सब्जी सब सरजाम जब ले ई करवा न देतन तब ले इनकर गोड़ साइकिल बनल रहत ।)    (माकेसिं॰15.15; 17.22; 33.19)
1109    सरधा-भगति (= श्रद्धा-भक्ति) (कोई पुजारी जतना सरधा-भगति से पूजा के डाली सरिआवऽ सजावऽ हे ओतने मनगर होके किसिम-किसिम के अँचार लगा के घर में रखले रहतन ।)    (माकेसिं॰85.14)
1110    सरापना (= शाप देना) (उनका बेटा भेल - छोटकी औरत रजमुनियाँ के कोख से । ... बड़की औरत लछमिनियाँ दया के आगार निकलल - खूब सेवा-टहल, तेल-कूँड़ कयलक, सोंठ-बतीसा घाँट के खिलावे बाकी मंझली मंगरी आ संझली सोमरिया के सौतीन डाह न मेटल । दुन्नो के बज्जर पड़ गेल - चौबीसो घंटा कपार ठोकइत रहे - ओकर कोख के सरापइत रहे ।)    (माकेसिं॰42.21)
1111    सरिआना (कोई पुजारी जतना सरधा-भगति से पूजा के डाली सरिआवऽ सजावऽ हे ओतने मनगर होके किसिम-किसिम के अँचार लगा के घर में रखले रहतन ।)    (माकेसिं॰85.14)
1112    सवख (= शौक) (हमरा कोनो सवख हे कि जने चलूँ, पास में पिस्तौल लेके चलूँ । रात भर कभी हम, कभी हम्मर औरत, कभी बेटा, कभी पुतोह, मलेटरी के सिपाही लेखा बोर्डर पर घिरनी लेखा नाचइत रहऽ ही ।)    (माकेसिं॰51.20)
1113    सवखीन (= शौकीन) (खाजा आ तिलकुट के सवखीन चानमामू साल में तीन चार बार सिलाव आउ गया जयतन ।; उनकर मेहरारू भी उनके लेखा साया-साड़ी आ गहना-गुड़िया के सवखीन ।; गान-बजान के ऊ अतना सवखीन हलन कि जेवार से गावे ला उनका बोलहटा आवऽ हल ।)    (माकेसिं॰34.8, 12; 53.14)
1114    सवांग (हम्मर सवांग आ बाल-बच्चा कमजोर रहित त ओकरो लोग लुलुआवइत रहितन । बाकि केकर माय शेर बिअयलक हे जे हमरा सामने हम्मर इज्जत पर अंगुरी उठा सकऽ हे । हम जिन्दा ही तब अप्पन सवांग के चलते, बाल-बच्चा, बेटा-बेटी, पोता-पोती, नाती-नतिनी के चलते ।; धनेसर हम्मर घर के सवांग, हम्मर पूरा परिवार ओकर घर के सदस्य ।)    (माकेसिं॰70.1, 4; 81.11)
1115    सवाई (~ सूद = मूलधन एक पर मिश्रधन सवा अर्थात् सालाना 25 % सूद)  (गाँव में सबके हाथ खाली बाकि चमोकन के हाथ में बारहो मास लछमी सदा बिराजमान । ई केकरो उधार-पईंचा न दे सकथ । जब देतन तब सवाई सूद पर ।)    (माकेसिं॰56.29)
1116    ससुरार (नवरतनी फुआ के नइहर केला के बगान, ससुरार बाँस के बँसवारी । नइहर में सात गो भाई, ससुरार में सात गो देवर-भईंसुर । नइहर बहुत कम जायत । ससुरार से छुटकारा कहाँ ।; जउन घड़ी नवरतनी फुआ ससुरार में गोड़ धयलक हल, ओकर चढ़इत जवानी देख के सब कोई अगरा जा हल ।)    (माकेसिं॰20.16, 17, 18, 31)
1117    सहकबउरी (= सहजबउरी; अधपगला जइसा व्यवहार) (कोई कहे देवी मइया देह धयले हथीन - कोई कहे चनकी दाई बायमत पूजऽ हथीन - कोई कहे देह पर मियाँ-बीबी आवऽ हथीन । कोई कहे डाइन कोई पिचासिन । कोई कहे मन के सहकबउरी हे - कोई कहे अधकपारी हो गेलथीन हे - कोई कहे चनकी दाई सनकी हो गेलथीन ।)    (माकेसिं॰63.18)
1118    सहिजन (= सहजन; मुनगा) (नेनुआ आ झिंगुनी, सहिजन आ अदौरी ओकरा ला सोना के भण्डार । सब दिन ऊ साग भात खायत । बूट आ खेसारी के साग पर तो ओइसहीं टूट पड़ऽ हे जइसे खेत से भूखल बयल नाद में गोतल सान्ही-पानी पर ।)    (माकेसिं॰20.6)
1119    सहुर (= सहूर) (चमोकन के मुँह कुम्हार के आँवा लेखा भभके लगल - "बूढ़ी हो गेलऽ बाकि बोले के सहुर न सीखलऽ ।"; हमरा बोले के सहुर अब बुढ़ारी में का आवत ।)    (माकेसिं॰60.2, 6)
1120    सहूर (एही बीच में चमोकन के मुँह लाल, आँख बिरबिरावे लगलन - "हटलऽ कि एक एँड़ देऊँ । बोले के पहिले सहूर हवऽ ।)    (माकेसिं॰58.17)
1121    साँझ-बिहान (जउन गाँव में बात-बात पर लाठी लठउल, एक बित्ता आरी-पगारी ला भाला-गड़ास, राई के तीसी आ तीसी के राई बनावेओला गाँव, होत साँझ-बिहान सातो पुरखन के नेओतहरी, छोट-छोट बात पर गिधवा-मसान - ऊ गाँव में चानमामू सब के मामू बन के रह गेलन ।)    (माकेसिं॰31.21)
1122    साँप-बिच्छा (राह चलत तब नजर धरती मइया के गोद में । ओकरा देख के साँप-बिच्छा, सियार-बिलार भी राह छोड़ के हट जायत ।)    (माकेसिं॰20.27)
1123    साछात (= छछात; साक्षात्) (तू लोग जे लिखऽ हऽ ऊ आत्मा के आवाज हे । सुरसत्ती तोरा लोग पर साछात सवार होके लिखावऽ हथ ।)    (माकेसिं॰36.31)
1124    साड़ी-झूला (बिसउरी पूरल । नवरतनी फुआ के नया साड़ी-झूला, भर हाथ चूड़ी, माँग में सेन्नुर, खोंइछा में चाउर, सीधा अलग से ।)    (माकेसिं॰18.13)
1125    सान्ही (कोना-~) (गाँव के मेहरारू केंवाड़ बन्द कर देल । बाल-बच्चा के लेदरा तर घुसेर देल - खिड़की खोल के सब खिलकट देखे लगल । बिअहुती औरत के सास कोना-सान्ही से भी झाँके ला मना कर देल । माय बिन बिआहल लड़की के गोड़ में छान-पगहा डाल देल ।)    (माकेसिं॰63.9)
1126    सान्ही-पानी (= सानी-पानी) (~गोतना) (सब दिन ऊ साग भात खायत । बूट आ खेसारी के साग पर तो ओइसहीं टूट पड़ऽ हे जइसे खेत से भूखल बयल नाद में गोतल सान्ही-पानी पर ।; चानमामू के सब कुछ मिलल, आ जे मिलल से छप्पर फार के । ओह जमाना में जब केकरो घिरसिर ईंटा के बन जा हल त लोग देखे आवऽ हल - चानमामू के ईंटा के मकान छोड़ऽ, जब जनावर के बान्हे ला ईंटा के खरंजा लगल, सान्ही-पानी गोत के खिआवे ला सिरमिट के पक्का नाद बनल, ऊपर से हवादार खप्पर छानी बनल तब जेवार के लोग देखे अयलन ।; चानमामू जनावर के बड़ा प्रेमी । जब ले ऊ अप्पन हाथ से सान्ही-पानी न गोततन तब ले उनका मच्छर काटइत रहत आ जनावर भोंकड़इत रहत ।)    (माकेसिं॰20.8; 31.31; 32.6)
1127    साहितकार (= साहित्यकार) (हम साहितकार रहती त एगो बड़का उपन्यास लिख देती ।; स्व अनुभूति, परा अनुभूति आ सहानुभूति में कतना अन्तर हे न कोई साहितकार, कलाकार बता सकऽ हे न ई समीक्षक समझ सकऽ हे ।)    (माकेसिं॰43.30; 67.30)
1128    सिंगार (= शृंगार) (करुआ तेल उनकर जिनगी के सिंगार हे । नेहाये के पहिले सउँसे शरीर करुआ तेल चभोर लेतन ।)    (माकेसिं॰55.21)
1129    सिंगार-पटार (हम जान के नाच न करऽ ही । हमरा सामने उनकर मूरत ठीक अधरतिया में आवत । हम्मर देह सिहरे लगत, काँपे लगत । भोर होते होते सिंगार-पटार करके हम नाचे लगऽ ही । हमरा कुछ न बुझाये ।)    (माकेसिं॰69.14)
1130    सिआह (= स्याह, काला, विवर्ण) ("हित-नाता लेखा आवऽ हऽ, आवऽ जा, एकरा ला हमरा कोई अमनख न हे । बाकि तू तो पढ़ल-लिखल होके आझ बूरबक लेखा काहे बोलइत हऽ ।" हम तो सिआह बन गेली । सोंचइत घरे अइली ।)    (माकेसिं॰57.14)
1131    सिकड़ी (= सिकरी) (मलकिनी कहऽ हथ - 'धनेसर अबहियो होत भिनुसहरा सिकड़ी बजावऽ हे तखनिए हम्मर नीन टूट जाहे । धनेसर देह से हमनी के बीच न हे बाकि ओकर इयादगार हम्मर पीढ़ी-दर-पीढ़ी चलइत जायत ।')    (माकेसिं॰81.27)
1132    सिकरी (= सिकड़ी, साँकल) (होत अनमुहान धनेसर साहेब के डेरा पर । ओन्ने मुरगा बाँग देत एन्ने धनेसर घर के सिकरी बजावे लगत । लइकन सबके उठावत, आँख पर पानी के छिंटा देत आ पढ़े ला महटगिरी करे लगत ।)    (माकेसिं॰74.11)
1133    सिकरेट (= सिगरेट) (अरे रामायण गावे अयलऽ हे कि गांजा के दम लगावे, फूलचन के रामायण हे, खिंच लऽ बीड़ी-सिकरेट, थुकर ल खैनी खा खा के ।)    (माकेसिं॰50.7)
1134    सिमर (= सेमल) (घना बगइचा, आम, महुआ, लीची, अमरूध के पेड़ । बगइचा के बीच में एगो झोपड़ी, झोपड़ी के चारो तरफ गुलमोहर आ सिमर के फूल सउँसे बगइचा के धधकइत आग लेखा उगइत सुरूज के छितिज लेखा अनेर कयले ।; कोई हाथ पसारल कि तेतरी हवाक से गोदी में । जइसे बकरी के पठरू, बिलाई, कुत्ती के बच्चा लोआ-पोआ, ओइसहीं तेतरी, जुलुर जुलुर हाथ - पैर पुलुर पुलुर आउ देह - खेसारी के निढ़ल साग लेखा, सिमर के रूआ लेखा ।; अतना कहइत कहइत उनकर माथ के उज्जर बार हिमालय लेखा ठार हो गेल । झुकल हलन से सोझ हो गेलन, उनकर बदन काँपे लगल, आँख सिमर के फूल लेखा लाल टेस ।)    (माकेसिं॰15.6; 24.23; 36.12)
1135    सिरमिट (= सिमेंट) (चानमामू के सब कुछ मिलल, आ जे मिलल से छप्पर फार के । ओह जमाना में जब केकरो घिरसिर ईंटा के बन जा हल त लोग देखे आवऽ हल - चानमामू के ईंटा के मकान छोड़ऽ, जब जनावर के बान्हे ला ईंटा के खरंजा लगल, सान्ही-पानी गोत के खिआवे ला सिरमिट के पक्का नाद बनल, ऊपर से हवादार खप्पर छानी बनल तब जेवार के लोग देखे अयलन ।; एक किनार पर बोरिंग, बोरिंग के बगल से धामिन साँप लेखा एगो रहता घर तक पहुँचऽ हे जहाँ तीन गो सिरमिट के छत कयल पक्का कोठरी - खूब हवादार आउ रोशनदार ।)    (माकेसिं॰32.1; 102.29)
1136    सिरिस (गाँव में डघ्घर पर पीपर, पांकड़, आम, जामुन, बरगद, महुआ, सीसो, सिरिस के झमाठ झमाठ पेड़ ओकर मन के पीड़ा के बखान कर रहल हथ, ओकर हिरदा के दरद बता रहल हथ ।)    (माकेसिं॰66.27)
1137    सिरे (= अनुसार) (अनाज के किसिम-किसिम के दाना बना के बाग-बगइचा आ तलाब के जीव-जन्तु के बुतात टेम के सिरे दुन्नो शाम अप्पन हाथ से देइत रहत ।)    (माकेसिं॰96.13)
1138    सिलेट (एही सोच के ऊ तेतरी के पढ़ावे ला स्कूल में नाँव लिखौवलन बाकि तेतरी ला स्कूल पंछी के पिंजरा जइसन ! ई फुदकेओला, कुदकेओला, चहकेओला, स्कूल में मन कहाँ से लगो, कौपी सिलेट कुईंया-तालाब में डाल देवे ।; रजिया अम्मा अतना थक गेल हे कि खाट पकड़ लेल । कंठ से अवाज न निकले । जे कहत से हाथ से समुझा के इया सिलेट-कागज पर लिख के ।)    (माकेसिं॰25.14; 97.6)
1139    सींझना (नइहरा में सींझले जउरिया, ये जउरिया ये मइया । मइया ससुरा में लगले धमसिया ये मइया ॥ मइया कउनी बहनवें नइहर जाऊँ ये मइया । हथवा में लेले दूई चिपरिया ये मइया ॥)    (माकेसिं॰87.23)
1140    सीज (= एक कँटीला पौधा जिसमें पत्ते नहीं होते, नागफनी) (बेचारे कुकुहारो से काँटा लेखा सीझइत गेलन आ गल गल के मोम लेखा पिघलइत गेलन । छिलइत गेलन बढ़ही के बँसुली से लकड़ी लेखा, साग के टूसा लेखा खोंटाइत गेलन । जिनगी भर सीज के काँटा पर सुतइत गेलन ।; दिन बीतइत गेल । चमोकन पोता-पोती वाला हो गेलन बाकि चमोकन नाम के पुकार उनका ला सीज के काँटा बनइत गेल । बुढ़ारी के खीस में केतना के कपार फोड़ देलन, केतना के दाँत काट लेलन ।; कोई मियाँ-बीबी ओकर देह धयले न हल । कोई जादू-टोना ऊ न जानल । बाकि अछरंग के सीज के काँट पर बिलबिला बिलबिला के मर गेल ।)    (माकेसिं॰46.2; 62.2; 67.14)
1141    सीझना (बेचारे कुकुहारो से काँटा लेखा सीझइत गेलन आ गल गल के मोम लेखा पिघलइत गेलन । छिलइत गेलन बढ़ही के बँसुली से लकड़ी लेखा, साग के टूसा लेखा खोंटाइत गेलन । जिनगी भर सीज के काँटा पर सुतइत गेलन ।; वास्तव में चनकी दाई के दरद मीरा के दरद लेखा कोई समझ न सकल । चनकी दाई भात लेखा सीझल कहानी हे ।)    (माकेसिं॰45.29; 70.10)
1142    सीधा (= भोजन बनाने का कच्चा सामान; पकाने या सिझाने का सामान) (बिसउरी पूरल । नवरतनी फुआ के नया साड़ी-झूला, भर हाथ चूड़ी, माँग में सेन्नुर, खोंइछा में चाउर, सीधा अलग से ।)    (माकेसिं॰18.14)
1143    सीम-बरसीम (चनकी दाई घरे-बने भरल-पूरल । तीस बीघा नफीस खेत-बधार, आम-अमरूध, महुआ-जामुन, केरा-कटहर, अंवरा-पपीता के बारहमासा बाग-बगइचा, कोंहड़ा-भतुआ, लउका-नेनुआ, सीम-बरसीम, करइला से लथरल बगान, अलुआ, कोबी, टमाटर, रमतरोई, मूरई, मेथी, पालक, गाजर, राई, सरसो, तीसी, जवाइन-मंगरइला, लहसुन, पेयाज, बेदाम से लहफह - सातो बिहन । कोई चीज के कमी न ।)    (माकेसिं॰64.13-14)
1144    सीसो (= शीशम) (तेतरी दीदी के आँख से कुछो बुझा न रहल हे । पीपर के पत्ता झर गेल, बरगद ठूँठ हो गेल, पाँकड़ आ गूलर के पता भींज गेल, ढिबरा ढह गेल, चँवर के सोती सूख गेल, जामुन झँवर गेल, सिरिस आ सीसो अलगे सिसक रहल हे, केला के घउद लमर गेल, पात-पात चिहक गेल, धरती दरक गेल, अकास झुक गेल, परबत ढिमिला गेल । सउँसे प्रकृति तेतरी दीदी के बिरह में अछोधार लोर बहा रहल हे ।)    (माकेसिं॰28.1)
1145    सुअर-बिलाई (बड़ाबाबू खुश नजर न आवित हथ । इहाँ से हटला पर घर के नौटंकी आ सर्कस के सम्भारत ? जवानी के जोश में बिआह तो करइत गेलन - सुअर-बिलाई लेखा बाल-बच्चा जलमावइत गेलन बाकिर अब अनार के दाना लेखा दाँत टूटत तब बुझायत ।)    (माकेसिं॰41.21-22)
1146    सुघ्घर (धन्य हथ चानमामू ! धन से जइसन मजगूत जन से ओइसने भरपूर, देह से जइसन सुघ्घर नेह से ओइसने सुथर ।)    (माकेसिं॰31.16)
1147    सुतना-बइठना (बगइचा के एगो कोना पर बाँस के चचरी के बनावल उनका सुते-बइठे ला एगो छावल मचान बना देवल गेल हे ।)    (माकेसिं॰103.16-17)
1148    सुताना (घरे अयला पर देखइत हथ सब कि मालिक ओहे अदमी हथ जे चँवर में मिललन हल । चमोकन औरत के कहलन, "सबके रोटी आ मट्ठा खिआ के सुता दऽ, बिहने बिदाई एको पइसा दीहऽन ।")    (माकेसिं॰61.27)
1149    सुधुआ (= सीधा) (बड़ाबाबू के सुधुआ गाय समझ के सब कोई दुहलन । जेकर बरिसो के अँटकल फाइल रफा-दफा कर देलन, ऊ इनका देखइते मुँह फेर लेवऽ हे । जेकर बेटा के फस्ट डिविजन पास करावे में एँड़ी-चोटी के पसेना एक कर देलन आझ ऊ इनका देखला पर मुँह ढाँप लेइत हे ।)    (माकेसिं॰45.10)
1150    सुननिहार (बीच में झलासी आ खपड़ा से छावल ... सौ फीट लमा आउ पच्चीस फीट चौड़ा एगो चउपाल जेकरा में दद्दू भइया होरी, चइता, आल्हा, कुँवर विजयी, चुहड़मल, रानी सुरुंगा के गीत सुननिहार लागी, ओहे में एगो मंच जेकरा पर दद्दू भइया के बइठका आ गवनिहार के आसन लगऽ हे ।)    (माकेसिं॰102.23)
1151    सुनवइया (आझ लव शर्मा जब गावे लगऽ हथ तब सुनवइया आपुस में एहे कहतन - 'ई धरती बड़ा भाग्यशाली हवऽ, देखऽ रामजतन चाचा पोता के हूबहू रूप धर लेलन ।')    (माकेसिं॰52.30)
1152    सुन्न (= शून्य) (चमोकन फिन मुँह चुनिअएलन, आँख बिरबिरयलन, "सुनऽ बलेसर, बिआह न होतवऽ । मकान के नेवो न दिआयल आ काग बइठे लगल ।" बलेसर के दिमाग सुन्न । "कउन असगुन के बात हो गेल ?")    (माकेसिं॰59.1)
1153    सुन्नर (= सुन्दर) (उनकर जिनगी के अन्हार गोड़ी कबार देल । उनका बेटा भेल - छोटकी औरत रजमुनियाँ के कोख से ।)    (माकेसिं॰42.14)
1154    सुन्ना (= सूना) (बहिन के भाई लुट गेल, पत्नी के पति हेरा गेल, माय के गोदी सुन्ना हो गेल ।)    (माकेसिं॰98.4)
1155    सुरसती (= सरस्वती) (गाँव गंगा, जमुना, सुरसती के संगम, तिरवेणी के गुण, धरम सोभाव से गाँव के वातावरण में सदा शान्ति बिराजइत रहल ।)    (माकेसिं॰92.5)
1156    सुरसत्ती (= सरस्वती) (तू लोग जे लिखऽ हऽ ऊ आत्मा के आवाज हे । सुरसत्ती तोरा लोग पर साछात सवार होके लिखावऽ हथ ।)    (माकेसिं॰36.30)
1157    सुरुका (एक दिन धनेसर के माय धड़फड़ाइत लोटा लेले आयल । कह बइठलक - "ए बउआ चमोकन ! ... हम गाय खरीद न सकी । हम्मर बेटा के तूहीं जिअयबऽ ।" एके सुरुका में ऊ सब बात कह देलक ।)    (माकेसिं॰60.27)
1158    सुरूका (= सुर्ख) (हमरा बरदाश्त न होआयत । हम्मर आँख देखइते हऽ आ जबसे एकरा निकाले ला छुड़ी घोंपल गेल, तहिया से लाल सुरूका अपने आप हो गेल । हम तनि ताकली का कि रामजतन आँख देखा देलन ।)    (माकेसिं॰50.11)
1159    सुरूकिया (बरसात के महीना, कोरे कोर उपलायल नदी । बड़का बड़का चकोह, खतरनाक खतरनाक जानलेवा भँवरी आ ओकरा में तेतरी दीदी चभाक से कूद गेल आ डूबकी मारलक त एके सुरूकिया में नदी के ऊ पार ।; जइसे लोटा के लोटा दूध आ गुड़ के शरबत एके सुरूकिया में गड़गड़ाइत पेट में डाल लेतन ओइसहीं चूड़ा-दही खाय लगतन तब देखे ओला अचरज में पड़ जाहे ।)    (माकेसिं॰23.5; 102.2)
1160    सुलछनी (~ बेटी) (केकरो बेटी बिना गोदी सूना हे, नवरतनी फुआ के असीरबाद से सुलछनी बेटी जलम ले लेत ।)    (माकेसिं॰18.17)
1161    सूँढ़ (= सूँड़) (कटहर लेखा माथ, रीठल नादा लेखा गाल, करिया गाजर लेखा नाक, हाथी के सूँढ़ लेखा बाँह, टील्हा लेखा छाती, लोढ़ा लेखा लिलार, कनगोजर लेखा भौं, जामुन लेखा आँख, ललगुदिया अमरूध के फाँक लेखा ओठ, घुनसारी लेखा दहकइत मुँह के गलफर, अनार के दाना लेखा दाँत, माथ पर करिया बादर लेखा केस, छव फीटा जवान दद्दू भइया के देखला पर सबके मुँह से एके बकार - 'भगवान बड़ा सोच-समझ के दद्दू भइया के अप्पन हाथ से गढ़लन हे ।')    (माकेसिं॰100.2)
1162    सेन्नुर (= सेनुर, सिन्दूर) (सपना में तेतरी दीदी इन्नर के परी लेखा देखाई दे रहल हे । पिअर बिअहुती साड़ी, भर हाथ चूड़ी, मांग में सेन्नुर, कान में झूमका, नाक में नथिया, आँख में काजर, पाँव में महावर, ओठ में लिपिस्टिक, बूटेदार चद्दर ओढ़ले सबके सामने ठार हे ।)    (माकेसिं॰28.25)
1163    सेन्हमारी (सबके खेत के खेसारी कबर गेल, धान के परूई राताराती बान्ह के पताल में खपा देवल गेल, केकरो घर में सेन्हमारी भेल, केकरो घर में डकैती, केकरो खरिहान में आग लगा देवल गेल, केकरो गोरू-डांगर खोल के सोन पार हो गेल बाकि चानमामू के एगो पत्तो न खरकल । जइसन नेत ओइसन बरक्कत ।)    (माकेसिं॰31.24)
1164    सेर-पसेरी (लोग सेर-पसेरी से जनता के तउलल चाहऽ हथ, अपने तो बेंग बनल हथ । ई तराजू पर से उछिल के उ तराजू पर । अपने तो तौलाए के अनुशासने न रखत आ चलऽ हथ जनता के अनुशासन के घोंटी पिआवे ।)    (माकेसिं॰105.24)
1165    सेराना (= ठंढा होना) (उनकर स्मारक एके संदेश देवऽ हे - सुतऽ मत जागल रहऽ, सेरा मत तातल रहऽ, तउला मत बाँकल रहऽ, बउखा मत थाहल रहऽ ।)    (माकेसिं॰109.21)
1166    सेलचू (= सेलची) (तेतरी दीदी कहुँ न कहुँ से छकुनी लेले, रस्सी लेले पहुँच जायत आ जमे लगत लइकन के खेल - कभी डोल-पत्ता, कभी चिक्का-कबड्डी, कभी सेलचू, कभी ओका-बोका-तीन-तड़ोका, कनघीच्चो, बाघ-बकरी, अत्ती-पत्ती । सब खेल में पारंगत तेतरी दीदी ।)    (माकेसिं॰26.1)
1167    सेवा-खेवा (आ मुखिया ? समुझऽ गारल गिरई । एन्ने समाज सेवा ओन्ने डपोरसंखी । सेवा से जादे खेवा कहइत-कहइत उनकर मुँह आँवा से निकलल बरतन लेखा लाल हो जायत ।)    (माकेसिं॰35.3)
1168    सेसर (= श्रेष्ठ) (सब खेल में पारंगत तेतरी दीदी - दउड़ के पेड़ के फुतलुंगी पर चढ़े में, चिक्का-कबड्डी में दउड़े में फरहर, अँखमुनौवल में दउड़ के छुए में, डोल-पत्ता में डंडा फेंके में आ लावे में सेसर, बाघ-बकरी में सबके मात कर देवे, सबके कान काट लेवे ।; बिसुनदेव के पढ़े ला बनारस हिन्दू विश्वविद्यालय में भेजल गेल । पढ़े में ऊ तेज निकलल, खेले-कूदे में ओइसने सेसर ।; धनेसर गाड़ी चलावे में सेसर । एकरा आगु आउ सब ऑफिस के डराईभर फीका ।; जिलेबी आ रसगुल्ला उनका ला सबसे सेसर मिठाई ।)    (माकेसिं॰26.5; 58.10; 75.13; 102.1)
1169    सोंठ-बतीसा (उनका बेटा भेल - छोटकी औरत रजमुनियाँ के कोख से । ... बड़की औरत लछमिनियाँ दया के आगार निकलल - खूब सेवा-टहल, तेल-कूँड़ कयलक, सोंठ-बतीसा घाँट के खिलावे बाकी मंझली मंगरी आ संझली सोमरिया के सौतीन डाह न मेटल ।)    (माकेसिं॰42.18)
1170    सोघराना (जनावर के देखभाल करे ला दू दू गो बराहिल, तइयो ई जब ले अप्पन हाथ से सोघरवतन न, चुचकरतन न, तब ले गोरू-डांगर आँख फाड़ के निहारइत रहत ।)    (माकेसिं॰32.8)
1171    सोझ (= सीधा) (अतना कहइत कहइत उनकर माथ के उज्जर बार हिमालय लेखा ठार हो गेल । झुकल हलन से सोझ हो गेलन, उनकर बदन काँपे लगल, आँख सिमर के फूल लेखा लाल टेस ।)    (माकेसिं॰36.11)
1172    सोठ (रामचन्द्र सिंह पुरनका दिन के इयाद करइत करइत परान तेयाग देलन । अब बच गेलन हे के ? बटलोही, बरहगुना, सोठ, बतीसा, कठजामुन, चुटरी, कनगोजर, कुलबोरन आ चपोरन - सब मिलके बाँस के फोंफी लेखा बज रहल हथ ।)    (माकेसिं॰22.22)
1173    सोती (तेतरी दीदी के आँख से कुछो बुझा न रहल हे । पीपर के पत्ता झर गेल, बरगद ठूँठ हो गेल, पाँकड़ आ गूलर के पता भींज गेल, ढिबरा ढह गेल, चँवर के सोती सूख गेल, जामुन झँवर गेल, सिरिस आ सीसो अलगे सिसक रहल हे, केला के घउद लमर गेल, पात-पात चिहक गेल, धरती दरक गेल, अकास झुक गेल, परबत ढिमिला गेल । सउँसे प्रकृति तेतरी दीदी के बिरह में अछोधार लोर बहा रहल हे ।)    (माकेसिं॰28.1)
1174    सोना-चानी (केकरो शादी-बिआह हे, कपड़ा-लत्ता, जूत्ता-चप्पल, सोना-चानी के गहना, मर-मसाला, डलडा-तेल, पत्तल उधार-पईंचा दिलवा देतन, तिरवेदी जी के दुकान शर्मा जी के मकान, साग-सब्जी सब सरजाम जब ले ई करवा न देतन तब ले इनकर गोड़ साइकिल बनल रहत ।; पढ़ऽ - एहे सोना-चानी हवऽ - एकरा कोई बाँट न सकतवऽ ।)    (माकेसिं॰33.17; 74.21-22)
1175    सोभवगर (छवो के बाल बच्चा लोढ़ा-सिलउट लेखा बज्जर, पढ़ल-लिखल, गुनगर, सोभवगर ।)    (माकेसिं॰65.11)
1176    सोरहिया (= युक्ति या सुराग बतानेवाला; गुप्त भेद बतानेवाला; भेद का पता लगाकर उचित मंत्रणा देनेवाला) (कोई कहे नेक्सलाइट के एरिया कमांडर, कोई कहे मलेटरी के बिरगेडियर, कोई कहे अखाड़ा के पहलवान, कोई कहे सोरहिया, कोई कहे सनकल भईंसा, कोई कहे मस्ताना साँढ़, कोई कहे पागल हाथी - किसिम-किसिम के बोल, तरह-तरह के अनुमान । दद्दू भइया कहाँ रहऽ हथ, कहाँ सुतऽ हथ, कहाँ खा हथ - आझ ले केकरो पता न चलल ।)    (माकेसिं॰100.10)
1177    सोवाद (= स्वाद) (सबके जीभ चटकारे के मौका जरूर देतन । तरह-तरह के अँचार, तरह-तरह के चटकार, तरह-तरह के अँचार के सोवाद, तरह-तरह के मुँह में पानी, मलिकार खुश - बनिहार खुश - भूलेटन के पौ बारह ।)    (माकेसिं॰83.5)
1178    सोहर (उनकर झूमर, सोहर, होरी, चइता, कृषि गीत, निरगुन सुन के सब कोई रीझ जायत । बनिहार के लइकन-फइकन उनका अइसन घेर लेतन जइसे चूँटी गुड़ के घेर लेवऽ हे ।)    (माकेसिं॰83.1)
1179    सौतीन (~ डाह) (उनका बेटा भेल - छोटकी औरत रजमुनियाँ के कोख से । ... बड़की औरत लछमिनियाँ दया के आगार निकलल - खूब सेवा-टहल, तेल-कूँड़ कयलक, सोंठ-बतीसा घाँट के खिलावे बाकी मंझली मंगरी आ संझली सोमरिया के सौतीन डाह न मेटल ।)    (माकेसिं॰42.19)
1180    स्टोनो (= स्टेनोग्राफर) (बड़ा बाबू के बेटा के बिआह, स्टोनो बाबू के घर भोज, प्रोजेक्ट ऑफिसर के बेटा के छठी-छीला, धनेसर के नाक से पसेना चुअइत रहत ।; ठीक दस बजे आना पाँच बजे जाना । सब काम टैट । मजाल हे कोई फाइल बड़ा बाबू के धोकड़ी में आ केकरो दरखास्त स्टोनो बाबू के तकिया तर रह जायत ।)    (माकेसिं॰71.24; 72.10)
1181    हँकाड़ (जनावर के देखभाल करे ला दू दू गो बराहिल, तइयो ई जब ले अप्पन हाथ से सोघरवतन न, चुचकरतन न, तब ले गोरू-डांगर आँख फाड़ के निहारइत रहत । इहो ओकर दीगर के बात खूब समझऽ हथ, ओकर हँकाड़ में अप्पन पुकार बुझऽ हथ आउ आके हहरइत हँकाड़ अप्पन हाथ लगा के ओकर मन के शान्त कर देतन ।)    (माकेसिं॰32.10, 11)
1182    हँड़चना (ऊ अप्पन दुश्मन के तो चकनाचूर करिए देलन । जइसे गोबर के हँड़च हँड़च के पाथल जाहे ओइसहीं दुश्मन के पाथ के छोड़ देलन ।)    (माकेसिं॰47.19)
1183    हँड़िया (= धान आदि के चावल के भात से तैयार एक मादक पेय, शराब) (आज हम्मर आदिवासी भाई लोग पढ़ल न हथ - ओकर फल देखऽ - आँख के सामने सब कुछ लुटा रहल हे, ट्रक के ट्रक सब कुछ ढोआ रहल हे बाकि हमनी आँख के आन्हर । हँड़िया मिले के चाही ।)    (माकेसिं॰74.18)
1184    हजामिन (= हजाम की स्त्री; नाउन) (पाँच पवनियाँ पौ बारह - हजामिन, कुम्हइन, मालीन, तेलीन आ चमइन । हजामिन के नोहछुर, कुम्हइन के हाथी आ बरतन, मालीन के मौरी आ पटमौरी, तेलीन के तेल, आ चमइन के ढोल बिना बिआह-शादी के मजा किरकिरा ।)    (माकेसिं॰19.14, 15)
1185    हड़कना (खेत में बीया {मोरी} उखड़ रहल हे, ई चभर-चभर ओकरा में लोटइत रहतन । अचरज के बात ई हे कि सबके शरीर में जोंक सट जायत बाकि इनका से जोंक सात बिगहा अलगहीं से भड़क जायत । हो सकऽ हे भगवान इनकर शरीर में कोई अइसन तेजाब भर देले होयतन कि चमोकन के नामे से ऊ हड़क जा होयत ।)    (माकेसिं॰56.10)
1186    हड़हड़ाना (जने चले ओन्ने गली-कुची हिलावइत चले, राहे बाटे हड़हड़ाइत चले ।)    (माकेसिं॰25.26)
1187    हदबन्दी (गैर मजरूआ जमीन आ हदबन्दी से फाजिल जमीन पर जहाँ-जहाँ दद्दू भइया झण्डा गड़वा देलन, उखाड़े के केकरो बउसात न हे ।)    (माकेसिं॰108.14)
1188    हन-हन (~ करना) (गाड़ी हन हन करइत सरपट दउड़इत गेल । सड़क के दुन्नो ओर तरह-तरह के गाछ-बिरिछ एक दूसरा के छाती से लगा के आपुस में गप्प-सप्प कर रहल हलन । झार-झुरकुट एक दूसरा के माथ झुका झुका के सलाम करइत हल ।)    (माकेसिं॰78.21-22)
1189    हबकुरिए (फिर चभाक !! सबके ठरमुरकी मार देल । फिन सब मल्लाह ओकरा पाछे-पाचे हबकुरिए दउड़े लगल ।; कतना विश्वामित्र उनकर परिछा लेलन, सब कोई मुँह भरे गिरके हबकुरिए थोथुन रगड़े लगन ।; कतना लहाश झलासी में बूट के होरहा लेखा झोला गेल, कतना के खोपड़ी असमान में उड़ गेल, कतना बूढ़ी हबकुरिए पड़लन से पड़ले हे, कतना बुतरू माय के गोद में सटल से सटले रह गेल ।)    (माकेसिं॰24.8; 31.10; 109.5)
1190    हबेख (= किसी वस्तु का उचित उपयोग, भोग, उपभोग; ~ लगना = किसी वस्तु का सही उपयोग होना) (पचपन बरिस के उमिर में उनकर घर में इंजोर भेल । ... गाँव भर के पैर चमोकन के घरे - सबके हिरदा में हुलास - आँख में माया-ममता के मोती छलक रहल हे । बाकि गोतिया-नइया के मुँह करिखा । चमोकन के धन हबेख अब न लगत । बाकि ऊपर से मुँह पुराइ - 'जीए, जागे, फरे-फुलाए, हे सुरुज भगवान, अइसने लाज सबके रखिहऽ ।')    (माकेसिं॰58.2)
1191    हर-कुदार (मलिकार खेत-खरिहान के पढ़ाई पढ़लन, बनिहार हर-कुदार के कहानी समुझलन बाकि भूलेटन सबके मन के पढ़ाई पढ़लन, न कहुँ स्कूल में नाम लिखवलन न कोई डिग्री लेलन न पी-एच॰डी॰ कयलन ।)    (माकेसिं॰83.22)
1192    हरदी (सब कोई कह रहल हे, फुआ ढोलवा बजाव न तोरे बिना सब काम रूकल हे । एहे बीच में भोजइतीन ढोल पूजे ला दउरी में पाँच टूकी हरदी, चाउर आ पाँच गो पइसा छिपुनी में अइपन आ सेन्नुर लेके आ गेलन ।)    (माकेसिं॰17.28)
1193    हरमुनिया (= हरमुनियाँ; हारमोनियम) (ओ घड़ी जेवार में खपुरा के रामविसुन सिंह ढोलक बजावे में, मझौली के स्वयंवर मिस्त्री हरमुनिया बजावे में आ बेनीबिगहा के रामजतन चाचा झाल बजावे में नामी हलन ।)    (माकेसिं॰52.2)
1194    हरमुनियाँ (ऊ जेकरा जेकरा सिखवलन, आज भी उनका गुरु के रूप में ध्यान धरऽ हथ । चरनदेव सिंह रामायण गावे के पहिले रामजतन चाचा के धेयान लगवतन, तिरजुगी शर्मा हरमुनियाँ खोले के पहिले रामजतन चाचा के गोहरवतन, सिद्धनाथ पण्डित आ रवीन्द्र शर्मा ढोलक पकड़तन तब उनकर धेयान में रामजतन चाचा के चेहरा सामने आ जायत ।)    (माकेसिं॰52.16)
1195    हरवाहा (बाल्टी के बाल्टी दूध पिअली हम, छाल्ही-मक्खन खइली हम । भगवान के किरपा से चार गो हरवाहा, एगो बराहिल, गाँव में पहिला मरद हम जेकर मकान पक्का के ।)    (माकेसिं॰49.21)
1196    हरिअरी (रामजतन चाचा गावे-बजावे में गुनी हइए हलन, खेतिहर भी एक नम्बर । खेत-खरिहान आझ भी उनकर इयाद में हमेशा अरिअरी से भरल-पूरल रहऽ हे ।)    (माकेसिं॰53.5)
1197    हरिआना (= हरियाना; हरा होना) (ऑफिस में आवइते उनकर चेहरा बसन्त में बगइचा लेखा रूह-चुह हो जायत । मउरल मुखड़ा गुलाब लेखा खिल जायत । रोआँ-रोआँ हरिआ जायत ।)    (माकेसिं॰40.7)
1198    हरिजन (समाज के बेवस्थे अइसन हे । सबसे जादे मार आदिवासी आ हरिजन पर ।; रजिया अम्मा सबके अम्मा - राजपूतो के, भूमिहारो के, तेलियो के, कानूओ के, कोइरियो के अम्मा, कुम्हारो के, ब्राह्मणो के, हरिजनो के - सब जात के अम्मा - रजिया अम्मा ।)    (माकेसिं॰73.15; 93.7)
1199    हरे (= हर्रे) (जलमउती बेटा के काजर नवरतनिए फुआ पारत । कई तरह के सामग्री मिला के दीया जरा के कजरौटा में काजर पार देत । ओइसहीं पितराही थरिया पर तेल आ छोटकी हरे मिला के अंजन बना देत ।)    (माकेसिं॰19.1)
1200    हवाक (~ से) (सबके मन अनुरागल, गाँव-घर, अड़ोस-पड़ोस सबके बेटी - तेतरी बेटी, दुलारी बेटी । जतने दुलार मिलल ओतने उचरुंग निकलल । कोई हाथ पसारल कि तेतरी हवाक से गोदी में ।)    (माकेसिं॰24.20)
1201    हाथ-गोड़ (हाथ-गोड़ अइसन लिच-लिच पातर कि पुरवइया हवा में नीम के सूखल पत्ता लेखा उड़िया जयतन ।)    (माकेसिं॰55.6)
1202    हाबा-डाबा (~ धरना) (नवरतनी फुआ के हाथ में एगो जस हे, गोरैया बाबा के असीरबाद मिलल हे ओकरा । जेकर नार काटलक ओकर जिनगी अबाद । आझ ले केकरो ढोंढ़ न फेंकलक, सउरी में केकरो जमुहा आ हाबा-डाबा न धयलक ।)    (माकेसिं॰18.12)
1203    हार-दार (~ देके = हार-पार के) (चमोकन के पहिल घर से कोई बाल-बच्चा न । साठ बीघा खेत, बाग-बगइचा, कुइयाँ-तलाब, आलीसान बिल्डिंग, लाखो के बैंक बैलेंस के भोगत ? हार-दार देके ऊ दूसर बियाह कयलन बाकी मेहरारू के सलाह से ।)    (माकेसिं॰57.19)
1204    हिच्छा (ऊ कोई बरत-त्योहार न करत बाकि परिवार में पोता-पोती, पुतोह के बरत-त्योहार करे में कोई रोड़ा न अँटकावत । अपने परसादी खायत खूब हिच्छा भर बाकि न केकरो परसादी बाँटत न केकरो घरे भेजत ।; सबके हाथ लेहुआयल हे । काटे से कोई बाज न अयलक । लूट मचल हे, जतना हिच्छा हे लूट लेवे ।)    (माकेसिं॰66.19; 73.26)
1205    हित-नाता (इहे कमाई से सालो भर उनकर खाना-बुतात, कपड़ा-लत्ता, नेवता-पेहानी, हित-नाता, आगत-अतिथि के भाव-भगत के काम पूरा करतन ।)    (माकेसिं॰84.21)
1206    हिरिन (= हिरन) (जखनी ऊ पानी पर पंवरे लगऽत तब लगत कि कोनो तितुली फूल पर फुदकइत हे, हिरिन कुलांच मारइत हे, मछरी कसरत कर रहल हे ।)    (माकेसिं॰26.22)
1207    हुकुमगिरी (धनेसर लेखा बुधगर लुरगर आदमी सब जगह हथ बाकि ओइसहीं दादागिरी, हुकुमगिरी चल रहल हे जइसे हम्मर ऑफिस में बेचारा धनेसर ।)    (माकेसिं॰73.28)
1208    हुड़ुकवा (दिन के छोड़ऽ, तमाशा देखे ला हे त बेर डूबइते इनकर घर पहुँच जा आ देखऽ मनभर हुड़ुकवा के नाच । कोई डोमकच के सिपही-हवलदार बनल हे त कोई नौटंकी के नगाड़ा पीट रहल हे ।)    (माकेसिं॰39.6)
1209    हेराना (= गुम होना, भुल जाना, खो जाना) (बहिन के भाई लुट गेल, पत्नी के पति हेरा गेल, माय के गोदी सुन्ना हो गेल ।)    (माकेसिं॰98.3)
1210    हेरी-बेरी (आजादी के लड़ाई में जेहल गेली, लाठी-कोड़ा खइली, हाथ-गोड़ में हेरी-बेरी पड़ल ।)    (माकेसिं॰34.28)
1211    हैंडिल-पैडिल (तू ही हम्मर जीवन के खेवैया हऽ, हम कुछ न । हम तो हैंडिल-पैडिल थाम्हेओला तोर कहार ही ।)    (माकेसिं॰75.27)
1212    हैकल (= घोड़े को गले में पहनाने का आभूषण; एक या अधिक ताबीज गूँथा हार; ताबीज) (गोड़ में गेंड़ांव, हाथ में पहुँची, गरदन में हैकल, कान में झूमका, नाक में छूंछी, महुआ लेखा गोड़ के दसो अंगुरी, अंगुरी में चानी के बिछिया, सलो भर नोह रंगले - देख के कोई भी चनकी दाई के हिरदा से सराहऽ हे ।)    (माकेसिं॰66.9)
1213    होरहा (कतना लहाश झलासी में बूट के होरहा लेखा झोला गेल, कतना के खोपड़ी असमान में उड़ गेल, कतना बूढ़ी हबकुरिए पड़लन से पड़ले हे, कतना बुतरू माय के गोद में सटल से सटले रह गेल ।)    (माकेसिं॰109.3)
1214    होरी (= होली) (रात भर मानर आ ढोल-झांझर बजइत रहल - अबीर गुलाल उड़इत रहल । होरी आ चइता से सउँसे बगइचा चहचहा उठल ।)    (माकेसिं॰15.17)
1215    होरी-चइता (सब अप्पन-अप्पन शान में डूबल हथ । होरी-चइता गवा हे बाकि दू घर से चार घर जाइत सब अउँघे लगतन ।; चानमामू होरी-चइता के खूब सवखीन । हर हप्ता उनकर दलान पर होरी-चइता के धूमगज्जर मचत ।)    (माकेसिं॰22.12; 37.3)
 

32. मगही शब्दचित्र "माटी के सिंगार" में प्रयुक्त ठेठ मगही शब्द

माकेसिं॰ = "माटी के सिंगार", लेखक - रामदास आर्य; प्रकाशकः श्यामसुन्दरी साहित्य-कला धाम, बेनीबिगहा, बिक्रम (पटना); पहिला संस्करण - 2002; मूल्य - 75 रुपये; 109+3 पृष्ठ ।

देल सन्दर्भ में पहिला संख्या पृष्ठ और बिन्दु के बाद वला संख्या पंक्ति दर्शावऽ हइ ।

कुल ठेठ मगही शब्द-संख्या - 1215

ई शब्दचित्र संग्रह में कुल 11 लेख हइ ।

क्रम सं॰
विषय-सूची 
पृष्ठ
0.
ई सिंगार पर एक नजर
iv-v
0.
'माटी के सिंगार' के बारे में
vi-ix
0.
अप्पन बात
x-xii



1.
नवरतनी फुआ
15-22
2.
तेतरी दीदी
23-29
3.
चानमामू
30-37



4.
बड़ाबाबू
38-46
5.
रामजतन चाचा
47-54
6.
चमोकन
55-62



7.
चनकी दाई
63-70
8.
धनेसर तांती
71-81
9.
भूलेटन
82-91



10.
रजिया अम्मा
92-99
11.
दद्दू भइया
100-109
ठेठ मगही शब्द  ('' से '' तक):

672    पँहसुल (बड़ाबाबू अपने छव फीटा जवान आउ उनकर सब मेहरारू गोरखा रेजिमेन्ट में भरती होवे लाइक । सबके सब चौबीसो घंटा अपना के युद्ध के बोडरे पर बुझऽ हे । केकरो हात में फराठी, केकरो हाथ में बढ़नी, केकरो हाथ में पँहसुल त केकरो हाथ में करिखाही हड़िया ।)    (माकेसिं॰39.25)
673    पंचर (= पंक्चर) (ऊ दुन्नो हमरा गोदी में उठा लेलन । छाती से अइसन साटलन जइसे सुलेसन से पंचर टायर में टायर के टुकड़ा सट जाहे ।)    (माकेसिं॰68.27)
674    पंवरना (= पैरना, तैरना) (जखनी ऊ पानी पर पंवरे लगऽत तब लगत कि कोनो तितुली फूल पर फुदकइत हे, हिरिन कुलांच मारइत हे, मछरी कसरत कर रहल हे ।)    (माकेसिं॰26.21)
675    पइसा-कउड़ी ("का तिलक-दहेज लेबहुँ ?" चमोकन से ऊ डेराइते बोललन । "तोर लइका हवऽ, तू ही बूझऽ । एक बेटा पर जेतना जर-जमीन पइसा-कउड़ी घर-दुआर हे, देखइते हऽ ।")    (माकेसिं॰58.26)
676    पछधर (= पक्षधर) (फिन हम कहली - चानमामू ! तू नेक्सलाइट के पछधर हऽ । भगेड़ा लेखा कहीं तोरो घर पर छापामारी न हो जावऽ ?)    (माकेसिं॰35.30)
677    पजाना (= तेज करना) (जब-जब दशहरा आवत, ईद इया बकरीद आवत एगो भुड़ुका लेके कहीं से न कहीं से लोग आपुस में मधुमाखी लेखा भनभनाये लगतन । हिन्दू भाला गड़ास पजावे लगतन, मुसलमान तलवार आ तेगा भांजे लगतन ।)    (माकेसिं॰96.25)
678    पटमौरी (पाँच पवनियाँ पौ बारह - हजामिन, कुम्हइन, मालीन, तेलीन आ चमइन । हजामिन के नोहछुर, कुम्हइन के हाथी आ बरतन, मालीन के मौरी आ पटमौरी, तेलीन के तेल, आ चमइन के ढोल बिना बिआह-शादी के मजा किरकिरा ।)    (माकेसिं॰19.16)
679    पट्टी (= पटी; टोली) (ओझा पट्टी होवे इया अहीर पट्टी, कुम्हर टोली होवे इया मुसहर टोली, बभन टोली होवे इया कहर टोली - चानमामू सगरे देखाई देतन ।; दखिनवारी पट्टी के गवइया आ बजवइया रामजतन चाचा के शिव लेखा गंगा के धारण कयले हथ ।)    (माकेसिं॰30.14; 52.19)
680    पठरू (कोई हाथ पसारल कि तेतरी हवाक से गोदी में । जइसे बकरी के पठरू, बिलाई, कुत्ती के बच्चा लोआ-पोआ, ओइसहीं तेतरी, जुलुर जुलुर हाथ - पैर पुलुर पुलुर आउ देह - खेसारी के निढ़ल साग लेखा, सिमर के रूआ लेखा ।)    (माकेसिं॰24.21)
681    पड़ाका (= पटाखा) (मुँह के बकार तो तू बुझवे करऽ हऽ । अनकट्ठल बात हमरा न सोहाय । तू पिस्तौल छोड़लऽ तब हम बनूक, तू पड़ाका छोड़लऽ त हम बम । तू एक बर, हम चार बर  ।)    (माकेसिं॰49.17)
682    पढ़ल-लिखल (आगे ऊ कहे लगलन - बा बउआ ! तू पढ़ल-लिखल हऽ । तू एगो कवि भी हऽ, हमहीं न सऊँसे गाँव-जेवार तोरा मानऽ हे कि बेनीबिगहा के घमण्डी राम गुदड़ी में लाल पैदा लेलक हे ।)    (माकेसिं॰51.5)
683    पतरा (= पतला) (खादी के चुस्त पायजामा, खद्दर के कुरता, कान्ह पर लाल गमछा, आँख पर उज्जर चश्मा आ हाथ में एगो लाठी जे नीचे से पतरा आ ऊपर जाइत जाइत मोटा हो गेल हे, गिरहदार आ धूप में इया आग में तेल लगा-लगा के लाल भीम कर देवल गेल हे ।)    (माकेसिं॰100.19)
684    पत्तल (केकरो शादी-बिआह हे, कपड़ा-लत्ता, जूत्ता-चप्पल, सोना-चानी के गहना, मर-मसाला, डलडा-तेल, पत्तल उधार-पईंचा दिलवा देतन, तिरवेदी जी के दुकान शर्मा जी के मकान, साग-सब्जी सब सरजाम जब ले ई करवा न देतन तब ले इनकर गोड़ साइकिल बनल रहत ।)    (माकेसिं॰33.18)
685    पत्थल (इनकर ई पहिल संतान हल । खुशी से मोर लेखा नाचे लगलन । घिरनी बन गेलन । पत्थल पर दुब्भी जमल - दुब्भी लेखा हिरदा लह-फह । मलिकार सुनलन तब पइसा लुटावइत-लुटावइत जेबी खाली कर देलन ।)    (माकेसिं॰15.11)
686    पथरना (= ढेंगार लगना) (आम के टिकोढ़ा टपक गेल ओकर बिछोह में, महुआ चू के पथर गेल ओकर माया-ममता में, जामुन अप्पन करिया आँख से करिआ लोर टपकावे लगल । बर, पीपर, पाँकड़, अमरूध सब ओकर डोली के छेंक लेलन ।)    (माकेसिं॰27.17)
687    पन्नी (= चमकदार कागज अथवा कागज जैसी वस्तु की परत; रांगा, पीतल आदि का पीटकर बनाई गई पतली परत, तबक) (हम्मर भइया के न देखलऽ भूलेटन के देखलऽ । अनमन ओइसने गोलभंटा लेखा मुँह, नरिअर के गुदा लेखा उज्जर-उज्जर आँख, महुआ के कोइन लेखा नाक, आम के फाँख लेखा पात्र-पात्र ओठ, अनार के दाना लेखा दाँत, टमाटर लेखा गाल - गाल आउ मुँह दून्नो लाल लाल - हमेशा पान खाये के आदत - हँसतन तब लगत पन्नी लगावल बौल बरइत हे ।)    (माकेसिं॰82.6)
688    परतुक (हम्मर बोरिंग के पानी से तोर खेत रोपायत ? हम्मर हरवाहा चरवाहा के परतुक तू करबऽ । हम्मर महलाद तोरा भोगे ला बनलऽ हे ?)    (माकेसिं॰50.27)
689    परनाम (= प्रणाम) (डोली से निकल के दुन्नो हाथ जोड़ के परनाम कयलक - भइया कल्हे चल आयम । सब लइकन फफक उठलन ।)    (माकेसिं॰27.9)
690    परनाम-पाती (चानमामू के सोहरत हिते-नते सगरो । सबके हित-नाता से ई बतिअयतन, हाल-चाल पूछतन, परनाम-पाती करतन आ कहतन - जिअ, भरल-पूरल रहऽ, चानमामू लेखा चमकइत रहऽ ।)    (माकेसिं॰32.24)
691    पर-पहुना (हम्मर खरिहान हिमालय के पहाड़ - अगहनी फसल होवे इया चइती - संत घर सदा दीवाली । पर-पहुना, हित-मित, जान-पहिचान देख के सबके जरनी । कानू के भड़भूँजा लेखा सबके पेट में आग दहकइत रहऽ हे ।)    (माकेसिं॰49.23-24)
692    पर-पाखाना (नवरतनी फुआ अभी भी सोहागिन हे । अप्पन मरदाना के होत भिनसहरा उठा के बइठा देत । पर-पाखाना कराके, हाथ-मुँह धोआ के, कपड़ा-लत्ता बदला के दूध-भात इया दाल-रोटी खिआ देत तब अपने खायत ।; होत भिनसहरे पराती शुरू - बड़ाबाबू गान्धी मैदान में टहले । सुलभ शौचालय में पर-पखाना, गंगा में नेहान-धोआन - बस, कोनो दुकान पर बइठ के लिट्टी-चोखा गटक जयतन आ टगइत स्कूल के ऑफिस ।)    (माकेसिं॰20.13; 40.3)
693    पर-पैखाना (बउआ हो, जदि हम कमजोर जात में रहती त दिन-दहाड़े गाँव के लोग हमरा जिन्दा जरा देइतन । घाठी दे देइतन । माथा के केस मुड़वा के चूना के टीका लगवा के गली-गली घूमइतन । पर-पैखाना हड़िया में घोर के पिअइतन ।)    (माकेसिं॰69.28)
694    परवैती (छठ में परवैतीन के साथे-साथे सुरूज भगवान के गीत गावइत आगे-आगे चलत तब कोई न कह सकऽ हे कि रजिया अम्मा मुसलमानीन हे ।)    (माकेसिं॰93.11)
695    परसउती (कोई औरत के लइका होवे ला हे, दोपस्ता सउरी में बइठ के परसउती के पीड़ा से परान ब्रह्मांड पर चढ़वले हे, जइसे भगवान के धेयान लगावल जाहे, ओइसहीं नवरतनी फुआ पर धेयान टंगल हे ।; मुँह में पान इया खइनी हमेशा कोंचले रहतन जइसे परसउती चिन्हा जाहे कि लइका होवे ला हे ओइसहीं इनकर पान इया खइनी ओठ के नीचे कोंचायल रहत ।)    (माकेसिं॰18.6; 38.10)
696    परसउतीन (= प्रसूता; जच्चा; बच्चा जननेवाली स्त्री) (सब काम छूट जाय तो छूट जाय, चार गो काम ओकरा ला चारो धाम । जलमउती के नार काटना, काजर पारना, परसउतीन के बतीसा घाटना आ बिआह में ढोल बजाना - ई ओकर हिरदा के हुलसवाला काम ।)    (माकेसिं॰16.29)
697    परसव (= प्रसव) (आज सबके परसव अस्पताल में हो रहल हे, आँख में काजर लगावे ला डागडर साहेब के मनाही हे ।)    (माकेसिं॰17.1)
698    परसादी (ऊ कोई बरत-त्योहार न करत बाकि परिवार में पोता-पोती, पुतोह के बरत-त्योहार करे में कोई रोड़ा न अँटकावत । अपने परसादी खायत खूब हिच्छा भर बाकि न केकरो परसादी बाँटत न केकरो घरे भेजत ।)    (माकेसिं॰66.19, 20)
699    परसोसिया (= पोरसिसिआ) (अन्त में बड़ाबाबू एक दिन आँख मून लेलन । अब सब कोई पछतावा कर रहल हे । कोई परसोसिआ करे आयल हे, कोई घड़ियाली आँसू बहा रहल हे ।)    (माकेसिं॰45.24)
700    परहाप (= आह, हाय; दुःख, कष्ट आदि के कारन निकला शाप का शब्द) (नवरतनी फुआ केकरो बेटी के सउरी में नून न चटौलक, नरेटी जाँत के न मुऔलक, बसना में ठूँस के डघ्घर पर न फेंकलक । ओकर कहनाम हे सब जीव भगवान के संतान - कोई बेटा होयल कोई बेटी । हम परहाप काहे लेवे जाउँ ।)    (माकेसिं॰18.23)
701    पराती (होत भिनसहरे पराती शुरू - बड़ाबाबू गान्धी मैदान में टहले । सुलभ शौचालय में पर-पखाना, गंगा में नेहान-धोआन - बस, कोनो दुकान पर बइठ के लिट्टी-चोखा गटक जयतन आ टगइत स्कूल के ऑफिस ।)    (माकेसिं॰40.2)
702    परान (= प्राण) (खेत के घास-पउधा ओकर डोली तर अइसन पसर गेलन कि तेतरी दीदी पेसम पेस में । ओकर परान सकदम ।)    (माकेसिं॰27.22)
703    परिकरमा (= परिक्रमा) (तरह तरह के गाछ-बिरिछ, फूल-पत्ती, झील-झरना देख के मन सरग के परिकरमा करे लगल ।)    (माकेसिं॰79.8)
704    परिछन (बिआह में मटकोड़वा के गीत, मड़वा के गीत, बरकट्टी के गीत, कनेयादान के गीत, सेन्नुरदान के गीत, परिछन के आउ बिदाई के गीत गावे लगत तब सब कोई हार मान जयतन ।)    (माकेसिं॰93.15)
705    परिछा (= परीक्षा) (कतना विश्वामित्र उनकर परिछा लेलन, सब कोई मुँह भरे गिरके हबकुरिए थोथुन रगड़े लगन ।)    (माकेसिं॰31.9)
706    परुई (= परूई) (भूलेटन के हिरदा के हुलस ओतने बढ़ जायत जेतना मलिकार के खेत में परुई आ परुई से बान्हल बोझा आ बोझा से खरिहान ।)    (माकेसिं॰90.7)
707    परूई (सबके खेत के खेसारी कबर गेल, धान के परूई राताराती बान्ह के पताल में खपा देवल गेल, केकरो घर में सेन्हमारी भेल, केकरो घर में डकैती, केकरो खरिहान में आग लगा देवल गेल, केकरो गोरू-डांगर खोल के सोन पार हो गेल बाकि चानमामू के एगो पत्तो न खरकल । जइसन नेत ओइसन बरक्कत ।)    (माकेसिं॰31.23)
708    पलाना-पोसाना (बड़ाबाबू के नाम गोबरधन साव हे । ई देहात में जलम लेलन, देहाते में पलयलन-पोसयलन बाकि पढ़े आ गेलन पटना, आ इहँई बस गेलन पटना सिटी में ।)    (माकेसिं॰41.30)
709    पलानी (= झोपड़ी) (तेतरी के माय-बाप गाँव के सबसे गरीब । घर के देवाल ढह गेल हे, आझ ले न उठल - ताड़ के खगड़ा से घेर के अलोत कर देवल गेल हे । फूस के पलानी एक तरफ से आन्ही-पानी में उड़िआयल हे से आझ ले आकाशे ओकर छावनी बनल हे ।; देखते-देखते हजारो मजदूर-किसान, गरीब-गुरबा, झोपड़ी आ पलानी में बसेवाला, पसेना के कमाई खायवाला, हाथ में झण्डा आउ हथियार हर आँख में शोला आउ अंगार - 'दद्दू भइया जिन्दाबाद, गरीब के भइया, गरीब के झण्डा आउ हथियार - दद्दू भइया अमर रहे, अमर रहे ।')    (माकेसिं॰24.30; 108.26)
710    पल्थी (= पारथी) (~ मारके बइठना) (देवी मइया के सब गीत ऊ ककहरा लेखा इयाद कयले हलन । अमरूध, बइर, बेल, अँचार देला पर कोई बनिहारिन तनि कह देल 'ए भूलेटन भइया, तू अँचार आ अमरूध देके लोग के ठग देवऽ हऽ । हमनी के देवी मइया के गीत सुनावऽ तब न धान, गेहूँ इया खेसारी से तोर अँकवारी भर जतवऽ ।' फिन का, ऊ खेत में पल्थी मारलन आउ रेघा रेघा के गावे लगलन -)    (माकेसिं॰87.11)
711    पवनियाँ (पाँच पवनियाँ पौ बारह - हजामिन, कुम्हइन, मालीन, तेलीन आ चमइन । हजामिन के नोहछुर, कुम्हइन के हाथी आ बरतन, मालीन के मौरी आ पटमौरी, तेलीन के तेल, आ चमइन के ढोल बिना बिआह-शादी के मजा किरकिरा ।; पवनियाँ रूसल सब कुछ खरमंडल, पवनियाँ खुश सब कुछ मंगल ।)    (माकेसिं॰19.14, 18)
712    पवित्तर (= पवित्र) (नवरतनी फुआ के कहनाम बेटी जलमला से बाप के जाँघ पवित्तर । जउन बाप कनेया दान न कयलक, ओकर पैठ नरक-सरग में कहुँ न । बेटी से बाप के पगड़ी ऊँचा हो जाहे । मातृकुल-पितृकुल के जोड़ेवाला बेटिए हे ।)    (माकेसिं॰18.25)
713    पहराना (= फहराना) (सगरो घूम के अयतन आ अप्पन दलान के सामने तिरंगा पहरवतन ।)    (माकेसिं॰35.9)
714    पहाड़ा (छत्तीस के ~; तिरसठ के ~) (चानमामू जब पंचाइत के वार्ड मेम्बर चुनयलन तो उनकर खुशी के बगान देखे जुकुर हल । ऊ गाँव के विकास जउन ढंग से चाहऽ हलन, ऊ न भेल । एही कारन मुखिया जी से ऊ हमेशा छत्तीस के पहाड़ा पढ़लन । तिरसठ के पहाड़ा सपने रह गेल ।)    (माकेसिं॰34.23)
715    पहिचान (= पहचान) (जान-~) (हम्मर खरिहान हिमालय के पहाड़ - अगहनी फसल होवे इया चइती - संत घर सदा दीवाली । पर-पहुना, हित-मित, जान-पहिचान देख के सबके जरनी । कानू के भड़भूँजा लेखा सबके पेट में आग दहकइत रहऽ हे ।)    (माकेसिं॰49.24)
716    पहिरना (= पेन्हना, पहनना) (गुड फ्राइडे आ बड़ा दिन रजिया अम्मा के सबसे बड़का धरम । ईसा मसीह के क्रूस गरदन में पहिरले, उज्जर बग-बग साड़ी पेन्ह के, हाथ में बाइबिल लेले चर्च में पहुँच जायत तब सब लोग Good Morning Mother India कहके आदर देतन ।)    (माकेसिं॰94.11)
717    पहिलकी (~ औरत) (पचपन बरिस के उमिर में उनकर घर में इंजोर भेल । पहिलकी औरत के खुसी के ठेकाना न । बंस-बरखा ला केतना देवी-देवता, ईंटा-पत्थल के पूजलक, बरत-तेयोहार करइत-करइत देह खिआ गेल ।)    (माकेसिं॰57.21)
718    पहुँचारी (लछमिनियाँ जोग टोटमा करइत रहे । कहुँ ओकरा जाय न देवे । तरह-तरह के तबीज, पहुँचारी, डाँड़ा, घूँघरू पेन्हा के रखे ।)    (माकेसिं॰43.9)
719    पहुँची (गोड़ में गेंड़ांव, हाथ में पहुँची, गरदन में हैकल, कान में झूमका, नाक में छूंछी, महुआ लेखा गोड़ के दसो अंगुरी, अंगुरी में चानी के बिछिया, सलो भर नोह रंगले - देख के कोई भी चनकी दाई के हिरदा से सराहऽ हे ।)    (माकेसिं॰66.9)
720    पाँकड़ (आम के टिकोढ़ा टपक गेल ओकर बिछोह में, महुआ चू के पथर गेल ओकर माया-ममता में, जामुन अप्पन करिया आँख से करिआ लोर टपकावे लगल । बर, पीपर, पाँकड़, अमरूध सब ओकर डोली के छेंक लेलन ।)    (माकेसिं॰27.19)
721    पाकेट (ई जादे बात करतन एन्ने-ओन्ने के - स्टेशन पर कटहर कउन भाव बिका रहल हे, ... बस में केकर कतना पाकेट कटायल ।)    (माकेसिं॰40.15)
722    पाछना (= चीरा लगाना; चेचक का टीका लगाना) (ओ घड़ी माली घर में घूम-घूम के बाँह पर देवी मइया के नाम पर बेटा-बेटी के पाछ देबऽ हलन जेकरा चलते मतवाही न निकलऽ हल बाकि बाँह पर घाव इया गोटी बड़ा दर्दनाक रूप धारण कर लेवऽ हल ।)    (माकेसिं॰86.19)
723    पाछे (= पीछे) (बोल देली, जेकर सुर न मिले, पाछे बइठऽ, बस, सरसो लेखा छितरा जयतन ।)    (माकेसिं॰50.4)
724    पातर (= पतला, दुबला) (हाथ-गोड़ अइसन लिच-लिच पातर कि पुरवइया हवा में नीम के सूखल पत्ता लेखा उड़िया जयतन ।)    (माकेसिं॰55.6)
725    पाथना (ऊ अप्पन दुश्मन के तो चकनाचूर करिए देलन । जइसे गोबर के हँड़च हँड़च के पाथल जाहे ओइसहीं दुश्मन के पाथ के छोड़ देलन ।)    (माकेसिं॰47.19)
726    पारना (काजर ~) (सब काम छूट जाय तो छूट जाय, चार गो काम ओकरा ला चारो धाम । जलमउती के नार काटना, काजर पारना, परसउतीन के बतीसा घाटना आ बिआह में ढोल बजाना - ई ओकर हिरदा के हुलसवाला काम ।)    (माकेसिं॰16.29)
727    पिचासिन (कोई कहे देवी मइया देह धयले हथीन - कोई कहे चनकी दाई बायमत पूजऽ हथीन - कोई कहे देह पर मियाँ-बीबी आवऽ हथीन । कोई कहे डाइन कोई पिचासिन ।)    (माकेसिं॰63.18)
728    पितराही (= पीतल की) (जलमउती बेटा के काजर नवरतनिए फुआ पारत । कई तरह के सामग्री मिला के दीया जरा के कजरौटा में काजर पार देत । ओइसहीं पितराही थरिया पर तेल आ छोटकी हरे मिला के अंजन बना देत ।)    (माकेसिं॰19.1)
729    पितरिहा (= पीतल का) (बूट के सत्तू में गुड़ डाल के शरबत बना लेतन आउ बड़का पितरिहा लोटा से डकार जयतन ।)    (माकेसिं॰55.19)
730    पिराना (= पीड़ा होना, दुखना, दर्द होना) (चनकी दाई के एगो बेटा, पोता-पोती, नाती-नतिनी - पूरा घर दिवाली के घेरौंदा लेखा भरल-पूरल, दीया लेखा चकमक, सिरिज बॉल लेखा जगमग जगमग । आझ ले न केकरो अंगुरी पिरायल, न पेटबथी होयल न कपरबथी ।)    (माकेसिं॰64.8)
731    पिल्की (= पिरकी) (मुँह में पान इया खइनी हमेशा कोंचले रहतन जइसे परसउती चिन्हा जाहे कि लइका होवे ला हे ओइसहीं इनकर पान इया खइनी ओठ के नीचे कोंचायल रहत । ऊ पिल्की कभी फेंकथ न एही कारन हे कि मुँह खोलला पर लार जिलेबी के चासनी लेखा लरक जायत ।)    (माकेसिं॰38.12)
732    पिल्ही (= पिलही, प्लीहा, यकृत) (~ चमकना) (तीन-तीन कित्ता पक्का मकान बन गेल, टरेक्टर, थरेसर मशीन खरीदा रहल हे । खान-पान पेन्हावा-ओढ़ावा देख के सबके पिल्ही चमक जाइत हे ।)    (माकेसिं॰64.30)
733    पीतर (= पित्तर; पीतल) (हाथ में एगो लाठी जे नीचे से पतरा आ ऊपर जाइत जाइत मोटा हो गेल हे ... ओकर माथ गेहुँअन के फन लेखा जेकरा में खोदाँवदार पीतर चमकइत रहऽ हे । गिरह-गिरह पर नक्काशीदार पीतर के पानी चढ़ावल आ लाठी के भीतर में लोहा आउ शीसा पिआवल हे ।)    (माकेसिं॰100.21, 22)
734    पीपर (= पीपल) (आम के टिकोढ़ा टपक गेल ओकर बिछोह में, महुआ चू के पथर गेल ओकर माया-ममता में, जामुन अप्पन करिया आँख से करिआ लोर टपकावे लगल । बर, पीपर, पाँकड़, अमरूध सब ओकर डोली के छेंक लेलन ।; जग डोले जगदम्बा डोले, खैरा पीपर कबहुँ न डोले ।)    (माकेसिं॰27.18; 72.1)
735    पुआ-पकवान (पुआ-पकवान से बगइचा गमगमा उठल - दूध के तसमई, भतुआ के मिठाई - सौ किसिम के सरजाम ।)    (माकेसिं॰15.14)
736    पुआ-पुड़ी (आदिवासी परम्परा के मोताबिक स्वागत, विनती, आ तरह-तरह के गीत-नृत्य होवे लगल । एन्ने आम, लीची, अमरूध, केरा, कटहर, जामुन न जाने केतना किसिम किसिम के फल ओकरा ऊपर से दलपुड़ी, तसमई, पुआ-पुड़ी फिन चले लगल कच्छ-मच्छ ।; ठेकुआ, पुआ-पुड़ी, लड़ुआ, कचवनियाँ, तस्मई आ सेवई उनकर मीठगर पकवान ।)     (माकेसिं॰79.23; 101.30)
737    पुक्का (~ फाड़ के रोना) (सब लोग अयलन फिन मन्दिर-मस्जिद आ गुरुद्वारा में पैर रखलन - रजिया अम्मा के देखइते सब कोई पुक्का फाड़ के रोवे लगलन । कोई छाती में मुक्का मारे, कोई गोड़ पर गिर के छेमा माँगे ।)    (माकेसिं॰98.27)
738    पुजाना (नवरतनी फुआ के आझ ले कोई चमइन न कहलक न समुझलक । फुआ लेखा घर घर पुजाइत रहल ।)    (माकेसिं॰19.21)
739    पुन (= पुण्य) (दान-पुन करइत-करइत जिनगी दाव पर रखा गेल । चिरईं-चिरगुनी के चाउर खिआवइत-खिआवइत, चूँटी के चीनी देवइत-देवइत चानी के केस पक गेल । तबीज पेन्हइत-पेन्हइत सउँसे गेरा घुँघरू बन गेल । जोग-टोटरम करइत-करइत जवानी जुआ गेल ।)    (माकेसिं॰57.26)
740    पुनिया (~ के चान) (सब लोग रामपेआरी के पुतोह समझथ । गाँव के रातरानी, जेवार के बसन्त मालती, सास के जूही, ननद के चमेली, देवर के चम्पा, ससुर के सूरूजमुखी, मरद के गुलाब आ पड़ोस के पुनिया के चान बनके दिन गुजारे लगल ।)    (माकेसिं॰16.17)
741    पुरकस (बेटा अब खेते-खेते न घूमे । बाग-बगइचा में आधुनिक ढंग से फल-फूल लगा के पुरकस कमाई के फल ले रहल हे । ऊ दुतल्ला बिल्डिंग पीट लेलक ।)    (माकेसिं॰90.10)
742    पुरधाइन (रजिया अम्मा के कहियो बुझयबे न कयलक कि ऊ मुसलमान हे । हिन्दू रस्म, रेवाज, धरम-करम के ओकरा अतना गेयान हो गेल हे कि रजिया अम्मा सब के पुरधाइन बन गेल ।)    (माकेसिं॰93.22)
743    पुरनका (रामचन्द्र सिंह पुरनका दिन के इयाद करइत करइत परान तेयाग देलन । अब बच गेलन हे के ? बटलोही, बरहगुना, सोठ, बतीसा, कठजामुन, चुटरी, कनगोजर, कुलबोरन आ चपोरन - सब मिलके बाँस के फोंफी लेखा बज रहल हथ ।; पुरनका पीढ़ी धीरे-धीरे कमजोर पड़इत जा रहल हे । हर घर में अतना बेरोजगार हो गेलन हे कि ऊ सब के बहका के काम साधल आसान हो गेल हे । नयका पीढ़ी के केकरो बेटा-बेटी हाथ में न ।)    (माकेसिं॰22.21; 97.7)
744    पुरवइया (~ हवा) (हाथ-गोड़ अइसन लिच-लिच पातर कि पुरवइया हवा में नीम के सूखल पत्ता लेखा उड़िया जयतन ।)    (माकेसिं॰55.6)
745    पुल-पुल (कोई हाथ पसारल कि तेतरी हवाक से गोदी में । ... शरीर से जइसे लुर लुर, सोभाव से ओइसहीं पुल पुल ।)    (माकेसिं॰24.24)
746    पुलुर-पुलुर (कोई हाथ पसारल कि तेतरी हवाक से गोदी में । जइसे बकरी के पठरू, बिलाई, कुत्ती के बच्चा लोआ-पोआ, ओइसहीं तेतरी, जुलुर जुलुर हाथ - पैर पुलुर पुलुर आउ देह - खेसारी के निढ़ल साग लेखा, सिमर के रूआ लेखा ।)    (माकेसिं॰24.22)
747    पुस्तैन (= पुश्तैनी) (पूरुब से पछिम ले बालू आउ माटी मिलल पनरह बीघा खेत बापे-दादा से पुस्तैन सम्पत्ति चलल आ रहल हे ।)    (माकेसिं॰102.15)
748    पूँजी-पगहा (ऊ गैरेज खोल के बइठ जाइत तब मालोमाल हो जाइत बाकि बेचारा के पूँजी-पगहा कहाँ ? कइसहुँ जीवन खेप रहल हे ।; धनेसर के जे ममता हे ओहे ओकर पूँजी-पगहा हे । एकरे चलते सब जगह ओकरा इज्जत-पानी मिलऽ हे ।)    (माकेसिं॰73.10; 75.6)
749    पूछार (चार दिन के बाद उनकर समधियाना से पूछार आयल चार गो आदमी । चँवर में ई घाँस छिलइत हलन । एगो पूछ बइठल - "ए बाबू साहेब ! चमोकन बाबू के घर जाय ला हे, कन्ने से रहता हे ?)    (माकेसिं॰61.11)
750    पूनिया (= पुनिया, पुनियाँ) (पूनिया के चान लेखा बरऽ हथ ।)    (माकेसिं॰102.11)
751    पूनियाँ (= पुनिया, पुनियाँ) (~ के चान) (पूनियाँ के चान आझ केकरो देखाई न देलक ।)    (माकेसिं॰28.13)
752    पेटबथी (= पेट दर्द) (चनकी दाई के एगो बेटा, पोता-पोती, नाती-नतिनी - पूरा घर दिवाली के घेरौंदा लेखा भरल-पूरल, दीया लेखा चकमक, सिरिज बॉल लेखा जगमग जगमग । आझ ले न केकरो अंगुरी पिरायल, न पेटबथी होयल न कपरबथी ।)    (माकेसिं॰64.8)
753    पेन्हना (= पहनना) (गुड फ्राइडे आ बड़ा दिन रजिया अम्मा के सबसे बड़का धरम । ईसा मसीह के क्रूस गरदन में पहिरले, उज्जर बग-बग साड़ी पेन्ह के, हाथ में बाइबिल लेले चर्च में पहुँच जायत तब सब लोग Good Morning Mother India कहके आदर देतन ।)    (माकेसिं॰94.12)
754    पेन्हाना (= पहनाना) (लछमिनियाँ जोग टोटमा करइत रहे । कहुँ ओकरा जाय न देवे । तरह-तरह के तबीज, पहुँचारी, डाँड़ा, घूँघरू पेन्हा के रखे ।)    (माकेसिं॰43.9)
755    पेन्हावा-ओढ़ावा (तीन-तीन कित्ता पक्का मकान बन गेल, टरेक्टर, थरेसर मशीन खरीदा रहल हे । खान-पान पेन्हावा-ओढ़ावा देख के सबके पिल्ही चमक जाइत हे ।)    (माकेसिं॰64.29)
756    पेरना (लोहा छू देलन - सोना बन गेल, राई छुयलक पहाड़ बन गेल, बिआ छिटलक - पेड़-पउधा लहलहाये लगल । चलनी से पानी भरलक हे चनकी दाई, बालू पेर के तेल निकाललक हे चनकी दाई, पत्थल पर दुब्भी उगयलक हे चनकी दाई, रेत के खेत बनयलक हे चनकी दाई ।)    (माकेसिं॰67.1)
757    पेसम-पेस (खेत के घास-पउधा ओकर डोली तर अइसन पसर गेलन कि तेतरी दीदी पेसम पेस में । ओकर परान सकदम ।)    (माकेसिं॰27.22)
758    पेहनावा (= पेन्हावा; पहनावा) (चानमामू हमेशा हँस के बतिअयतन । उनकर चेहरा भी ओइसने चान लेखा - सुभग शरीर, लमपोर छव फीट के । उज्जर बग-बग धोती, देह में कुरता, माथ पर गान्ही टोपी, कान्ह से लटकइत झोला, गरदन में गमछा, हाथ में छाता इया एगो बकुली - बस, इहे उनकर पेहनावा हे ।)    (माकेसिं॰32.30)
759    पैरपूजी (पैरपूजी में पहिला पैरपूजी रजिया अम्मा के । कोनो कारज-परोज रजिया अम्मा के बिना छूँछ ।)    (माकेसिं॰92.16)
760    पोआ (दुश्मन के छोट न समझे के चाही, साँप के पोआ ओतने खतरनाक जेतना ओकरा जलमावेओला ।)    (माकेसिं॰47.23)
761    पोई (घीव-डलडा ओकरा ला परान के घाती । तेल में के छानल सामान ओकर जीव के गाहँक । ओकर रूच साग-पात, फर-फरहरी जादे । कुदरूम के साग, सरसो के साग, पोई के पत्ता, पालक, नोनी, करमी, ललका साग ओकरा ला तुलसी के पत्ता लेखा ।)    (माकेसिं॰19.31)
762    पोरा (एकर खरिहान देख के बरतुहार के आँख चमक जाहे । पोरा के टाल, नेवारी के गाँज, धान, गेहुम, बूट, मसूरी, खेसारी से भरल कोठी सबके सामने एगो सवाल खड़ा कर देवऽ हे ।)    (माकेसिं॰64.20)
763    फटाफट (मलकिनी के औडर भेल फटाफट गाड़ी बन गेल नवचेरी कनियाँ लेखा ।)    (माकेसिं॰81.21)
764    फफकना (डोली से निकल के दुन्नो हाथ जोड़ के परनाम कयलक - भइया कल्हे चल आयम । सब लइकन फफक उठलन ।)    (माकेसिं॰27.10)
765    फरना-फुलाना (= फलना-फूलना) (पचपन बरिस के उमिर में उनकर घर में इंजोर भेल । ... गाँव भर के पैर चमोकन के घरे - सबके हिरदा में हुलास - आँख में माया-ममता के मोती छलक रहल हे । बाकि गोतिया-नइया के मुँह करिखा । चमोकन के धन हबेख अब न लगत । बाकि ऊपर से मुँह पुराइ - 'जीए, जागे, फरे-फुलाए, हे सुरुज भगवान, अइसने लाज सबके रखिहऽ ।')    (माकेसिं॰58.2-3)
766    फर-फरहरी (फूल-पत्ती से झोपड़ी के सजावल गेल, आम-अमरूध, केला, लीची सब तरह के फर-फरहरी जुटावल गेल ।)    (माकेसिं॰15.14)
767    फरहर (सब खेल में पारंगत तेतरी दीदी - दउड़ के पेड़ के फुतलुंगी पर चढ़े में, चिक्का-कबड्डी में दउड़े में फरहर, अँखमुनौवल में दउड़ के छुए में, डोल-पत्ता में डंडा फेंके में आ लावे में सेसर, बाघ-बकरी में सबके मात कर देवे, सबके कान काट लेवे ।)    (माकेसिं॰26.4)
768    फराठी (बड़ाबाबू अपने छव फीटा जवान आउ उनकर सब मेहरारू गोरखा रेजिमेन्ट में भरती होवे लाइक । सबके सब चौबीसो घंटा अपना के युद्ध के बोडरे पर बुझऽ हे । केकरो हात में फराठी, केकरो हाथ में बढ़नी, केकरो हाथ में पँहसुल त केकरो हाथ में करिखाही हड़िया ।; चउपाल बाँस के फराठी से अतना सुन्दर ढंग से बनावल हे कि बाहर के लोग अयला पर ओकर फोटो खींचे ला बेताब रहतन ।)    (माकेसिं॰39.24; 102.25)
769    फलना (= अमुक) (जेकरा जउन गीत अच्छा लगल ऊ बड़ी खुश । कोई पहिलहीं से फरमाइस कर देत फलना गीत गावऽ भूलेटन भइया ।)    (माकेसिं॰89.21)
770    फस्ट (= फड; first) (बड़ाबाबू के सुधुआ गाय समझ के सब कोई दुहलन । जेकर बरिसो के अँटकल फाइल रफा-दफा कर देलन, ऊ इनका देखइते मुँह फेर लेवऽ हे । जेकर बेटा के फस्ट डिविजन पास करावे में एँड़ी-चोटी के पसेना एक कर देलन आझ ऊ इनका देखला पर मुँह ढाँप लेइत हे ।)    (माकेसिं॰45.12)
771    फह-फह (~ उज्जर) (ई सब देखला पर चनकी दाई के ई खिलकट रूआ के फाह पर कोइला के ढेर लेखा बुझा हे । फह-फह उज्जर चद्दर पर एगो करिया दाग लेखा देखाई देवऽ हे । बाकि चनकी दाई लाचार हे ।)    (माकेसिं॰65.13)
772    फाँट (सब दिन हर छन मुँह में सोंफ-इलाइची । जब हँसतन तब ओठ केराव के फारल छेमी लेखा दुनो ओठ तनि सा फाँट हो जायत आ दाँत कचगर मकई के छिलल बाल लेखा शोभे लगत ।)    (माकेसिं॰33.3)
773    फाजिल (= अधिक, अतिरिक्त) (गैर मजरूआ जमीन आ हदबन्दी से फाजिल जमीन पर जहाँ-जहाँ दद्दू भइया झण्डा गड़वा देलन, उखाड़े के केकरो बउसात न हे ।)    (माकेसिं॰108.14)
774    फार (गाँव भर के औरत मुँह देखाई देवे आवे लगलन । एगो बूढ़ी औरत बड़गिरी करइत चमोकन के कहे लगल - "बउआ चमोकन ! भगवान तोर भाग फार से लिखलथुन हे । जइसन बेटा ओइसन कनेया । इन्नर के परी उतारल ।")    (माकेसिं॰59.29)
775    फारना (= फाड़ना) (सब दिन हर छन मुँह में सोंफ-इलाइची । जब हँसतन तब ओठ केराव के फारल छेमी लेखा दुनो ओठ तनि सा फाँट हो जायत आ दाँत कचगर मकई के छिलल बाल लेखा शोभे लगत ।)    (माकेसिं॰33.3)
776    फाह (रूआ के ~) (ई सब देखला पर चनकी दाई के ई खिलकट रूआ के फाह पर कोइला के ढेर लेखा बुझा हे ।)    (माकेसिं॰65.12)
777    फाहा (रूआ के ~) (दाँत एको अभी न टूटल हे बाकि माथा के केस रूआ के फाहा लेखा शोभऽ हे जइसे बरफ जम गेला पर हिमालय पहाड़ शोभऽ हे ।)    (माकेसिं॰66.3)
778    फिन (= फेन, फेनु; फिर) (लइकन अप्पन-अप्पन माय-बाप से पूछ रहल हथ - तेतरी दीदी कहाँ गेल हे, ससुरार का होवऽ हे, बिआह कउन चीज हे, काहे ला होवऽ हे ? हमनी ससुरार कहिया जायम ? कहिया बिआह होयत हमनी के ? तेतरी दीदी फिन कब आवत ?)    (माकेसिं॰28.19)
779    फिफिहिया (साग ला ऊ फिफिहिया होयल चलत । आरी-पगारी, चँवर-ढिबरा, गली-कुची । नोनी के साग, गेन्हारी के साग, करमी के साग, आ खेत-खरिहान में गोबरछत्ता खोजइत चलत ।; जइसे धनेसर ऑफिस के चिन्ता में डूबल रहत ओइसहिम मेम साहेब धनेसर ला फिफिहिया होयल रहतन । धनेसर काम के आगु खाना-पीना भी भूल जायत बाकि मलकिनी ओकरा नस्ता-पानी करा देतन, भोजन खिआ देतन तब उनका चैन आवत ।)    (माकेसिं॰20.3; 72.22)
780    फीटा (छव ~ जवान) (बड़ाबाबू अपने छव फीटा जवान आउ उनकर सब मेहरारू गोरखा रेजिमेन्ट में भरती होवे लाइक । सबके सब चौबीसो घंटा अपना के युद्ध के बोडरे पर बुझऽ हे ।; छव फीटा पट्ठा जवान, लाल भीम । जने चले ओन्ने लोग निहारइत रहे ।)    (माकेसिं॰39.22; 58.11)
781    फुक्का (= पुक्का) (~ फार के रोना) (हम्मर ट्रान्सफर हो गेल हल । हमरा जाना जरूरी हल । बाकि धनेसर अइसन जिद कयलक, अइसन फुक्का फार के रोवे लगल कि ओकरा हम अपना साथे ले ले अइली । ओकर सब परिवार भी ।)    (माकेसिं॰81.15)
782    फुतलुंगी (= फुलंगी) (सब खेल में पारंगत तेतरी दीदी - दउड़ के पेड़ के फुतलुंगी पर चढ़े में, चिक्का-कबड्डी में दउड़े में फरहर, अँखमुनौवल में दउड़ के छुए में, डोल-पत्ता में डंडा फेंके में आ लावे में सेसर, बाघ-बकरी में सबके मात कर देवे, सबके कान काट लेवे ।)    (माकेसिं॰26.3)
783    फुरदुंग (तेल लगवलन, पइसा फेंकलन, औरत के गहना-गुड़िया बेच देलन । कोठी में के अनाज बनिया के हाथ चल गेल । गाय-भईंस मेला में जाके ढाह अयलन । पास बुक में जमा पइसा चिरईं लेखा फुरदुंग होइत गेल तइयो कोई रिजल्ट न ।; चारे बजे ब्रह्म मुहुर्त में उठके नित करम-किरिया से निवरित होके दूध आउ चूड़ा खाके पाँच बजइत-बजइत चिरईं लेखा फुरदुंग । गाँवे-गाँवे, थने-थने, जिले-जिले मोटर साईकिल पर घूमइत रहतन ।)    (माकेसिं॰44.22; 104.29)
784    फुलाना (मट्टी के ~) (करुआ तेल उनकर जिनगी के सिंगार हे । नेहाये के पहिले सउँसे शरीर करुआ तेल चभोर लेतन । ओकरा बाद चँवर से लावल केवाल मट्टी के फुला के खूब चिकना-चिकना के मलतन, स्नान करतन आ सूरज भगवान के जल ढारतन ।)    (माकेसिं॰55.23)
785    फेदा (= फेद्दा) (धनेसर जब गाड़ी चलावे लगत तब मुँह चुनिआवे लगत - कभी चुक्का लेखा कभी टूईंया लेखा, कभी ढकना लेखा, कभी बसना लेखा, कभी ताड़ के फेदा लेखा ।)    (माकेसिं॰76.1)
786    फोंफ (~ काटना) (दुश्मन से कोई लगाव-बझाव न - सीधे गोली दागऽ, आ चुपचाप रात भर फोंफ काटइत रहऽ । कोई सक-सुबहा न, कोई मउँचक न ।; अधरतिया होइत-होइत सब औरत फोंफ काटे लगतन, केकरो गला फँस जायत, केकरो कंठ दुखाय लगत, केकरो छाती बथे लगत, केकरो कपरबथी बाकि रजिया अम्मा के सुर, गीत, लय तब तक चलइत रहत जब ले बिआह के सब बिध पूरा न हो जायत ।)    (माकेसिं॰47.21; 93.16)
787    फोंफ (= खर्राटा) (~ काटना) (धनेसर घरे गेल आ फोंफ काटे लगल । कह के गेल अब दू दिन हमरा से भेंट न होआयत ।)    (माकेसिं॰78.5)
788    फोंफी (रामचन्द्र सिंह पुरनका दिन के इयाद करइत करइत परान तेयाग देलन । अब बच गेलन हे के ? बटलोही, बरहगुना, सोठ, बतीसा, कठजामुन, चुटरी, कनगोजर, कुलबोरन आ चपोरन - सब मिलके बाँस के फोंफी लेखा बज रहल हथ ।; तेतरी दीदी सीटी बजावे में गुनागर । मुँह से, अंगुरी से, पेड़ के पत्ता से, फोंफी से, आम के अमोला से, मकई-जिनोरा के पत्ता से तरह-तरह के बाजा, तरह-तरह के आवाज, रंग-बिरंग के गीत ।)    (माकेसिं॰22.24; 26.11)
789    बँसवारी (नवरतनी फुआ के नइहर केला के बगान, ससुरार बाँस के बँसवारी । नइहर में सात गो भाई, ससुरार में सात गो देवर-भईंसुर । नइहर बहुत कम जायत । ससुरार से छुटकारा कहाँ ।)    (माकेसिं॰20.18)
790    बँसुली (बेचारे कुकुहारो से काँटा लेखा सीझइत गेलन आ गल गल के मोम लेखा पिघलइत गेलन । छिलइत गेलन बढ़ही के बँसुली से लकड़ी लेखा, साग के टूसा लेखा खोंटाइत गेलन । जिनगी भर सीज के काँटा पर सुतइत गेलन ।)    (माकेसिं॰46.1)
791    बंगुरना (= टूसा या पौधे का सिकुड़ना या ऐंठना) (लुह-फुह बंगुरल किकुरल लतरिया, महुआ लटाई गेलई आम के मोजरिया । चिरईं-चुरूंगा सनसार हो, बन्हल हँकड़े गइया रे बकरिया ।)    (माकेसिं॰76.26)
792    बंस (= वंश) (आँख में आँख एगो बेटा, दुश्मन के हाथ लग जायत तब हम्मर बंसे उजड़ जायत ।)    (माकेसिं॰48.10)
793    बंसउरी (केला-अमरूध के बगान, बांस-बंसवारी ओकर बंसउरी के कथा सुना रहल हे ।)    (माकेसिं॰66.29)
794    बअहुती (? बिअहुता; विवाहित) (धीरे-धीरे समय बीतइत गेल । उमिर सरकइत गेल ् समझदारी बढ़इत गेल । सब लइकन बअहुती हो गेलन । बाल-बच्चेदार तेतरी दीदी ससुरार में सुख से जिनगी काटे लगल ।)    (माकेसिं॰29.20)
795    बइगन (= बैंगन) (केकरो बेटा-बेटी के सादी-बिआह होवे, दूध-दही के जिम्मा ई ले लेतन । पइसा एगो कानी फुटलो कउड़ियो न । बगान में उपजल कोंहड़ा, कद्दू, बइगन, भंटा, आलू आउ ललका साग अपने से ओकर घर पहुँचा अयतन ।)    (माकेसिं॰60.14)
796    बइगन-भंटा (ऊ नब्बे बरिस के हो गेलन बाकिर शरीर में दम जवानी लेखा । घीव-दूध खयले आझ के डलडा जुग के लड़िकन उनका सामने बइगन-भंटा लेखा बौना ।)    (माकेसिं॰34.3)
797    बइठका (असपुरा अस्पताल के रामसागर ठाकुर डागटर, कन्हैया डागटर, सुबेदार सिंह आ परकिरती चन्द के कपड़ा दोकान, तिरवेदी जी के आयुर्वेदिक दोकान, नथुनी साव मुखिया, दीनानाथ प्रसिद्ध सोनार, शर्मा जी के मकान, सिद्धू बाबू के दवा दोकान, रामप्रीत के किराना दोकान आ राम किरपाल के मिठाई दोकान उनकर बइठका ।)    (माकेसिं॰33.13)
798    बइठकी (धनेसर जतने बोलत ओतने गुदगुदी बरत । ओन्ने ऊ फाइल लेके उचरइत कलक्टर के कोठी पर आ एन्ने ताश के बइठकी ।)    (माकेसिं॰72.17)
799    बउआ (चान मामू आरे आवऽ बारे आवऽ, नदिया किनारे आवऽ, सोना के कटोरिया में दूध-भात लेले आवऽ, बउआ के मुहँवा में घुटुक !; कोई काम इनका से निकाले ला हे - चनेसर बाबू, चनेसर भइया, चनेसर बउआ, चनेसर काका कहके निकाल लऽ - कोई कोर-कसर न । जहाँ चमोकन कहलऽ कि समुझऽ बिढ़नी के खोता में हाथ डाल देलऽ, कटाह कुत्ता के ललकार देलऽ ।; एक दिन चमोकन अयलन आ सटके बतिआये लगलन - "अहो चमोकन भाई, बउआ के बिआह करबऽ ? बड़ा सुन्दर लड़की हवऽ । घर-दुआर, माय-बाप-भाई-बहिन सब कुछ ... ।")    (माकेसिं॰30.7; 56.19; 58.14)
800    बउखाना (उनकर स्मारक एके संदेश देवऽ हे - सुतऽ मत जागल रहऽ, सेरा मत तातल रहऽ, तउला मत बाँकल रहऽ, बउखा मत थाहल रहऽ ।)    (माकेसिं॰109.22)
801    बउसात (लइकन खुद डोली उठवलन, बउसात भर तेतरी दीदी के दूर तक ढोके ले गेलन ।; समय बीतइत गेल । दद्दू भइया के जमाना करवट बदलइत गेल । राइफल आ बनूक के आगु उनकर लाठी के बउसात घटइत गेल ।)    (माकेसिं॰28.5; 107.4)
802    बउसाव (दद्दू भइया गरीब-गुरबा के झुकल मोंछ के अतना ऊपर उठा देलन हे कि अब केकरो बउसाव न हे कि उठल मोंछ के झुका देवे ।)    (माकेसिं॰108.19)
803    बकलोल (= मूर्ख) (जे जिअते इनका बकलोल आ भकलोल समझइत गेल आझ ऊ उनकर औरत के सामने गंगा-जमुनी के झूठा लोर बहा-बहा के बड़ाई लूट रहल हे ।)    (माकेसिं॰46.9)
804    बकार (सब ओकरा दीदी कहे लगलन । बूढ़ा-बूढ़ी के जबान, नया-नोहर के बकार, औरत-मरद के लहजवान - तेतरी दीदी सब के आँख में बस गेल । हिरदा में ढुक गेल ।; तेतरी दीदी लजा जाय । मुँह लाल हो जाय ई सब सुन के मुँह से कोई बकार न निकले ।; कोई तेतरी दीदी के गोड़ छुअइत हे, कोई अँकवारी में समाइत हे, कोई ओकर लोर पोंछ रहल हे । कोई अप्पन चिन्हानी दे रहल हे, कोई चिट्ठी लिख के थमा रहल हे, कोई जल्दी आवे ला बकार निकलवा रहल हे ।; मुँह से जे बकार निकल गेल समुझऽ सत्य हरिश्चन्द्र के सत्य विचार बन गेल ।)    (माकेसिं॰25.23; 26.30; 27.14; 31.5)
805    बकुली (= टहलने की मुड़े सिरे की छड़ी) (चानमामू हमेशा हँस के बतिअयतन । उनकर चेहरा भी ओइसने चान लेखा - सुभग शरीर, लमपोर छव फीट के । उज्जर बग-बग धोती, देह में कुरता, माथ पर गान्ही टोपी, कान्ह से लटकइत झोला, गरदन में गमछा, हाथ में छाता इया एगो बकुली - बस, इहे उनकर पेहनावा हे ।; चानमामू अब झुक गेलन ठीक 90 डिगरी के कोन पर । जउन बकुली उनकर शरीर के शोभा बढ़ावऽ हल अब उनकर सहारा बन गेल ।)    (माकेसिं॰32.29; 33.24)
806    बखत-बेबखत (चानमामू चाने लेखा सगरे इंजोर करइत रहल - अन्हरिया होवे इया इंजोरिया, चानमामू कहूँ न कहूँ एको घड़ी ला देखाई देतन जरूर । बखत-बेबखत सब समय सब जगह ठार - एक पैर पर ठार, एक जबान पर ठार ।)    (माकेसिं॰30.23)
807    बग-बग (उज्जर ~) (चानमामू हमेशा हँस के बतिअयतन । उनकर चेहरा भी ओइसने चान लेखा - सुभग शरीर, लमपोर छव फीट के । उज्जर बग-बग धोती, देह में कुरता, माथ पर गान्ही टोपी, कान्ह से लटकइत झोला, गरदन में गमछा, हाथ में छाता इया एगो बकुली - बस, इहे उनकर पेहनावा हे ।; गुड फ्राइडे आ बड़ा दिन रजिया अम्मा के सबसे बड़का धरम । ईसा मसीह के क्रूस गरदन में पहिरले, उज्जर बग-बग साड़ी पेन्ह के, हाथ में बाइबिल लेले चर्च में पहुँच जायत तब सब लोग Good Morning Mother India कहके आदर देतन ।)    (माकेसिं॰32.27; 94.11)
808    बजरना (= बजड़ना) (घर में मकई के खेत में चार खंभा के मचान बन गेल हे । ई मचान पर बइठतन तइयो ढकेलयतन, नीचे रहतन तइयो ककड़ी आ मकई के लेंढ़ा माथ पर बजरबे करत ।)    (माकेसिं॰41.28)
809    बजवइया (दखिनवारी पट्टी के गवइया आ बजवइया रामजतन चाचा के शिव लेखा गंगा के धारण कयले हथ ।)    (माकेसिं॰52.19)
810    बज्जर (= बज्जड़; वज्र) (उनका बेटा भेल - छोटकी औरत रजमुनियाँ के कोख से । ... बड़की औरत लछमिनियाँ दया के आगार निकलल - खूब सेवा-टहल, तेल-कूँड़ कयलक, सोंठ-बतीसा घाँट के खिलावे बाकी मंझली मंगरी आ संझली सोमरिया के सौतीन डाह न मेटल । दुन्नो के बज्जर पड़ गेल - चौबीसो घंटा कपार ठोकइत रहे - ओकर कोख के सरापइत रहे ।; छवो के बाल बच्चा लोढ़ा-सिलउट लेखा बज्जर, पढ़ल-लिखल, गुनगर, सोभवगर ।)    (माकेसिं॰42.20; 65.10)
811    बटलोही (रामचन्द्र सिंह पुरनका दिन के इयाद करइत करइत परान तेयाग देलन । अब बच गेलन हे के ? बटलोही, बरहगुना, सोठ, बतीसा, कठजामुन, चुटरी, कनगोजर, कुलबोरन आ चपोरन - सब मिलके बाँस के फोंफी लेखा बज रहल हथ ।)    (माकेसिं॰22.22)
812    बड़का (हम्मर घर आउ रामजतन चाचा के घर अगल-बगल । ऊ दक्खिन कोन पर हम उत्तर कोन पर । चार कट्ठा में मकान, आठ-दस गो बड़का बड़का घर आ ओतने बड़हन अंगना ।)    (माकेसिं॰47.3)
813    बड़की (उनका बेटा भेल - छोटकी औरत रजमुनियाँ के कोख से । ... बड़की औरत लछमिनियाँ दया के आगार निकलल - खूब सेवा-टहल, तेल-कूँड़ कयलक, सोंठ-बतीसा घाँट के खिलावे बाकी मंझली मंगरी आ संझली सोमरिया के सौतीन डाह न मेटल ।; सूरज रोज बढ़इत गेल, बचपन के सब सउख बड़की माय पूरावइत गेल ।)    (माकेसिं॰42.18; 43.14)
814    बड़गिरी (गाँव भर के औरत मुँह देखाई देवे आवे लगलन । एगो बूढ़ी औरत बड़गिरी करइत चमोकन के कहे लगल - "बउआ चमोकन ! भगवान तोर भाग फार से लिखलथुन हे । जइसन बेटा ओइसन कनेया । इन्नर के परी उतारल ।")    (माकेसिं॰59.28)
815    बड़हन (हम्मर घर आउ रामजतन चाचा के घर अगल-बगल । ऊ दक्खिन कोन पर हम उत्तर कोन पर । चार कट्ठा में मकान, आठ-दस गो बड़का बड़का घर आ ओतने बड़हन अंगना ।)    (माकेसिं॰47.3)
816    बढ़नी (बड़ाबाबू अपने छव फीटा जवान आउ उनकर सब मेहरारू गोरखा रेजिमेन्ट में भरती होवे लाइक । सबके सब चौबीसो घंटा अपना के युद्ध के बोडरे पर बुझऽ हे । केकरो हात में फराठी, केकरो हाथ में बढ़नी, केकरो हाथ में पँहसुल त केकरो हाथ में करिखाही हड़िया ।)    (माकेसिं॰39.25)
817    बढ़ही (= बड़ही; बढ़ई) (बेचारे कुकुहारो से काँटा लेखा सीझइत गेलन आ गल गल के मोम लेखा पिघलइत गेलन । छिलइत गेलन बढ़ही के बँसुली से लकड़ी लेखा, साग के टूसा लेखा खोंटाइत गेलन । जिनगी भर सीज के काँटा पर सुतइत गेलन ।)    (माकेसिं॰45.30)
818    बतकही (अब होवे लगत बतकही । सब कोई अप्पन अप्पन औरत के बात निकालत बाकिर ई गुम्मी साधले रहतन ।)    (माकेसिं॰40.14)
819    बतबनौवल (ई जादे बात करतन एन्ने-ओन्ने के - स्टेशन पर कटहर कउन भाव बिका रहल हे, ... कउन अनाज के भाव कइसन चल रहल हे, कउन रेलगाड़ी कतना लेट से चल रहल हे - बस खाली बतबनौवल, न कोई कागज-पेन्सिल, न कोई रेकर्ड-फाइल ।)    (माकेसिं॰40.31)
820    बतासा (चानमामू सबसे बतिअयतन, खूब सट सट के रिच रिच के बात बनौवतन । जने चलतन लइकन उनका पीछे ढेढ़िआयल चलतन । कोनो के चौकलेट, कोनो के चिनिया बेदाम, कोनो के बतासा, कोनो के भूँजल बूँट हाथ में धरावित जयतन ।)    (माकेसिं॰32.17)
821    बतिआना (चानमामू चाने लेखा चनमन, चकमक, चंचल । चानमामू सबसे बतिअयतन, खूब सट सट के रिच रिच के बात बनौवतन ।)    (माकेसिं॰32.15)
822    बतियाना (= बतिआना) (चनकी दाई के पास कोई न बइठे । जउन राह धर के जायत, लोग ऊ राह छोड़ देतन - कउन ठीक चनकी दाई निहुँछ के केकरो थोप देत । चनकि दाई चलत तब बुदबुदाइत चलत - लगत केकरो से बतिया रहल हे, केकरो गरिआ रहल हे, केकरो घिना रहल हे ।)    (माकेसिं॰65.21)
823    बतीसा (~ घाटना) (सब काम छूट जाय तो छूट जाय, चार गो काम ओकरा ला चारो धाम । जलमउती के नार काटना, काजर पारना, परसउतीन के बतीसा घाटना आ बिआह में ढोल बजाना - ई ओकर हिरदा के हुलसवाला काम ।)    (माकेसिं॰16.29)
824    बत्ती (~ पेसना) (गली के खपड़ा-झिटका भी ओकरा देख के काँप जाहे । बत्ती पेस देलऊ न, चल 'घसेटन' भीर झरवा देउक । ऊ कइसनो डाइन-कवाइन के देल बत्ती निकाल के देखा देवऽ हथीन आउ अप्पन दीआ में जरा के देखा देवऽ हथीन ।)    (माकेसिं॰68.10, 12)
825    बधार (ओही लाली लेले नवरतनी फुआ जलम लेल । कलेसरी के मरद ओ घड़ी बधार में गेहुम काटइत हल ।)    (माकेसिं॰15.8)
826    बनबादुर (चमोकन माय-बाप के एकलौता बेटा हथ । उनकर असली नाम चनेसर हल । चनेसर के रूप-रंग, चाल-ढाल अनमन चमोकने लेखा । उनकर रंग ईंटा लेखा लाल, चुक्का लेखा मुँह, बनबादुर लेखा आँख ।)    (माकेसिं॰55.3)
827    बनिहार (= बन या बनि लेकर काम करनेवाला, मजदूर) (खेते-खेते मलिकार बनिहार के अँचार पत्ता पर देइत जयतन आउ कटनिहार उनका दू मुट्ठी, चार मुट्ठी, एक अँकवारी, दू अँकवारी धान देइत जयतन ।; सबके जीभ चटकारे के मौका जरूर देतन । तरह-तरह के अँचार, तरह-तरह के चटकार, तरह-तरह के अँचार के सोवाद, तरह-तरह के मुँह में पानी, मलिकार खुश - बनिहार खुश - भूलेटन के पौ बारह ।; मलिकार खेत-खरिहान के पढ़ाई पढ़लन, बनिहार हर-कुदार के कहानी समुझलन बाकि भूलेटन सबके मन के पढ़ाई पढ़लन, न कहुँ स्कूल में नाम लिखवलन न कोई डिग्री लेलन न पी-एच॰डी॰ कयलन ।)    (माकेसिं॰82.17; 83.6, 22)
828    बनिहारिन (देवी मइया के सब गीत ऊ ककहरा लेखा इयाद कयले हलन । अमरूध, बइर, बेल, अँचार देला पर कोई बनिहारिन तनि कह देल 'ए भूलेटन भइया, तू अँचार आ अमरूध देके लोग के ठग देवऽ हऽ । हमनी के देवी मइया के गीत सुनावऽ तब न धान, गेहूँ इया खेसारी से तोर अँकवारी भर जतवऽ ।' फिन का, ऊ खेत में पल्थी मारलन आउ रेघा रेघा के गावे लगलन -)    (माकेसिं॰87.8)
829    बनूक (= बन्हूक; बन्दूक) (उनका ला जात-पात, छुआ-छूत, दाव-पेंच, पार्टी-पॉल्टीक्स सब मन के भरम । ऊ न केकरो भाला मारलन न बरछी, न कहियो ढेला चलौलन न बनूक । उनका ला सब कोई बराबर ।; मुँह के बकार तो तू बुझवे करऽ हऽ । अनकट्ठल बात हमरा न सोहाय । तू पिस्तौल छोड़लऽ तब हम बनूक, तू पड़ाका छोड़लऽ त हम बम । तू एक बर, हम चार बर  ।; मोटर साईकिल हाँके ला ओइसने मितो मिल गेलन - मकेसर । ई पाछे बइठ जयतन बाकि अप्पन लाठी हमेशा अपना हाथ में । ऊ जमाना बनूक आउ राइफल के न हल । देह के कसावट, जोश, जवानी, फुरती आउ ताकत । दद्दू भइया के लाठी - बनूक से जादे वजनदार, भला-तलवार से जादे धारदार ।)    (माकेसिं॰30.18; 49.18; 105.1, 3)
830    बन्हन (= बन्धन) (छठ, एतवार, तीज, चउथ, कीरतन, भजन, गंगास्नान, रक्षा बन्हन, दसहरा, दीवाली, होरी, बसन्त पंचमी, एकारसी, सत्यनारायन भगवान के कथा के महातम बतावे लगत तब हिन्दू लोग के मुँह बन्द हो जायत - कान अपने आप खुल जायत आ सबके माथा झुक जायत रजिया अम्मा के पैर पर ।)    (माकेसिं॰92.23)
831    बन्हाना (जंगल कट रहल हे, पहाड़ टूट रहल हे, नदी बन्हा रहल हे, जंगल के जीव-जन्तु अलोपित हो रहल हथ ।)    (माकेसिं॰73.19)
832    बन्हुआ (~ मजदूर) (ई ठीक हे कि दद्दू भइया जनता के अतना जगा देलन हे कि अब कोई दलित के खटिया पर बइठल देख के कन्हुआयत न, ओकरा उलिट न देत, होरी के दिन होरी आ गोबर के नाम से माय-बहिन के गारी न दिआयत, ओकर घर में गोबर आ पखाना के हड़िया न फेंकायत, गनौरिया अब बन्हुआ मजदूर न बनत ।)    (माकेसिं॰108.12)
833    बभन-टोली (ओझा पट्टी होवे इया अहीर पट्टी, कुम्हर टोली होवे इया मुसहर टोली, बभन टोली होवे इया कहर टोली - चानमामू सगरे देखाई देतन ।)    (माकेसिं॰30.15)
834    बय (आखिर ओहे जगा हीरामन, करीमन, बंसरोपन, रामखेलावन बाबू के खेत-खरिहान में कउन बेमारी समा गेल हे कि चनकी दाई से जादे खेत के जोतदार अच्छइत सालो भर के खाना-बुतात चलाना पहाड़ बनल रहित हे । बेटा-बेटी के शादी-बिआह में हर साल असपुरा रजिस्टरी में खेत बय लिखा रहल हे बाकि चनकी दाई के खेत बरगद लेका बढ़इत जा रहल हे ।)    (माकेसिं॰64.26)
835    बयना-पेहानी (चनकी दाई बेचारी करो का ? एकरा से न कोई बोले न कोई हँसे । न कोई बात न कोई विचार, न कोई लेन न कोई देन । बयना-पेहानी, आवन-जावन, उठ-बइठ, चउल-मजाक एकरा ला गुलर के फूल ।)    (माकेसिं॰66.22-23)
836    बर (= बरगद) (आम के टिकोढ़ा टपक गेल ओकर बिछोह में, महुआ चू के पथर गेल ओकर माया-ममता में, जामुन अप्पन करिया आँख से करिआ लोर टपकावे लगल । बर, पीपर, पाँकड़, अमरूध सब ओकर डोली के छेंक लेलन ।)    (माकेसिं॰27.18)
837    बर (= बराबर) (मुँह के बकार तो तू बुझवे करऽ हऽ । अनकट्ठल बात हमरा न सोहाय । तू पिस्तौल छोड़लऽ तब हम बनूक, तू पड़ाका छोड़लऽ त हम बम । तू एक बर, हम चार बर  ।)    (माकेसिं॰49.17)
838    बरकट्टी (ओइसहीं मटकोड़वा, ढिढारी, बरकट्टी, बिआह में जब ले नवरतनी फुआ के ढोल न बजत, तब ले सब ठप्प ।; बिआह में मटकोड़वा के गीत, मड़वा के गीत, बरकट्टी के गीत, कनेयादान के गीत, सेन्नुरदान के गीत, परिछन के आउ बिदाई के गीत गावे लगत तब सब कोई हार मान जयतन ।)    (माकेसिं॰18.3; 93.14)
839    बरक्कत (सबके खेत के खेसारी कबर गेल, धान के परूई राताराती बान्ह के पताल में खपा देवल गेल, केकरो घर में सेन्हमारी भेल, केकरो घर में डकैती, केकरो खरिहान में आग लगा देवल गेल, केकरो गोरू-डांगर खोल के सोन पार हो गेल बाकि चानमामू के एगो पत्तो न खरकल । जइसन नेत ओइसन बरक्कत ।)    (माकेसिं॰31.27)
840    बरतुहार (एकर खरिहान देख के बरतुहार के आँख चमक जाहे । पोरा के टाल, नेवारी के गाँज, धान, गेहुम, बूट, मसूरी, खेसारी से भरल कोठी सबके सामने एगो सवाल खड़ा कर देवऽ हे ।)    (माकेसिं॰64.20)
841    बरना (= बलना, जलना; लगना; आना; उत्पन्न होना) (ओकाई ~; गोस्सा ~; गुदगुदी ~) (एही से दुन्नो परानी बुढ़ारियो में चान लेखा बरइत रहऽ हथ ।; दूध के नदी बह रहल हे बाकि इनका मट्ठा-दूध देखइते छींक आवे लगत । घीव-दूध में बनावल पुआ-पकवान के नाम पर उनका ओकाई बरे लगत ।; धनेसर जतने बोलत ओतने गुदगुदी बरत ।)    (माकेसिं॰34.19; 55.12; 72.16)
842    बर-बाजार (जब ऊ सेनगुप्ता धोती आ सिल्कन-मटका के कुरता झार के हित-नाता, बर-बाजार, बाहर-भीतर इया गवनई के समय निकलऽ हलन तब लगऽ हल कोई राजकुमार जा रहल हे, कोई दुल्हा बराती जाय ला सक के बइठल हे ।)    (माकेसिं॰53.11)
843    बरहगुना (रामचन्द्र सिंह पुरनका दिन के इयाद करइत करइत परान तेयाग देलन । अब बच गेलन हे के ? बटलोही, बरहगुना, सोठ, बतीसा, कठजामुन, चुटरी, कनगोजर, कुलबोरन आ चपोरन - सब मिलके बाँस के फोंफी लेखा बज रहल हथ ।)    (माकेसिं॰22.22)
844    बरात (= बारात) (आझ उनकर बरात जाइत हे । जेकर-जेकर मुँह से चनेसर भाई निकले ओकरा आदर से बस पर बइठावइत जाथ । जे चमोकन कहलक ओकरा कह देथ तू हम्मर बरात जाय जुकुर न हऽ ।)    (माकेसिं॰59.11, 13)
845    बराती (= बारात) (केकरो शादी-बिआह हे, कपड़ा-लत्ता, जूत्ता-चप्पल, सोना-चानी के गहना, मर-मसाला, डलडा-तेल, पत्तल उधार-पईंचा दिलवा देतन, तिरवेदी जी के दुकान शर्मा जी के मकान, साग-सब्जी सब सरजाम जब ले ई करवा न देतन तब ले इनकर गोड़ साइकिल बनल रहत । बराती ला बस, बैंडबाजा, झार-फाटक, हलुआई मुंशी साव इनकर बायाँ हाथ के खेल ।; जब ऊ सेनगुप्ता धोती आ सिल्कन-मटका के कुरता झार के हित-नाता, बर-बाजार, बाहर-भीतर इया गवनई के समय निकलऽ हलन तब लगऽ हल कोई राजकुमार जा रहल हे, कोई दुल्हा बराती जाय ला सक के बइठल हे ।)    (माकेसिं॰33.20; 53.13)
846    बराहिल (जेतने चुनचुन खुश ओतने रामधेयान मलिकार खुश । रामधेयान के जबसे होश भेल तब से चुनचुन के अप्पन बराहिल बना लेलन आ खेत-खरिहान, घर-दुआर, बाहर-भीतर, बाग-बगइचा सबके भार इनका सौंप देलन ।; जनावर के देखभाल करे ला दू दू गो बराहिल, तइयो ई जब ले अप्पन हाथ से सोघरवतन न, चुचकरतन न, तब ले गोरू-डांगर आँख फाड़ के निहारइत रहत ।; बाल्टी के बाल्टी दूध पिअली हम, छाल्ही-मक्खन खइली हम । भगवान के किरपा से चार गो हरवाहा, एगो बराहिल, गाँव में पहिला मरद हम जेकर मकान पक्का के ।)    (माकेसिं॰15.19; 32.7; 49.21)
847    बरिस (ऊ नब्बे बरिस के हो गेलन बाकिर शरीर में दम जवानी लेखा ।)    (माकेसिं॰34.1)
848    बलौक (= ब्लॉक) (ओ घड़ी कोई बलौक में मवेशी अस्पताल रहित त इनका इनाम मिलइत । काहे ला ? इला कि गउशाला कइसन बनवे के चाही - एकर उदाहरन चानमामू ।)    (माकेसिं॰32.2)
849    बसना (धनेसर जब गाड़ी चलावे लगत तब मुँह चुनिआवे लगत - कभी चुक्का लेखा कभी टूईंया लेखा, कभी ढकना लेखा, कभी बसना लेखा, कभी ताड़ के फेदा लेखा ।)    (माकेसिं॰76.1)
850    बसना (नवरतनी फुआ केकरो बेटी के सउरी में नून न चटौलक, नरेटी जाँत के न मुऔलक, बसना में ठूँस के डघ्घर पर न फेंकलक । ओकर कहनाम हे सब जीव भगवान के संतान - कोई बेटा होयल कोई बेटी । हम परहाप काहे लेवे जाउँ ।)    (माकेसिं॰18.21)
851    बसावन (~ लगना) (आगु में भोजन के भरल थरिया - केकरो ढूक न रहल हे । सबके कंठ में तेतरी समा गेल हे । अन्न-पानी सब कुछ बसावन लग रहल हे ।)    (माकेसिं॰28.15)
852    बहरसी (= बाहर) (चार कट्ठा में मकान, आठ-दस गो बड़का बड़का घर आ ओतने बड़हन अंगना । अंगना के एक कोना में पक्का इनार आ बहरसी दलान, दलान के बगल में गउशाला, गउशाला के कोन पर एगो छोटहन फुलवारी जेकरा में ओड़हुल, कनइल, हरसिंगार, गेन्दा, केला, अमरूध के फूल-फल ।)    (माकेसिं॰47.4)
853    बाँस-बँड़ेरी (धरती हम्मर सोना हम्मर, बाँस-बँड़ेरी छप्पर हम्मर । बाकि हम उदान पड़ल ही, भूखे पेट चिन्तन पड़ल ही । राम के मेहरी लंका में, सोना सिमटल बंका में । राम फिफिहिया बाँक रहल हथ, शबरी-केवट छाँक रहल हथ ।)    (माकेसिं॰74.3)
854    बाकिर (= बाकि) (ऊ जे कह देलन तब ओकरा से टस से मस न होयतन, लाख बिपत्ति के पहाड़ आ जाय, आसमान टूट के गिर जाय, बाकिर चानमामू के मुँह चाने लेखा चमकइत रहत । गाँव-जेवार में सब कोई छक्का-पंजा खेललन, नहला पर दहला चलवलन बाकिर चानमामू केकरो चुटियो न काटलन ।; चानमामू चानमामू हथ । पुराना जमाना के अदमी, पुराना जमाना के ठाठ-बाट बाकिर जमीन्दारी ठाट कहियो न देखौलन ।; ऊ नब्बे बरिस के हो गेलन बाकिर शरीर में दम जवानी लेखा ।; कतना लोग स्वतंत्रता सेनानी के पेंशन खा रहल हथ बाकिर हम ? पेंशन लेवे से इन्कार कर देली ।)    (माकेसिं॰31.1, 4, 11; 34.1, 31)
855    बागर (मुँह के ~) (ऊ लोग के बस चले तो गाड़ी के शीसा, लोहा, टायर-ट्यूब सब भकोस जयतन आ एगो ढेकारो न आयत बाकि हम्मर धनेसर धन के आगर, मन के मानर, दिल के सागर, मुँह के बागर हे ।)    (माकेसिं॰75.18)
856    बाघ-बकरी (तेतरी दीदी कहुँ न कहुँ से छकुनी लेले, रस्सी लेले पहुँच जायत आ जमे लगत लइकन के खेल - कभी डोल-पत्ता, कभी चिक्का-कबड्डी, कभी सेलचू, कभी ओका-बोका-तीन-तड़ोका, कनघीच्चो, बाघ-बकरी, अत्ती-पत्ती । सब खेल में पारंगत तेतरी दीदी ।)    (माकेसिं॰26.2)
857    बात-बेयोहार (= बात-व्यवहार) (चुनचुन के बात-बेयोहार, क्रिया-करम से उनकर धन-दउलत बढ़इत गेल ।; बस, ओहे दिन से ओकरा लोग नवरतनी फुआ कहे लगलन । नवरतनिए फुआ लेखा ओकर शरीर के बनावट । ओइसने चकइठ, गोर, लमपोर, बात-बेयोहार, चाल-चलन ।)    (माकेसिं॰15.21; 16.24)
858    बान्हना (= बाँधना) (टुनमुन के औरत अप्पन घरे बोला के नवरतनी फुआ के केस गुहलक, चोटी बान्हलक, मांग में सेन्नुर, हाथ में भर बाँह चूड़ी, गोड़ रंग के देबी मान के गोड़ लागलक ।; हम नदी पर बान्हल पानी लेखा ढरइत हली । खुशी के लोर से माय-बाबू के अँचरा आ गमछा भींज गेल ।)    (माकेसिं॰21.27; 68.29)
859    बायमत (कोई कहे देवी मइया देह धयले हथीन - कोई कहे चनकी दाई बायमत पूजऽ हथीन - कोई कहे देह पर मियाँ-बीबी आवऽ हथीन ।; कोई चीज के कमी न । चार गो पट्ठा-पट्ठा बयल, दुगो पहलवान लेखा हरवाहा, गाय-भईंस के दूध के नदी बहइत घर-दुआर देख के सब केउ दाँते-अंगुरी काटे - चनकी दाई जरूर बायमत पूजऽ हे ।; खूब बतिओ चनकी दाई से । डाइन-कवाइन केकरो होवऽ हे । डाइन दोस्ते घर के खाहे । बायमत पूजेवाला तो अप्पन माँग आउ कोख भी दे देवऽ हे, तू कउन खेत के मूरई हें ।)    (माकेसिं॰63.17; 64.19; 68.8)
860    बार (= बाल, केश) (अतना कहइत कहइत उनकर माथ के उज्जर बार हिमालय लेखा ठार हो गेल ।)    (माकेसिं॰36.10)
861    बारना (= बालना; जलाना) (रोज गंगा नेहाये आ शाम के गंगा किनार पर घीव के दीया बारे । सूरज रोज बढ़इत गेल, बचपन के सब सउख बड़की माय पूरावइत गेल ।)    (माकेसिं॰43.13)
862    बाल (= फसल या पौधों का अन्न का गुच्छा; मकई का भुट्टा) (सब दिन हर छन मुँह में सोंफ-इलाइची । जब हँसतन तब ओठ केराव के फारल छेमी लेखा दुनो ओठ तनि सा फाँट हो जायत आ दाँत कचगर मकई के छिलल बाल लेखा शोभे लगत ।; बार-बार बलेसर के खोजइत हथ । बलेसर गायब । सऊँसे गाँव के मुँह मकई के छिलल बाल लेखा ।)    (माकेसिं॰33.4; 59.17)
863    बिअहुती (= बिहउती) (सपना में तेतरी दीदी इन्नर के परी लेखा देखाई दे रहल हे । पिअर बिअहुती साड़ी, भर हाथ चूड़ी, मांग में सेन्नुर, कान में झूमका, नाक में नथिया, आँख में काजर, पाँव में महावर, ओठ में लिपिस्टिक, बूटेदार चद्दर ओढ़ले सबके सामने ठार हे ।; गाँव के मेहरारू केंवाड़ बन्द कर देल । बाल-बच्चा के लेदरा तर घुसेर देल - खिड़की खोल के सब खिलकट देखे लगल । बिअहुती औरत के सास कोना-सान्ही से भी झाँके ला मना कर देल । माय बिन बिआहल लड़की के गोड़ में छान-पगहा डाल देल ।)    (माकेसिं॰28.25; 63.9)
864    बिआना (हम्मर सवांग आ बाल-बच्चा कमजोर रहित त ओकरो लोग लुलुआवइत रहितन । बाकि केकर माय शेर बिअयलक हे जे हमरा सामने हम्मर इज्जत पर अंगुरी उठा सकऽ हे ।)    (माकेसिं॰70.2)
865    बिआह (= विवाह) (सब काम छूट जाय तो छूट जाय, चार गो काम ओकरा ला चारो धाम । जलमउती के नार काटना, काजर पारना, परसउतीन के बतीसा घाटना आ बिआह में ढोल बजाना - ई ओकर हिरदा के हुलसवाला काम ।)    (माकेसिं॰16.29)
866    बिआहना (गाँव के मेहरारू केंवाड़ बन्द कर देल । बाल-बच्चा के लेदरा तर घुसेर देल - खिड़की खोल के सब खिलकट देखे लगल । बिअहुती औरत के सास कोना-सान्ही से भी झाँके ला मना कर देल । माय बिन बिआहल लड़की के गोड़ में छान-पगहा डाल देल ।)    (माकेसिं॰63.10)
867    बिख (= विष) (रजमुनियाँ बेटा के सुख न भोगलक । गंगा मइया ओकरा अप्पन गोद में बइठा लेलन - सूरज के बचपन से माय के ममता छीन लेलन । ओ घड़ी सूरज छव महीना के हल । मंझली संझली के करेजा ठंढा गेल । मन के बिख उतर गेल ।)    (माकेसिं॰43.3)
868    बिखधर (= विषधर) (कोठा पर हमरा ले जाके देखावे लगलन आ कहे लगलन, कहाँ से दुश्मन चढ़ाई कर सकऽ हे आ हम कइसे ओकर थोथुना चूर-चूर कर देम जइसे बिखधर के मुँह अइसन चूर-चूर के खतम कर देल जाहे कि ऊ परान अछइत काट न सकत ।)    (माकेसिं॰47.12)
869    बिच्छा (= बिच्छू) (राह चलत तब नजर धरती मइया के गोद में । ओकरा देख के साँप-बिच्छा, सियार-बिलार भी राह छोड़ के हट जायत ।)    (माकेसिं॰20.27)
870    बिछिया (पैर की उँगलियों में पहनने का अंगूठीनुमा एक गहना) (बिसउरी पूरल । नवरतनी फुआ के नया साड़ी-झूला, भर हाथ चूड़ी, माँग में सेन्नुर, खोंइछा में चाउर, सीधा अलग से । कोई अप्पन छूंछी उतार के दे रहल हे, कोई नकबेसर, कोई खोंटली, कोई गोड़ के बिछिया ।; नवरतनी फुआ लगबो करऽ हे फुआ लेखा । उज्जर उज्जर भुआ लेखा केस, मांग में सेन्नुर, आमछाप लुगा, नाक में छूंछी, कान में कनबाली, गोड़ में बिछिया, नोहरंगनी से रंगल गोड़, लिलार में टिकुली, भर बाँह चूड़ी ।)    (माकेसिं॰18.16; 20.25)
871    बिटनोन (= बिटनून; सेंधा नमक) (सबके दूध पिआवत बाकि अपना ला मट्ठा मह के रखत । सुबह-शाम एक गिलास मट्ठा-जीरा आ बिटनोन डालके पिअत ।)    (माकेसिं॰20.11)
872    बिढ़नी (= बिर्हनी) (~ के खोता) (बस, गाँव-जेवारे इनकर नाम फैल गेल - चमोकन । चमोकन कहला पर ऊ बिढ़नी लेखा भनभनाये लगतन, मारे दउड़तन । चनेसर बाबू कहला पर घीवो से चिकन । कोई काम इनका से निकाले ला हे - चनेसर बाबू, चनेसर भइया, चनेसर बउआ, चनेसर काका कहके निकाल लऽ - कोई कोर-कसर न । जहाँ चमोकन कहलऽ कि समुझऽ बिढ़नी के खोता में हाथ डाल देलऽ, कटाह कुत्ता के ललकार देलऽ ।)    (माकेसिं॰56.17, 21)
873    बिध (= विधि) (बारात खा पीके नाच देखे में मगन । चमोकन आ बलेसर बिआह के बिध पुरावे में ।; अधरतिया होइत-होइत सब औरत फोंफ काटे लगतन, केकरो गला फँस जायत, केकरो कंठ दुखाय लगत, केकरो छाती बथे लगत, केकरो कपरबथी बाकि रजिया अम्मा के सुर, गीत, लय तब तक चलइत रहत जब ले बिआह के सब बिध पूरा न हो जायत ।)    (माकेसिं॰59.20; 93.19)
874    बिरबिराना (आँख ~) (एक दिन चमोकन अयलन आ सटके बतिआये लगलन - "अहो चमोकन भाई, बउआ के बिआह करबऽ ? बड़ा सुन्दर लड़की हवऽ । घर-दुआर, माय-बाप-भाई-बहिन सब कुछ ... ।" एही बीच में चमोकन के मुँह लाल, आँख बिरबिरावे लगलन - "हटलऽ कि एक एँड़ देऊँ । बोले के पहिले सहूर हवऽ ।; "का तिलक-दहेज लेबहुँ ?" चमोकन से ऊ डेराइते बोललन । "तोर लइका हवऽ, तू ही बूझऽ । एक बेटा पर जेतना जर-जमीन पइसा-कउड़ी घर-दुआर हे, देखइते हऽ ।" बलेसर बड़ी खुस होके कहइत उठलन - "लाख बरिस जीअ चमोकन भइया, हम्मर बात रख लेलऽ ।" चमोकन फिन मुँह चुनिअएलन, आँख बिरबिरयलन, "सुनऽ बलेसर, बिआह न होतवऽ । मकान के नेवो न दिआयल आ काग बइठे लगल ।")    (माकेसिं॰58.16, 30)
875    बिलबिलाना (कोई मियाँ-बीबी ओकर देह धयले न हल । कोई जादू-टोना ऊ न जानल । बाकि अछरंग के सीज के काँट पर बिलबिला बिलबिला के मर गेल ।)    (माकेसिं॰67.14)
876    बिलमना (= विराम लेना) (जे उधर जायत से सोंच के जायत कि एक घंटा भूलेटन के घरे बिलमना जरूरी हे ।)    (माकेसिं॰85.7)
877    बिलाई (= बिलाय; बिल्ली) (कोई हाथ पसारल कि तेतरी हवाक से गोदी में । जइसे बकरी के पठरू, बिलाई, कुत्ती के बच्चा लोआ-पोआ, ओइसहीं तेतरी, जुलुर जुलुर हाथ - पैर पुलुर पुलुर आउ देह - खेसारी के निढ़ल साग लेखा, सिमर के रूआ लेखा ।)    (माकेसिं॰24.21)
878    बिसउरी (= बिस्तौरी; बिसौरी; बच्चा जनने के बाद के बीस दिनों का समय या बीसवाँ दिन) (नवरतनी फुआ के हाथ में एगो जस हे, गोरैया बाबा के असीरबाद मिलल हे ओकरा । जेकर नार काटलक ओकर जिनगी अबाद । आझ ले केकरो ढोंढ़ न फेंकलक, सउरी में केकरो जमुहा आ हाबा-डाबा न धयलक । बिसउरी पूरल । नवरतनी फुआ के नया साड़ी-झूला, भर हाथ चूड़ी, माँग में सेन्नुर, खोंइछा में चाउर, सीधा अलग से ।)    (माकेसिं॰18.13)
879    बिहने (= बिहान होने पर) (बिहने बिदाई भेल । बराती घर लउटल । परिछन भेल । इहँऊ चमोकन के नाम लेके गीत गवाये त ऊ बिगड़ के फायर । ऊ एगो खुरपी लेलन आउ चल गेलन बगइचा में घास गढ़े ।; घरे अयला पर देखइत हथ सब कि मालिक ओहे अदमी हथ जे चँवर में मिललन हल । चमोकन औरत के कहलन, "सबके रोटी आ मट्ठा खिआ के सुता दऽ, बिहने बिदाई एको पइसा दीहऽन ।")    (माकेसिं॰59.24; 61.27)
880    बिहान (= सुबह) (होवे दे बिहान नीमियाँ, जरी से कटायब गे माई । तोहरे डहुँगिये नीमियाँ घोरबो घोरान गे माई ॥)    (माकेसिं॰88.3)
881    बीघा (आदिवासी के जमीन लोग दखलवले जा रहल हथ - एक हँड़िया पिआ देलन आ बीघा के बीघा लिखवा लेलन । भोंदू भाव न जाने पेट भरे से काम ।)    (माकेसिं॰73.17)
882    बीड़ी-सिकरेट (अरे रामायण गावे अयलऽ हे कि गांजा के दम लगावे, फूलचन के रामायण हे, खिंच लऽ बीड़ी-सिकरेट, थुकर ल खैनी खा खा के ।)    (माकेसिं॰50.7)
883    बीया (खेत में बीया {मोरी} उखड़ रहल हे, ई चभर-चभर ओकरा में लोटइत रहतन । अचरज के बात ई हे कि सबके शरीर में जोंक सट जायत बाकि इनका से जोंक सात बिगहा अलगहीं से भड़क जायत ।)    (माकेसिं॰56.6)
884    बुढ़ारी (एही से दुन्नो परानी बुढ़ारियो में चान लेखा बरइत रहऽ हथ ।; सोंचलन हल रिटायर करके बुढ़ारी के जिनगी सुख-चैन से गुजारब बाकि पेन्शन के मामला उनका ला बबूर के काँटा साबित भेल ।; घीव-दूध, मक्खन-मलाई जिनगी भर चाभइत रहलन इहे कारन हे कि उनकर चेहरा जवानी से लेके बुढ़ारी ले उगइत सुरूज लेखा दहकइत रहल ।)    (माकेसिं॰34.18; 44.29; 53.9)
885    बुतरू (सब कहतन - चानमामू सचमुच चानमामू हथ । सोना के कटोरी में दूध लेले चलऽ हथ आ बुतरूअन के मुँह में घुटुक देइत जा हथ ।)    (माकेसिं॰32.22)
886    बुतात (आखिर ओहे जगा हीरामन, करीमन, बंसरोपन, रामखेलावन बाबू के खेत-खरिहान में कउन बेमारी समा गेल हे कि चनकी दाई से जादे खेत के जोतदार अच्छइत सालो भर के खाना-बुतात चलाना पहाड़ बनल रहित हे ।; अनाज के किसिम-किसिम के दाना बना के बाग-बगइचा आ तलाब के जीव-जन्तु के बुतात टेम के सिरे दुन्नो शाम अप्पन हाथ से देइत रहत ।)    (माकेसिं॰64.25; 96.13)
887    बुधगर (धनेसर लेखा बुधगर लुरगर आदमी सब जगह हथ बाकि ओइसहीं दादागिरी, हुकुमगिरी चल रहल हे जइसे हम्मर ऑफिस में बेचारा धनेसर ।)    (माकेसिं॰73.27)
888    बुरबक (= बुड़बक; मूर्ख) (पढ़ल तो जरूर हे बाकि खाली कागजी दिमाग - विवेक-बुद्धि से कोई लगाव न । पढ़-लिख के बुरबक ।)    (माकेसिं॰97.11)
889    बूँट (चानमामू सबसे बतिअयतन, खूब सट सट के रिच रिच के बात बनौवतन । जने चलतन लइकन उनका पीछे ढेढ़िआयल चलतन । कोनो के चौकलेट, कोनो के चिनिया बेदाम, कोनो के बतासा, कोनो के भूँजल बूँट हाथ में धरावित जयतन ।)    (माकेसिं॰32.17)
890    बूट (= बूँट, चना) (बूट के सत्तू में गुड़ डाल के शरबत बना लेतन आउ बड़का पितरिहा लोटा से डकार जयतन ।; एकर खरिहान देख के बरतुहार के आँख चमक जाहे । पोरा के टाल, नेवारी के गाँज, धान, गेहुम, बूट, मसूरी, खेसारी से भरल कोठी सबके सामने एगो सवाल खड़ा कर देवऽ हे ।)    (माकेसिं॰55.18; 64.21)
891    बूढ़-पुरनियाँ (गाँव में सगरो तेतरी दीदी के चरचा । ... बूढ़-पुरनियाँ, जवान-जवनियाँ सबके लग रहल हे कुछ भुला गेल हे, कुछ लुटा गेल हे ।)    (माकेसिं॰28.10)
892    बूरबक (= बुरबक, बुड़बक) (हित-नाता लेखा आवऽ हऽ, आवऽ जा, एकरा ला हमरा कोई अमनख न हे । बाकि तू तो पढ़ल-लिखल होके आझ बूरबक लेखा काहे बोलइत हऽ ।)    (माकेसिं॰57.14)
893    बेखद-बद (दुश्मन उनका बेखद-बद के अतना तंग कयलन कि ताजिनगी सावधान रहे के कोरसिस कयलन ।)    (माकेसिं॰52.11)
894    बेग (= बैग) (ऑफिस में आवइते उनकर चेहरा बसन्त में बगइचा लेखा रूह-चुह हो जायत । मउरल मुखड़ा गुलाब लेखा खिल जायत । रोआँ-रोआँ हरिआ जायत । आँख के मोतियाबिन्द अलोपित हो जायत, चश्मा बेग में ।)    (माकेसिं॰40.8)
895    बेदाम (चिनिया ~) (चानमामू सबसे बतिअयतन, खूब सट सट के रिच रिच के बात बनौवतन । जने चलतन लइकन उनका पीछे ढेढ़िआयल चलतन । कोनो के चौकलेट, कोनो के चिनिया बेदाम, कोनो के बतासा, कोनो के भूँजल बूँट हाथ में धरावित जयतन ।)    (माकेसिं॰32.17)
896    बेमार (~ पड़ना) (रात-बिरात गाँव-जेवार में कोई बेमार पड़ल, चानमामू ओकरा लेके डागटर रामसागर ठाकुर के पास दउड़ जयतन, देखला देतन आ शर्मा जी के दोकान से दवा भी उधार ।)    (माकेसिं॰33.14)
897    बेमार-हेमार (ऊ घड़ी हम समझदार हो गेली हल  हमरा डाइन-कवाइन में विश्वास न हल । कभी-कभी बेमार-हेमार पड़ला पर माय कहबो करऽ हल - 'खूब बतिओ चनकी दाई से । डाइन-कवाइन केकरो होवऽ हे । ...')    (माकेसिं॰68.6-7)
898    बेमारी (= बीमारी, रोग) (पेन्शन के मामला उनका लेखा चिल्ह-कउआ के चोंच लेखा । लोल मारइत मारइत अतना घवाहिल कर देल, जिनगी के जोश-खरोश के खून चिभइत गेल, आ पेन्शन उनका ला अइसन लकवा के बेमारी धरलक कि सीधे सुरधाम पहुँचा के छोड़लक ।; आखिर ओहे जगा हीरामन, करीमन, बंसरोपन, रामखेलावन बाबू के खेत-खरिहान में कउन बेमारी समा गेल हे कि चनकी दाई से जादे खेत के जोतदार अच्छइत सालो भर के खाना-बुतात चलाना पहाड़ बनल रहित हे ।)    (माकेसिं॰46.7; 64.24)
899    बेयक्खर (आज के सामाजिक, राजनीतिक कचड़ा देख के ऊ एक बार फिन गान्ही के अवतार ला बेयक्खर भेल रहतन ।; बउआ हो, हम अनपढ़ भले ही बाकिर देश-दुनियाँ के समाचार ला बेयक्खर होयल रहऽ ही ।)    (माकेसिं॰35.17; 36.20)
900    बेर (~ डूबना = सूर्यास्त होना) (पाँच बजे पहुँचली होयम धनेसर के गाँव । ... बेर डूबल । झांझ-मानर के अवाज सुनाई पड़े लगल ।)    (माकेसिं॰79.15)
901    बेवस्था (समाज के बेवस्थे अइसन हे । सबसे जादे मार आदिवासी आ हरिजन पर ।)    (माकेसिं॰73.14)
902    बोडर (= बोर्डर) (बड़ाबाबू अपने छव फीटा जवान आउ उनकर सब मेहरारू गोरखा रेजिमेन्ट में भरती होवे लाइक । सबके सब चौबीसो घंटा अपना के युद्ध के बोडरे पर बुझऽ हे ।)    (माकेसिं॰39.24)
903    बोरा (देखली कि एगो बोरा में कुछ बान्हल हे आ गमछी में कुछ छटपट करइत हे । हम छुअल चाहली बाकि ऊ मना कर देल । 'ई में सबके तीर-धनुष हे, घोंपा जायत तब हमरा दोस न देब ।' घर आके बोरा खोललक आ ककड़ी, तरबूजा, खीरा, लउका, नेनुआ, करइला, रमतरोई से घर भर गेल ।)    (माकेसिं॰77.28, 31)
904    बोलहटा (गान-बजान के ऊ अतना सवखीन हलन कि जेवार से गावे ला उनका बोलहटा आवऽ हल ।)    (माकेसिं॰53.15)
905    बोलाहट (= बोलहटा) (बोलाहट भेल आ नवरतनी फुआ ला एक गिलास मट्ठा मह के रखल रहत । जाइते मलकिनी से माँग करत हम्मर नेगचार बाद में करिहऽ, पहिले गोरस पिआवऽ ।)    (माकेसिं॰19.26)
906    बौल (= बल्ब) (हम्मर भइया के न देखलऽ भूलेटन के देखलऽ । अनमन ओइसने गोलभंटा लेखा मुँह, नरिअर के गुदा लेखा उज्जर-उज्जर आँख, महुआ के कोइन लेखा नाक, आम के फाँख लेखा पात्र-पात्र ओठ, अनार के दाना लेखा दाँत, टमाटर लेखा गाल - गाल आउ मुँह दून्नो लाल लाल - हमेशा पान खाये के आदत - हँसतन तब लगत पन्नी लगावल बौल बरइत हे ।)    (माकेसिं॰82.6)
907    भंटा (केकरो बेटा-बेटी के सादी-बिआह होवे, दूध-दही के जिम्मा ई ले लेतन । पइसा एगो कानी फुटलो कउड़ियो न । बगान में उपजल कोंहड़ा, कद्दू, बइगन, भंटा, आलू आउ ललका साग अपने से ओकर घर पहुँचा अयतन ।)    (माकेसिं॰60.12)
908    भईंसुर (देवर-~) (नवरतनी फुआ के नइहर केला के बगान, ससुरार बाँस के बँसवारी । नइहर में सात गो भाई, ससुरार में सात गो देवर-भईंसुर । नइहर बहुत कम जायत । ससुरार से छुटकारा कहाँ ।)    (माकेसिं॰20.18)
909    भकभुकाना (सब संस्कार के गीत रजिया अम्मा के कंठ पर । रामायण के चउपाई कहे लगत तब सुरेन्दर तिवारी मुँह लुका लेतन, सियाशरण भगजोगनी लेखा भकभुका के रह जयतन ।)    (माकेसिं॰92.20)
910    भकलोल (= बकलोल) (जे जिअते इनका बकलोल आ भकलोल समझइत गेल आझ ऊ उनकर औरत के सामने गंगा-जमुनी के झूठा लोर बहा-बहा के बड़ाई लूट रहल हे ।)    (माकेसिं॰46.9)
911    भकोसना (ऊ लोग के बस चले तो गाड़ी के शीसा, लोहा, टायर-ट्यूब सब भकोस जयतन आ एगो ढेकारो न आयत बाकि हम्मर धनेसर धन के आगर, मन के मानर, दिल के सागर, मुँह के बागर हे ।; जब रोड खराब मिल जायत तब ओकर आँख सुरूज लेखा बरे लगत । मुँह करिया झामर हो जायत । भर रहता कहइत जायत - 'ई रोडवो गिटिया ठीकदार साहेब लेले जयतन हल तब अच्छा हल । घर गेला पर बाल-बच्चन सब भकोसिए जयथिन हल । करमजरू ठीकदार ! जा तोर पेट कहियो न भरत ।')    (माकेसिं॰75.16; 76.8)
912    भगजोगनी (= जुगनू) (जेकर कहुँ नाम न लिखयलक ओकर नाम अप्पन स्कूल में लिखवा देलन, जेकरा स्कौलरशिप न मिले के चाही ओकरो स्कौलरशिप दिआवे में आकाश-पाताल एक कर देलन बाकी सब इनका ला भगजोगनी बन के भुकभुकाइत रहल, मुँह चिढ़ावइत रहल ।)    (माकेसिं॰45.17)
913    भटको (= भटकों, भटकुन, भटकोय; एक छोटा क्षुप या पौधा जिसमें छोटे गोल फल लगते हैं जो कच्चा में हरा और पकने पर काला होते हैं) (ओकर मुँह कानू के घुनसारी लेखा दहकइत दप दप गोर । गाल पर भटको लेखा एगो मस्सा ।)    (माकेसिं॰66.8)
914    भट्टा (सबके घर में चूहा दण्ड पेलइत हे, केतना के खटिया खाड़ होयल हे, हम्मर भट्टा देख के सब नाक-भँव सिकुड़ावऽ हथ ।)    (माकेसिं॰49.28)
915    भट्ठा (जेठ के तपिश, बालू के भुंभुरी, आग के लफार, भट्ठा के लहक, रेल इंजिन के दहक का होवऽ हे - चनकी दाई के अतमा से जानल जा सकऽ हे - ओकर हिरदा में छिपल लोर, दिमाग में भरल बिछोह, बादर के भीतर छिपल ठनक, कड़क, गड़गड़ाहट आ बिजुरी के चउँध से जानल जा सकऽ हे ।)    (माकेसिं॰67.20)
916    भड़कना (खेत में बीया {मोरी} उखड़ रहल हे, ई चभर-चभर ओकरा में लोटइत रहतन । अचरज के बात ई हे कि सबके शरीर में जोंक सट जायत बाकि इनका से जोंक सात बिगहा अलगहीं से भड़क जायत । हो सकऽ हे भगवान इनकर शरीर में कोई अइसन तेजाब भर देले होयतन कि चमोकन के नामे से ऊ हड़क जा होयत ।)    (माकेसिं॰56.8)
917    भड़ाम (गीत गावइत गावइत ऊ मस्त हो जायत । ... आँख-मुँह लाल हो जायत । लगत जइसे कोई तरबूजा के गुदा निकाल के रख देल । अतने में 'भड़ाम' आवाज भेल ।)    (माकेसिं॰77.10)
918    भड़ाम-भुड़ुम (अतने में भड़ाम आवाज भेल । ... ऊ सब कुछ समझ गेल । खूब ठहाका लगवलक । हम्मर मुँह टुकुर-टुकुर ताके लगल, कहलक - 'अपने तो कुछो न समझली । एही से हम गीत न गावऽ ही । गीत पर तो 'भड़ाम-भुड़ुम' होय लगल, आगे का होयत, अपने समझऽ ही !)    (माकेसिं॰77.14-15)
919    भतुआ (= भूआ, पेठा, कुष्मांड) (पुआ-पकवान से बगइचा गमगमा उठल - दूध के तसमई, भतुआ के मिठाई - सौ किसिम के सरजाम ।)    (माकेसिं॰15.15)
920    भभरा (पुआ-~) (एक दिन हम कहली - 'ए चानमामू, नेक्सलाइट सब तोरा आँख पर चढ़ौले हथुन, बच के रहिहऽ ।' ऊ चवनियाँ मुसकी मारलन आ कहे लगलन - 'ए कवि जी ! तू भरम मे हऽ । नेक्सलाइट लोग हमरा हीं पुआ-भभरा खा हथ आ हम ऊ लोग हीं झोर भात ।')    (माकेसिं॰35.24)
921    भरभराना (जइसे आन्ही-बतास में झमाठ पेड़ ढह जाहे, सावन-भादो के झपास में भित्ती भरभरा के गिर जाहे, ऊ दिरिस आझ तीनो अउरत के आँख के सामने बुझा रहल हे ।)    (माकेसिं॰46.27)
922    भरल-पूरल (रामजतन चाचा गावे-बजावे में गुनी हइए हलन, खेतिहर भी एक नम्बर । खेत-खरिहान आझ भी उनकर इयाद में हमेशा हरिअरी से भरल-पूरल रहऽ हे ।; चनकी दाई के एगो बेटा, पोता-पोती, नाती-नतिनी - पूरा घर दिवाली के घेरौंदा लेखा भरल-पूरल, दीया लेखा चकमक, सिरिज बॉल लेखा जगमग जगमग ।)    (माकेसिं॰53.6; 64.6)
923    भरेठ (~ गिराना) (कोई कह देत अलीगढ़ में दू हजार हिन्दू के रातोरात काट के कहवाँ खपा देवल गेल कोई पता न । ... तीसर गाँव से पागल लेखा सनकल दिमाग से भरेठ गिरावे लगत - अमृतसर में स्वर्ण मन्दिर में आठ घंटा बमबारी होवइत रहल, पाँच सौ पाकिस्तानी आतंकवादी ढेर हो गेलन ।)    (माकेसिं॰96.31)
924    भवँरी (बरसात के महीना, कोरे कोर उपलायल नदी । बड़का बड़का चकोह, खतरनाक खतरनाक जानलेवा भँवरी आ ओकरा में तेतरी दीदी चभाक से कूद गेल आ डूबकी मारलक त एके सुरूकिया में नदी के ऊ पार ।)    (माकेसिं॰23.5)
925    भाग (= भाग्य) (बड़ाबाबू रिटायर करके घरे अयलन । बिदाई में मिलल सौगात ला छीना-झपटी आ फिन कपरफोड़उअल । बड़ाबाबू बेचारे चुपचाप अप्पन कोठरी में भगवान से बिनती करे लगलन आ अप्पन भाग पर आँसू बहावे लगलन ।; गाँव भर के औरत मुँह देखाई देवे आवे लगलन । एगो बूढ़ी औरत बड़गिरी करइत चमोकन के कहे लगल - "बउआ चमोकन ! भगवान तोर भाग फार से लिखलथुन हे । जइसन बेटा ओइसन कनेया । इन्नर के परी उतारल ।")    (माकेसिं॰44.3; 59.29)
926    भाला-गड़ास (जउन गाँव में बात-बात पर लाठी लठउल, एक बित्ता आरी-पगारी ला भाला-गड़ास, राई के तीसी आ तीसी के राई बनावेओला गाँव, होत साँझ-बिहान सातो पुरखन के नेओतहरी, छोट-छोट बात पर गिधवा-मसान - ऊ गाँव में चानमामू सब के मामू बन के रह गेलन ।)    (माकेसिं॰31.20)
927    भिनसहरा (नवरतनी फुआ अभी भी सोहागिन हे । अप्पन मरदाना के होत भिनसहरा उठा के बइठा देत । पर-पाखाना कराके, हाथ-मुँह धोआ के, कपड़ा-लत्ता बदला के दूध-भात इया दाल-रोटी खिआ देत तब अपने खायत ।)    (माकेसिं॰20.13)
928    भिनसहरे (होत भिनसहरे पराती शुरू - बड़ाबाबू गान्धी मैदान में टहले । सुलभ शौचालय में पर-पखाना, गंगा में नेहान-धोआन - बस, कोनो दुकान पर बइठ के लिट्टी-चोखा गटक जयतन आ टगइत स्कूल के ऑफिस ।)    (माकेसिं॰40.2)
929    भिनुसहरा (= भिनसहरा) (मलकिनी कहऽ हथ - 'धनेसर अबहियो होत भिनुसहरा सिकड़ी बजावऽ हे तखनिए हम्मर नीन टूट जाहे । धनेसर देह से हमनी के बीच न हे बाकि ओकर इयादगार हम्मर पीढ़ी-दर-पीढ़ी चलइत जायत ।')    (माकेसिं॰81.27)
930    भिनुसार (परम्परागत ढंग से रात बीतल । होत भिनुसार हमनी के बिदाई भेल । गाँव के सौगात से हम्मर जीप भर गेल ।)    (माकेसिं॰80.2)
931    भुँड (ऊ सबके फुआ - भुँड होवथ इया बालम, नगेसर होवथ इया चनेसर, तेतरी होवे इया मंगरी, तड़ुका दाई होवथ इया मनराखन चाची ।)    (माकेसिं॰16.25)
932    भुंभुरी (= भुंभर, भुंभरी; राख से ढँकी आग; गर्म धूल या बालू) (जेठ के तपिश, बालू के भुंभुरी, आग के लफार, भट्ठा के लहक, रेल इंजिन के दहक का होवऽ हे - चनकी दाई के अतमा से जानल जा सकऽ हे - ओकर हिरदा में छिपल लोर, दिमाग में भरल बिछोह, बादर के भीतर छिपल ठनक, कड़क, गड़गड़ाहट आ बिजुरी के चउँध से जानल जा सकऽ हे ।)    (माकेसिं॰67.20)
933    भुआ (= भूआ, भतुआ, पेठा, कुष्मांड) (नवरतनी फुआ लगबो करऽ हे फुआ लेखा । उज्जर उज्जर भुआ लेखा केस, मांग में सेन्नुर, आमछाप लुगा, नाक में छूंछी, कान में कनबाली, गोड़ में बिछिया, नोहरंगनी से रंगल गोड़, लिलार में टिकुली, भर बाँह चूड़ी ।)    (माकेसिं॰20.24)
934    भुकभुकाना (जेकर कहुँ नाम न लिखयलक ओकर नाम अप्पन स्कूल में लिखवा देलन, जेकरा स्कौलरशिप न मिले के चाही ओकरो स्कौलरशिप दिआवे में आकाश-पाताल एक कर देलन बाकी सब इनका ला भगजोगनी बन के भुकभुकाइत रहल, मुँह चिढ़ावइत रहल ।)    (माकेसिं॰45.17)
935    भुड़ुका (जब-जब दशहरा आवत, ईद इया बकरीद आवत एगो भुड़ुका लेके कहीं से न कहीं से लोग आपुस में मधुमाखी लेखा भनभनाये लगतन । हिन्दू भाला गड़ास पजावे लगतन, मुसलमान तलवार आ तेगा भांजे लगतन ।))    (माकेसिं॰96.23)
936    भूँजना (चानमामू सबसे बतिअयतन, खूब सट सट के रिच रिच के बात बनौवतन । जने चलतन लइकन उनका पीछे ढेढ़िआयल चलतन । कोनो के चौकलेट, कोनो के चिनिया बेदाम, कोनो के बतासा, कोनो के भूँजल बूँट हाथ में धरावित जयतन ।; जीरा भूँज के पीस दऽ आ निमक डाल के खाली पेट पिआवऽ ।)    (माकेसिं॰32.17; 60.24)
937    भोंकड़ना (चानमामू जनावर के बड़ा प्रेमी । जब ले ऊ अप्पन हाथ से सान्ही-पानी न गोततन तब ले उनका मच्छर काटइत रहत आ जनावर भोंकड़इत रहत ।)    (माकेसिं॰32.2)
938    भोंदू (आदिवासी के जमीन लोग दखलवले जा रहल हथ - एक हँड़िया पिआ देलन आ बीघा के बीघा लिखवा लेलन । भोंदू भाव न जाने पेट भरे से काम ।)    (माकेसिं॰73.18)
939    भोजइतीन (सब कोई कह रहल हे, फुआ ढोलवा बजाव न तोरे बिना सब काम रूकल हे । एहे बीच में भोजइतीन ढोल पूजे ला दउरी में पाँच टूकी हरदी, चाउर आ पाँच गो पइसा छिपुनी में अइपन आ सेन्नुर लेके आ गेलन ।)    (माकेसिं॰17.27-28)
940    मँड़वा (= मड़वा) (~ गड़ाना) (केकरो घरे मँड़वा गड़ा रहल हे । गाड़े ला बाँस, बान्हे ला मूंज के रस्सी, छावे ला झलासी, बाँह पूजे ला अइपन, सब सरजाम जुटल । गाँव घर के बाबा-भइया, दादी-चाची पहुँचल हथ बाकि नवरतनी फुआ के असरा जोहा रहल हे, सबके नजर डघ्घर पर । एतने में नवरतनी फुआ टुघुरइत टुघुरइत आ गेल ।; बाबूजी हमरा घरे ले अयलन । हम्मर फिन बिआह भेल । मँड़वा गड़ायल, मटकोड़वा भेल, बराती आयल । सेन्नुरदान भेल आ हम आ गेली सिकन्दरपुर नइहर से तोर गाँव पुरन्दरपुर ।)    (माकेसिं॰17.21; 69.1)
941    मंगर (= मंगलवार का उपवास व्रत) (सुबह-शाम देवी मइया के चउरा लीपे, अँगना में तुलसी के पेड़ लगाके चउरा पर रोज जल ढारे, घीव के दीया जरावे, सुरूज भगवान के छठ बरत, एतवार, मंगर, जितिया बड़ा नेम धरम से करइत रहे ।)    (माकेसिं॰43.12)
942    मंगरइला (चनकी दाई घरे-बने भरल-पूरल । तीस बीघा नफीस खेत-बधार, आम-अमरूध, महुआ-जामुन, केरा-कटहर, अंवरा-पपीता के बारहमासा बाग-बगइचा, कोंहड़ा-भतुआ, लउका-नेनुआ, सीम-बरसीम, करइला से लथरल बगान, अलुआ, कोबी, टमाटर, रमतरोई, मूरई, मेथी, पालक, गाजर, राई, सरसो, तीसी, जवाइन-मंगरइला, लहसुन, पेयाज, बेदाम से लहफह - सातो बिहन । कोई चीज के कमी न ।)    (माकेसिं॰64.15-16)
943    मंझली (उनका बेटा भेल - छोटकी औरत रजमुनियाँ के कोख से । ... बड़की औरत लछमिनियाँ दया के आगार निकलल - खूब सेवा-टहल, तेल-कूँड़ कयलक, सोंठ-बतीसा घाँट के खिलावे बाकी मंझली मंगरी आ संझली सोमरिया के सौतीन डाह न मेटल ।)    (माकेसिं॰42.19)
944    मंतरी-संतरी (कोई मंतरी-संतरी, ऑफिसर-किरानी, मुखिया-सरपंच ऊ एरिया में अयतन तो पहिले दद्दू भइया के बइठका पर हाजिरी जरूर देतन आ दद्दू भइया ऊ लोग के आव-भगत करे में कोई कोताही न रखतन ।)    (माकेसिं॰105.11)
945    मउँचक (दुश्मन से कोई लगाव-बझाव न - सीधे गोली दागऽ, आ चुपचाप रात भर फोंफ काटइत रहऽ । कोई सक-सुबहा न, कोई मउँचक न ।)    (माकेसिं॰47.22)
946    मउगी (= पत्नी) (दिन में तरेगन लउकइत, ऊँट लेखा आन्ही-तूफान आवे के पहिले बालू में मुँह छिपावे परइत । गीध लेखा सब टूट पड़ितन । 'अबरा के मउगी सबके भउजी' बन जाइत । कोल-भकोल में लुकाइत चलइत । ओकर सुन्दरता गुलाब के फूल में काँटा बन जाइत ।)    (माकेसिं॰21.5)
947    मउनी (ओहे गाँव में देखते-देखते खदेरन खटाई होयल जाइत हथ, मधेसर जवानिए में मउनी में समेटे लाइक होयल जाइत हथ, कलेसर कनइल के फूल बनल जाइत हथ, धनेसर के घरनी हवा के सीक डोलइत घिरनी बनल जाइत हथ ।; अभी भी ऊ जाँता से आँटा पीस लेवऽ हे, ढेंकी में चाउर छाँट लेवऽ हे, कूईँया से पानी भर लेवऽ हे । माथा पर भर मउनी मटखान से माटी लेके गुड़कइत घर चल आवत । दाँत एको अभी न टूटल हे बाकि माथा के केस रूआ के फाहा लेखा शोभऽ हे जइसे बरफ जम गेला पर हिमालय पहाड़ शोभऽ हे ।)    (माकेसिं॰64.32; 66.2)
948    मउरना (ऑफिस में आवइते उनकर चेहरा बसन्त में बगइचा लेखा रूह-चुह हो जायत । मउरल मुखड़ा गुलाब लेखा खिल जायत ।)    (माकेसिं॰40.6)
949    मकज (= मगज; दिमाग, माथा, भेजा) (ऊ लाठी के एक पटकन जेकर मकज पर पड़ गेल - समुझ लऽ सीधे सुरधाम, कहुँ हाथ-गोड़ पर पड़ गेल - समुझऽ हाथ-पैर से लुल्ह, पीठ इया कमर पर पड़ गेल समुझऽ रीढ़ इया कमर के हड्डी लोहा के गाटर से कोई तोड़ देल हे ।)    (माकेसिं॰101.1)
950    मखाना (परिवर्तन के जमाना हे, सब कुछ तरक्की कर रहल हे । मरदाना माय बन रहल हे, कम्पूटर मखाना उपजा रहल हे । विज्ञान के जुग में सब कुछ परिवर्तन - भेंड़ अदमी आ अदमी भेंड़ ।)    (माकेसिं॰17.16)
951    मचान (घर में मकई के खेत में चार खंभा के मचान बन गेल हे । ई मचान पर बइठतन तइयो ढकेलयतन, नीचे रहतन तइयो ककड़ी आ मकई के लेंढ़ा माथ पर बजरबे करत ।)    (माकेसिं॰41.26)
952    मचिया (कथी केरा कंगही भवानी मइया, कथी लागल हो साल । कथीए बइठले भवानी मइया, झारे लामी हो केस ॥ सोने के कंगही भवानी मइया, रूपे लागल हो साल । मचिया बइठल सातो बहिनी, झारे लामी हो केस ॥)    (माकेसिं॰87.16)
953    मजगूत (= मजबूत) (धन्य हथ चानमामू ! धन से जइसन मजगूत जन से ओइसने भरपूर, देह से जइसन सुघ्घर नेह से ओइसने सुथर ।)    (माकेसिं॰31.15)
954    मटकोड़वा (= विवाह तथा जनेऊ के पाँच या आठ दिन पूर्व विधिपूर्वक मिट्टी खोदने का प्रचलन {नया चूल्हा आदि उसी मिट्टी से बनता है}) (ओइसहीं मटकोड़वा, ढिढारी, बरकट्टी, बिआह में जब ले नवरतनी फुआ के ढोल न बजत, तब ले सब ठप्प ।; बाबूजी हमरा घरे ले अयलन । हम्मर फिन बिआह भेल । मँड़वा गड़ायल, मटकोड़वा भेल, बराती आयल । सेन्नुरदान भेल आ हम आ गेली सिकन्दरपुर नइहर से तोर गाँव पुरन्दरपुर ।; बिआह में मटकोड़वा के गीत, मड़वा के गीत, बरकट्टी के गीत, कनेयादान के गीत, सेन्नुरदान के गीत, परिछन के आउ बिदाई के गीत गावे लगत तब सब कोई हार मान जयतन ।)    (माकेसिं॰18.3; 69.2; 93.13)
955    मटखान (अभी भी ऊ जाँता से आँटा पीस लेवऽ हे, ढेंकी में चाउर छाँट लेवऽ हे, कूईँया से पानी भर लेवऽ हे । माथा पर भर मउनी मटखान से माटी लेके गुड़कइत घर चल आवत । दाँत एको अभी न टूटल हे बाकि माथा के केस रूआ के फाहा लेखा शोभऽ हे जइसे बरफ जम गेला पर हिमालय पहाड़ शोभऽ हे ।)    (माकेसिं॰66.2)
956    मट्टी (केवाल ~) (करुआ तेल उनकर जिनगी के सिंगार हे । नेहाये के पहिले सउँसे शरीर करुआ तेल चभोर लेतन । ओकरा बाद चँवर से लावल केवाल मट्टी के फुला के खूब चिकना-चिकना के मलतन, स्नान करतन आ सूरज भगवान के जल ढारतन ।)    (माकेसिं॰55.23)
957    मठजाउर (= मट्ठा में सिखाए चावल की नमकीन खीर) (उनका का चाही - पानी डालल बासी भात आउ ललका मिरचाई के खटाई भरल अँचार । गेहुम के रोटी आउ केल्हुआड़ी के गुड़, मकई के दर्रा आउ खेसारी के दाल । मठजाउर आउ दलपिट्ठी पर ऊ जादे जोर मारतन ।; केकरो घर में खिचड़ी खयलन, केकरो घर में मठजाउर, केकरो दुआर पर रोटी-पीट्ठा खयलन, केकरो झोपड़ी में सतुआ घोर के पी लेलन, केकरो महल-अटारी में दाल-भात तरकारी इया दूध-रोटी ।)    (माकेसिं॰55.17; 86.11)
958    मड़वा (~ गड़ाना) (सब लोग रामपेआरी के पुतोह समझथ । ... एक दिन ऊ नगेसर बाबा के घरे बेटी के मड़वा गड़ायत खनी ढोल बजावइत हल । ओकरा देखइते नगेसर बाबा चेहा गेलन । झट ऊ कह बइठलन - अगे, तू नवरतनी फुआ ! बस, ओहे दिन से ओकरा लोग नवरतनी फुआ कहे लगलन ।; ढोल पूजा गेल बाकी नवरतनी फुआ तपाक से बोल उठल - 'ढोलवा के तो पूजल, ढोलनवा के के पूजतई ? भोजइतीन समझ गेल । नवरतनी फुआ के मांग में सेन्नुर डला गेल । बजे लगल ढोल, गड़ाये लगल मड़वा, गवाये लगल गीत ।)    (माकेसिं॰16.19; 18.1)
959    मतवाही (= चेचक, शीतला रोग; माता-मइया) (ऊ घरे-घरे छपहेरिया लेखा झाल न बजवलन, ढोलक न पीटलन । केतना लोग कहइत रह गेलन - हो भूलेटन, तनि हम्मर बेटवा-बेटिया के मतवाही के छाप न दे देबऽ । तू माली होके ई काम काहे न सीखलऽ ।; ओ घड़ी माली घर में घूम-घूम के बाँह पर देवी मइया के नाम पर बेटा-बेटी के पाछ देबऽ हलन जेकरा चलते मतवाही न निकलऽ हल बाकि बाँह पर घाव इया गोटी बड़ा दर्दनाक रूप धारण कर लेवऽ हल ।)    (माकेसिं॰86.19, 26)
960    मनगर (मड़ुआ के रोटी, नून-तेल-मिरचाई उनकर मनगर भोजन ।; कोई पुजारी जतना सरधा-भगति से पूजा के डाली सरिआवऽ सजावऽ हे ओतने मनगर होके किसिम-किसिम के अँचार लगा के घर में रखले रहतन ।; आम, लीची, कटहर के कोआ, बेल-सेव के मोरब्बा, खीरा, ककड़ी, तरबूजा उनकर मनगर फल ।)    (माकेसिं॰55.18; 85.15; 101.30)
961    मनता (= मन्नत) (बड़की छठी मइया के मनता उतारलक । शीतला माय के मन्दिल में खोंइछा भरलक ।)    (माकेसिं॰42.27)
962    मन्ता (= मन्नत) (प्रभु सोनार नया नया डिजाइन के गहना गढ़इत जयतन । जे फरमाइस भेल ऊ देवता के मन्ता लेखा उतारल जायत ।)    (माकेसिं॰34.14)
963    मन्दिल (बड़ाबाबू गंगा मइया के किनारे पर एगो मन्दिल बनवयलन - साधु-संत के कंक-फकीर के दान कयलन ।)    (माकेसिं॰42.22)
964    मर-मसाला (केकरो शादी-बिआह हे, कपड़ा-लत्ता, जूत्ता-चप्पल, सोना-चानी के गहना, मर-मसाला, डलडा-तेल, पत्तल उधार-पईंचा दिलवा देतन, तिरवेदी जी के दुकान शर्मा जी के मकान, साग-सब्जी सब सरजाम जब ले ई करवा न देतन तब ले इनकर गोड़ साइकिल बनल रहत ।)    (माकेसिं॰33.16)
965    मलकिनी (= मालकिन) (बोलाहट भेल आ नवरतनी फुआ ला एक गिलास मट्ठा मह के रखल रहत । जाइते मलकिनी से माँग करत हम्मर नेगचार बाद में करिहऽ, पहिले गोरस पिआवऽ ।; साहेब ओकरा बेटा लेखा मानऽ हथ । मलकिनी तो ओकरा हाथे पर लेले रहतन ।; धनेसर काम के आगु खाना-पीना भी भूल जायत बाकि मलकिनी ओकरा नस्ता-पानी करा देतन, भोजन खिआ देतन तब उनका चैन आवत ।)    (माकेसिं॰19.27; 72.20, 23, 25, 28)
966    मलिकाइन (= मालकिन) (चुनचुन के एको संतान न होयला से चुनचुन से जादे दुखी रामधेयान सिंह । आज रामधेयान चुनचुन बन गेलन आ कलेसरी परमेसरी मलिकाइन । दुन्नो घर गंगा-जमुनी लेखा ।)    (माकेसिं॰15.24)
967    मलिकार (= मालिक) (इनकर ई पहिल संतान हल । खुशी से मोर लेखा नाचे लगलन । घिरनी बन गेलन । पत्थल पर दुब्भी जमल - दुब्भी लेखा हिरदा लह-फह । मलिकार सुनलन तब पइसा लुटावइत-लुटावइत जेबी खाली कर देलन ।; जेतने चुनचुन खुश ओतने रामधेयान मलिकार खुश । रामधेयान के जबसे होश भेल तब से चुनचुन के अप्पन बराहिल बना लेलन आ खेत-खरिहान, घर-दुआर, बाहर-भीतर, बाग-बगइचा सबके भार इनका सौंप देलन ।)    (माकेसिं॰15.11, 18)
968    मलिकार-बनिहार (ई रेशम के धागा हे, प्रेम के डोर हे जे बान्हले हे भूलेटन के आउ मलिकार-बनिहार के ।)    (माकेसिं॰84.13)
969    मलेटरी (= मिलिट्री) (हमरा कोनो सवख हे कि जने चलूँ, पास में पिस्तौल लेके चलूँ । रात भर कभी हम, कभी हम्मर औरत, कभी बेटा, कभी पुतोह, मलेटरी के सिपाही लेखा बोर्डर पर घिरनी लेखा नाचइत रहऽ ही ।; चार गो पोता - चारो मलेटरी में - धन झरना लेखा झर-झर झर रहल हे । होरी, दसहरा, छठ, देवाली में चारो के आवइते घर गज गज करे लगत ।)    (माकेसिं॰51.22; 65.7)
970    मसकोइल (तीनो माय के एक चूल्हा जरावे लगल । सूरज के धाह में जइसे कीड़ा-मकोड़ा जर जाहे, ओइसहीं बड़ाबाबू के घर में लोग मरे लगलन । चूहा बन के जेतना मसकोइल टारले हलन, सूरज धुँआ के धुकनी दे दे के भगा देल ।)    (माकेसिं॰46.21)
971    मसुरी (= मसूर) (कोई झूमर, कोई सोहर, कोई होरी, कोई चइत, जेकरा जउन रूच, सुना के सबके रिझा देवथ आ बोझा के बोझा धान, गेहुम, खेसारी, मसुरी आउ बूँट के बड़का खरिहान अलग जायत ।)    (माकेसिं॰90.1)
972    महटगिरी (होत अनमुहान धनेसर साहेब के डेरा पर । ओन्ने मुरगा बाँग देत एन्ने धनेसर घर के सिकरी बजावे लगत । लइकन सबके उठावत, आँख पर पानी के छिंटा देत आ पढ़े ला महटगिरी करे लगत ।)    (माकेसिं॰74.12)
973    महलाद (हम्मर बोरिंग के पानी से तोर खेत रोपायत ? हम्मर हरवाहा चरवाहा के परतुक तू करबऽ । हम्मर महलाद तोरा भोगे ला बनलऽ हे ?)    (माकेसिं॰50.27)
974    महाबर (गाँव में सगरो तेतरी दीदी के चरचा । केकरो टिकुली टपक गेल, आँख के काजर धोआ गेल, पाँव के महाबर मेटा गेल । सब औरत के आँख बरसाती नदी लेखा उफान मार रहल हे ।)    (माकेसिं॰28.9)
975    महाबीरी (~ टीका; ~ झंडा) (जब हँसतन तब ओठ केराव के फारल छेमी लेखा दुनो ओठ तनि सा फाँट हो जायत आ दाँत कचगर मकई के छिलल बाल लेखा शोभे लगत । लिलार पर महाबीरी टीका चइत नवमी के महाबीरी झंडा इयाद करा देत ।)    (माकेसिं॰33.5)
976    महारत (रामजतन चाचा झाल, ताल, राग आ रामायण के प्रसंग के मोताबिक गावे में महारत हासिल कयले हलन ।)    (माकेसिं॰51.31)
977    महावर (सपना में तेतरी दीदी इन्नर के परी लेखा देखाई दे रहल हे । पिअर बिअहुती साड़ी, भर हाथ चूड़ी, मांग में सेन्नुर, कान में झूमका, नाक में नथिया, आँख में काजर, पाँव में महावर, ओठ में लिपिस्टिक, बूटेदार चद्दर ओढ़ले सबके सामने ठार हे ।)    (माकेसिं॰28.26)
978    मानर (= ढोल के सदृश एक प्रकार का मृदंग; मनरा; मंजीरा) (रात भर मानर आ ढोल-झांझर बजइत रहल - अबीर गुलाल उड़इत रहल । होरी आ चइता से सउँसे बगइचा चहचहा उठल ।; ऊ ढोलक, झाल, झांझर, मानर, करताल, टासा, तरह-तरह के बाजा खरीद के दलान पर ढेरी लगा देलन हे । चानमामू के जोगीन आ जोगिड़ा खूब पसन्द ।; एगो सरंगी घोंटऽ हे त दूसरा कंसी, तीसरा मानर बजावऽ हे त चउथा पखाउज ।)    (माकेसिं॰15.16; 37.7; 39.4)
979    माय (परिवर्तन के जमाना हे, सब कुछ तरक्की कर रहल हे । मरदाना माय बन रहल हे, कम्पूटर मखाना उपजा रहल हे । विज्ञान के जुग में सब कुछ परिवर्तन - भेंड़ अदमी आ अदमी भेंड़ ।)    (माकेसिं॰17.15)
980    माय-बाप (तेतरी दीदी के उमिर अब नौ पार करे लगल । माय-बाप के माथा के बोझ बुझाये लगल ।)    (माकेसिं॰26.23)
981    माल-मुसहर (असल लड़ाई ओहे लोग लड़ रहलन हे । कतनो लोग राड़-रेआन, माल-मुसहर के पार्टी कह लेवे, भगत सिंह आ चन्द्रशेखर आजाद ओहे सब हथ । हमरा लल्लो-चप्पो न सोहाये - दूध के दूध, पानी के पानी । सच के लड़ाई ओहे लोग लड़ रहल हथ ।)    (माकेसिं॰35.26)
982    मालीन (= मालिन, मालन) (पाँच पवनियाँ पौ बारह - हजामिन, कुम्हइन, मालीन, तेलीन आ चमइन । हजामिन के नोहछुर, कुम्हइन के हाथी आ बरतन, मालीन के मौरी आ पटमौरी, तेलीन के तेल, आ चमइन के ढोल बिना बिआह-शादी के मजा किरकिरा ।)    (माकेसिं॰19.14, 16)
983    माहटर (= मास्टर) (सब किरानी, माहटर लोग उनका कदर भी करऽ हथ । उमिर के लेहाज से लोग दाँत पर दाँत चढ़ा के बोलत ।)    (माकेसिं॰41.7)
984    मिरचाई (उनका का चाही - पानी डालल बासी भात आउ ललका मिरचाई के खटाई भरल अँचार ।)    (माकेसिं॰55.15)
985    मीठगर (वास्तव में भूलेटन आम के रस लेखा मीठगर आउ कटहर के कोआ लेखा हिरदा के साफ हलन ।; ठेकुआ, पुआ-पुड़ी, लड़ुआ, कचवनियाँ, तस्मई आ सेवई उनकर मीठगर पकवान ।)    (माकेसिं॰84.27; 101.31)
986    मुँहचिहार (जउन देखे करमजरू समझ के मुँह फेर लेवे । ऑफिस में पाँव पड़ल, टेबुल के बाबू लोग आपुस में कानाफुसी करे लगलन - 'आ गेलऊ दँतचिरहा ।' कोई मुँहचिहार, बनबिलार, अभागा कहके खिल्ली उड़ावे ।)    (माकेसिं॰45.3)
987    मुँह-देखाई (गाँव भर के औरत मुँह देखाई देवे आवे लगलन । एगो बूढ़ी औरत बड़गिरी करइत चमोकन के कहे लगल - "बउआ चमोकन ! भगवान तोर भाग फार से लिखलथुन हे । जइसन बेटा ओइसन कनेया । इन्नर के परी उतारल ।")    (माकेसिं॰59.27)
988    मुँह-पुराइ (पचपन बरिस के उमिर में उनकर घर में इंजोर भेल । ... गाँव भर के पैर चमोकन के घरे - सबके हिरदा में हुलास - आँख में माया-ममता के मोती छलक रहल हे । बाकि गोतिया-नइया के मुँह करिखा । चमोकन के धन हबेख अब न लगत । बाकि ऊपर से मुँह पुराइ - 'जीए, जागे, फरे-फुलाए, हे सुरुज भगवान, अइसने लाज सबके रखिहऽ ।')    (माकेसिं॰58.2)
989    मुँहबायर (= मुँहबाउर; मुँहफट) (धनेसर मुँहबायर भले हे बाकि ऑफिस के सब काम समय पर निपटा देत - ओहो साहेब के मुँह देख के ।)    (माकेसिं॰72.18)
990    मुआना (= मार डालना) (नवरतनी फुआ केकरो बेटी के सउरी में नून न चटौलक, नरेटी जाँत के न मुऔलक, बसना में ठूँस के डघ्घर पर न फेंकलक । ओकर कहनाम हे सब जीव भगवान के संतान - कोई बेटा होयल कोई बेटी । हम परहाप काहे लेवे जाउँ ।)    (माकेसिं॰18.21)
991    मुठान (दद्दू भइया के मुठान, हाथ के लाल लाठी के पैगाम घर-घर में जिन्दा हे आ सब के जागल रहे, हक खातिर संघर्ष करे ला ललकारइत रहऽ हे ।)    (माकेसिं॰109.29)
992    मुरई (= मूरई; मूली) (भूलेटन के अँचार के सवाद जर-जेवार में मशहूर - आम के अँचार, अमड़ा के अँचार, लेमो के अँचार, अँवरा के अँचार, अमरूध के अँचार, कलौंदा के अँचार, मुरई आउ मिरचाई के अँचार, कटहर, करइला के अँचार - न जाने केतना किसिम के अँचार झोरी में लेके चलतन ।)    (माकेसिं॰82.14)
993    मुरेठा (= पगड़ी) (तजिया निकलत तब सब हिन्दू गदका भाँजतन, एक से एक करामात देखौतन हिन्दू नवही । गदका भाँजे ला पचासी बरिस के तपेसर मिसिर आ रामलखन चौधरी भीड़ में मुरेठा बान्ह के कूद जयतन ।)    (माकेसिं॰93.27)
994    मुसलमानीन (= मुसलमानी) (छठ में परवैतीन के साथे-साथे सुरूज भगवान के गीत गावइत आगे-आगे चलत तब कोई न कह सकऽ हे कि रजिया अम्मा मुसलमानीन हे ।)    (माकेसिं॰93.13)
995    मुसहर-टोली (ओझा पट्टी होवे इया अहीर पट्टी, कुम्हर टोली होवे इया मुसहर टोली, बभन टोली होवे इया कहर टोली - चानमामू सगरे देखाई देतन ।; चमरटोली होवे इया मुसहर-टोली, डोमटोली होवे इया कहरटोली, भूलेटन ला उलार सुरूज भगवान, बिहटा के बिटेश्वर नाथ ।)    (माकेसिं॰30.15; 86.6)
996    मूरई (= मूली) (चनकी दाई घरे-बने भरल-पूरल । तीस बीघा नफीस खेत-बधार, आम-अमरूध, महुआ-जामुन, केरा-कटहर, अंवरा-पपीता के बारहमासा बाग-बगइचा, कोंहड़ा-भतुआ, लउका-नेनुआ, सीम-बरसीम, करइला से लथरल बगान, अलुआ, कोबी, टमाटर, रमतरोई, मूरई, मेथी, पालक, गाजर, राई, सरसो, तीसी, जवाइन-मंगरइला, लहसुन, पेयाज, बेदाम से लहफह - सातो बिहन । कोई चीज के कमी न ।; खूब बतिओ चनकी दाई से । डाइन-कवाइन केकरो होवऽ हे । डाइन दोस्ते घर के खाहे । बायमत पूजेवाला तो अप्पन माँग आउ कोख भी दे देवऽ हे, तू कउन खेत के मूरई हें ।)    (माकेसिं॰64.15; 68.10)
997    मूरई-गाजर (जन्ने देखऽ ओन्ने शैतान के घुड़दउड़ । मूरई-गाजर लेखा अदमी अदमी के काटे लगल ।)    (माकेसिं॰97.28)
998    मेमिआना (कलम के मार सबसे कठिन मार । लाठी के मारल तो मेमिअयबो करत बाकिर इनकर कलम के मारल सुगबुगयबो न करत ।)    (माकेसिं॰41.10)
999    मेहर (= मेहरारू) (बड़ाबाबू कंजूस के पुड़िया आ एने चारो गुड़िया घर में बिलाई बन के चूहा पकड़े ला दुबकल हे । बड़ाबाबू चूहा आ चारो मेहर बिलाई ।)    (माकेसिं॰39.27)
1000    मेहर-छेहर (बड़ाबाबू के जिनगी एगो तिरबेनी लेखा - बाल-बच्चा, मेहर-छेहर आ पेन्शन के परेशानी ।; गैर मजरूआ जमीन आ हदबन्दी से फाजिल जमीन पर जहाँ-जहाँ दद्दू भइया झण्डा गड़वा देलन, उखाड़े के केकरो बउसात न हे । बात-बात में अरे-तरे, गाली-गलौज अब कोई न करत । अब केकरो मेहर-छेहर से छेड़खानी न करत ।)    (माकेसिं॰44.5; 108.17)
1001    मेहरी (धरती हम्मर सोना हम्मर, बाँस-बँड़ेरी छप्पर हम्मर । बाकि हम उदान पड़ल ही, भूखे पेट चिन्तन पड़ल ही । राम के मेहरी लंका में, सोना सिमटल बंका में । राम फिफिहिया बाँक रहल हथ, शबरी-केवट छाँक रहल हथ ।)    (माकेसिं॰74.6)
1002    मैदनियाँ (= मैदान) (भर ~) (पनरह दिन के बाद तेतरी दीदी नइहर लवटल । साड़ी-साया गहना-गुड़िया उतार देल । हाथ में छकुनी लेके भर मैदनियाँ बधार में ।)    (माकेसिं॰28.31)
1003    मोताबिक (= मुताबिक) (आदिवासी परम्परा के मोताबिक स्वागत, विनती, आ तरह-तरह के गीत-नृत्य होवे लगल । एन्ने आम, लीची, अमरूध, केरा, कटहर, जामुन न जाने केतना किसिम किसिम के फल ओकरा ऊपर से दलपुड़ी, तसमई, पुआ-पुड़ी फिन चले लगल कच्छ-मच्छ ।)    (माकेसिं॰79.20)
1004    मोरब्बा (= मुरब्बा) (भूलेटन जे कमयलन से बाग-बगइचा में लगावित गेलन, अँचार आ मोरब्बा के सोवाद बघारित गेलन ।)    (माकेसिं॰85.25)
1005    मौरी (पाँच पवनियाँ पौ बारह - हजामिन, कुम्हइन, मालीन, तेलीन आ चमइन । हजामिन के नोहछुर, कुम्हइन के हाथी आ बरतन, मालीन के मौरी आ पटमौरी, तेलीन के तेल, आ चमइन के ढोल बिना बिआह-शादी के मजा किरकिरा ।)    (माकेसिं॰19.16)
1006    मौरी-पटमौरी (ओ घड़ी चेचक के टीका न चलल हल । माली लोग के एगो ई रोजगार हल जे भूलेटन कभी न अपनवलन । मौरी-पटमौरी के काम ऊ कभी न अपनवलन ।)    (माकेसिं॰87.2)