विजेट आपके ब्लॉग पर

Friday, November 27, 2015

रूसी उपन्यास ‘कालापानी’ में क्रमांकानुसार टिप्पणी




रूसी उपन्यास ‘कालापानी’ में क्रमांकानुसार टिप्पणी

भाग-1; अध्याय-1

[1] रूसी में दू स्वर "ы" आउ "и" के उच्चारण लगभग देवनागरी में "इ" के समान होवऽ हइ, जेकरा में से दोसरका के उच्चारण ह्रस्व इ आउ दीर्घ ई के बीच मध्यम रूप से होवऽ हइ, जबकि पहिलौका के समतुल्य (equivalent) देवनागरी में कोय चिह्न नयँ हइ । अतः ई दुन्नु के अंतर, अंतरजाल (इंटरनेट) पर से या कोय रूसी व्यक्ति से समझल जा सकऽ हइ ।
[2] अभागल - कठोर श्रम के कारावास से दंडित आउ निर्वासित लोग के साधारणतः रूसी कृषक वर्ग अइसीं पुकारऽ हलइ ।

भाग-1; अध्याय-2

[1] क्वास - एगो रूसी किण्वित (fermented) पेय, जे राइ के आटा, चाहे जौ के रोटी से बन्नल होवऽ हइ (kvas - a Russian fermented drink made from rye flour or bread with malt); राइ - गोहूम नियन एगो अनाज के पौधा जे खराब मट्टी आउ कमती तापमान के सहन कर ले हइ । (rye - a wheat-like cereal plant which tolerates poor soils and low temperatures.)
[2] कान्तोनिस्त - (रूस में उनइसमी शताब्दी के पूर्वार्द्ध में) सैनिक के पुत्र, जेकर रजिस्ट्रेशन जन्म के दिन से मिलिट्री विभाग में कइल जा हलइ, आउ सेना में सेवा करे लगी बाध्य होवऽ हलइ, विशेष लोअर मिलट्री स्कूल में ।

भाग-1; अध्याय-3

[1] एम्-त्स्की - संदर्भ हइ अलिक्सांद्र मिरेत्स्की के, जे रूसी शासन के विरुद्ध क्रांतिकारी षड्यंत्र में भाग लेलके हल । सन् 1846 में ओकरा दस साल के कठोर श्रम सहित कारावास के दंड मिलले हल ।
[2] स्तारोदूब्ये - ई चेर्निगोव गुबेर्निया (प्रांत) के प्रदेश हलइ, प्राचीन आस्था (Old Belief) के केंद्र । रस्कोलनिक (भिन्न-मतावलंबी) लोग, अत्याचार से आत्मरक्षा हेतु स्तारोदूब्ये से भाग गेते गेलइ आउ सोझ नद्दी पर के वेतका द्वीप पर जाके बस गेते गेलइ, जाहाँ से, सन् 1764 में, तत्कालीन रूसी साम्राज्ञी एकातेरिना द्वितीय (Catherine II) के आदेशानुसार, भगा देवल गेलइ आउ ओकन्हीं फेर से स्तारोदूब्ये चल अइते गेलइ ।
Old Believers - विस्तृत विवरण खातिर देखल जाय: Susan Wiley Hardwick (1993): Russian Refuge: Religion, Migration, and Settlement on the North American Pacific Rim; University of Chicago Press; Chicago and London; 237 pp. सूसन हार्डविक द्वारा एकरा में छो गो बहुत कम अध्ययन कइल गेल क्रिश्चियन संप्रदाय के बारे में विवरण देल गेले ह - Baptists, Pentecostals, Molokans, Doukhobors, Old Believers, and Orthodox believers. रूसी प्रशासन द्वारा धार्मिक रूप से सतावल ई लोग, सन् 1987 में, रूसी राष्ट्रपति मिखाइल गोर्बाचोव द्वारा सोवियत संघ के छोड़े के अनुमति मिल गेला पर, उत्तरी अमेरिका आउ कनाडा में लाखो के संख्या में प्रवास करके शरणार्थी के रूप में प्रवेशाज्ञा सहित बस गेते गेलइ ।
[3] पिलमेनी - एगो साइबेरियाई भोजन जे आटा में सिझावल टुकड़ा-टुकड़ा कइल बीफ़, भेड़ के मांस, चाहे सूअर के मांस से भरके उबालल, छौंकल, चाहे शोरबा के साथ परसल जा हइ ।
[4] कज़ान के सिरोता - कज़ान रूस के एगो प्रांत के नाम हइ । रूसी शब्द "सिरोता" के अर्थ हइ अनाथ । हियाँ "सिरोत्किन" नाम के व्यंग्यात्मक रूप से व्युत्पत्ति बतावल गेले ह । "कज़ान के सिरोता" के अर्थ होवऽ हइ - अइसन अदमी, जे फट्टल-चिट्टल पेन्हले बिलकुल गरीब-दुखिया नियन व्यवहार करऽ हइ, ताकि लोग के ओकरा पर दया आउ सहानुभूति उत्पन्न होवइ । "सिरोता" के ऊनार्थक हइ "सिरोत्का" । एकरा में "-इन" प्रत्यय लगइला पर व्यक्तिवाचक शब्द बन जा हइ ।
[5] वृत्त के क्षेत्रफल के आकलन (quadrature of a circle) -  वृत्त के क्षेत्रफल ओकर त्रिज्या के वर्ग के एगो अचर संख्या से गुणा करके प्राप्त कइल जा हइ, लेकिन ई संख्या, जेकरा ग्रीक अक्षर π (पाई) से निरूपित कइल जा हइ, एगो अपरिमेय संख्या हइ । ई संख्या के यथार्थ रूप से निरूपित नयँ कइल जा सकऽ हइ, लेकिन हाँ, वांछित रूप से जेतना सन्निकट चाही ओतना सन्निकट मान निकालल जा सकऽ हइ । दशमलव के दू अंक तक एकर मान 3.14 होवऽ हइ, पाँच अंक तक 3.14159 आउ चौदह अंक तक  3.14159265358979 (देखल जाय - अंतरजाल पर π के मान) ।

भाग-1; अध्याय-4

[1] श्तोफ़ - सन् 1918 के पहिले रूस में प्रचलित द्रव के आयतन के एगो ईकाई, जे लगभग 1.2 लीटर के होवऽ हइ ।
[2] पर्वत-प्रवचन (Sermon on the Mount) - नवविधान के मैथ्यू गोस्पेल के अध्याय 5 से 7 तक में ईसा मसीह के धर्मोपदेश के पर्वत-प्रवचन से जानल जा हइ । संक्षिप्त विवरण ल्यूक गोस्पेल (6:20-49) में भी हइ ।
[3] मैथ्यू (6:12,14,15), (5:44).

[4] Gogol's Jew Yankel in "Taras Bulba": "Taras Bulba" (1835), by Russian writer Nikolay Gogol, is a story about the Cossack revolt against the Poles; Yankel , featured in chapters 10 and 11, is largely a negative stereotype of the Jewish people: He is avaricious, dirty, cowardly, willing to do practically anything for money, and so on.


भाग-1; अध्याय-5

[1]
[2]
[3]
[4]
[5] He was a monster; a moral Quasimodo: Quasimodo is the central character in French writer Victor Hugo's very popular 1831 novel Notre-Dame de Paris (The Hunchback of Notre Dame); his name became synonymous with physical ugliness and deformity. Dostoevsky wrote a foreword to and published a Russian translation of the novel in the September 1862 issue of Vremya (Time).
[6]
[7]

भाग-1; अध्याय-6

[1] संदर्भ हइ - मुरव्योवा, आन्नेनकोवा आउ फ़ोनविज़िना के, जे सश्रम कारावास से दंडित पति के साथ में गेते गेला हल, जेनकन्हीं के अइसन दंड तत्कालीन रूसी त्सार के विरुद्ध सन् 1825 के दिसंबर विद्रोह में भाग लेवे के कारण मिलले हल । दस्तयेव्स्की के ओनकन्हीं से भेंट ओम्स्क जाय के रस्ता में तोबोल्स्क में होले हल ।
[2] This is a reference to the theory of "rational egoism", developed by Russian radical Nikolay Chernyshevsky; he introduced the theory in "The Anthropological Principle in Philosophy" (1860) and used it in his novel “What Is to Be Done?” (1863). Chernyshevsky was influenced by the work of German philosopher LudWig Feuerbach (1804-1872) and other radical philosophers. Rational egoism essentially argues that an enlightened, reasonable man is fundamentally selfish, never acting against his own best interests, and that he wants to live in a beautiful, harmonious environment. To achieve harmony, it is in man's best interest to be kind and to take care of other people's needs; this way everyone gets what he wants-harmony and a utopia on Earth. However, this is possible only if everyone is enlightened as to their own best interests. Dostoevsky strongly disagreed with this idea; his "Notes from Underground" (1864) is an argument against rational egoism.

[3]
[4]
[5] बलालाइका - गिटार नियन एगो रूसी वाद्ययंत्र जे तिकोना आकार के होवऽ हइ आउ साधारणतः जेकरा में तीन तार रहऽ हइ; तितारा

भाग-1; अध्याय-7

[1] संदर्भ हइ - लेखक एस॰ दुरोव के, जेकरा पेत्राशेव्स्की के द्वारा संचालित क्रांतिकारी दल के सदस्य होवे के कारण दस्तयेव्स्की के साथे-साथ दंडित कइल गेले हल ।
[2] संदर्भ हइ - जे॰ बोगुस्लाव्स्की, एगो पोलिस्तानी क्रांतिकारी के, जेकरा सन् 1849 में कठोर सश्रम कारावास के दंड सुनावल गेले हल ।
[3] दे॰ - नोट-2; भाग-1; अध्याय-2.


भाग-1; अध्याय-8


[1] "चे-व" - अर्थात् चेर्निगोव शहर, उत्तरी यूक्रेन में चेर्निगोव प्रांत के राजधानी । "का-व" - एक पल के बादे उल्लेख कइल, "कीव" शहर के द्योतक हइ ।

[2] भगमान के छवि - दे॰ बाइबिल के प्राचीन विधान (Old Testamemt) के उत्पत्ति (Genesis ) प्रकरण - 1:26 -" फेर भगमान कहलथिन, हम मनुष्य के अपन स्वरूप के अनुसार अपन समानता में बनइअइ ।' ..." (https://www.wbtcindia.com/bibledownloads/hindi_bible/HIN%20OT.pdf)
 

भाग-1; अध्याय-9

[1] दे॰ बाइबिल के प्राचीन विधान (Old Testament) के निर्गमन (Exodus) प्रकरण - अध्याय 12-14, जेकरा में मिस्र से यहूदी सब के पलायन के कहानी हइ ।
[2] दे॰ भाग-1, अध्याय-6.
[3] स्बितेन - एक प्रकार के चाय, जे बेरी, फल, मसाला आदि से बनावल जा हइ आउ मध से मिट्ठा कइल रहऽ हइ
[4] कान्तोनिस्त - दे॰ भाग-1, अध्याय-2, नोट-2.
[5] आर॰ - संदर्भ हइ "रिगा" शहर के, जे अभी लातविया के राजधानी हइ, लेकिन प्योत्र महान (1672-1725) द्वारा रूसी साम्राज्य में मिला लेवल गेले हल ।
[6] ज़ेर्त्सालो (zertsalo) - उपरे दू सिर वला चील (eagle) के साथ दर्पण वला ग्लास के तीन फलक (sides) वला पिरामिड, जे 1917 के पहिले हरेक रूसी अधिकारी के डेस्क पर रहऽ हलइ । ई रूसी सम्राट् प्योत्र महान (1672-1725) द्वारा स्थापित कइल गेले हल - विधि आउ व्यवस्था के प्रतीक के रूप में ।


भाग-1; अध्याय-10

[1] उपवास तोड़ना - परंपरागत चर्च में, क्रिस्मस उत्सव के पहिले चालीस दिन के उपवास रक्खल जा हइ ।
[2] क्रिस्मस के बखत फर्श पर पुआल बिछावे के रिवाज हलइ, जे ऊ चरनी (manger) के प्रतीक हलइ जेकरा में क्राइस्ट पैदा होलथिन हल (दे॰ ल्यूक 2:11-16) ।
[3] स्त्र्यापकी - "स्त्र्यापका" के बहु॰, स्त्री रसोइया - दे॰ भाग-1, अध्याय-5.
[4] "पोवरोव !" - पोवर (= पुरुष रसोइया) के कर्म कारक के बहु॰ रूप; दे॰ भाग-1, अध्याय-5.

भाग-1; अध्याय-11


[1] पहिला नाटक मंचन – अपन संस्मरण "कठोर श्रम में (1846-57)" में स्ज़िमोन तोकारज़ेव्स्की, जे ओम्स्क के जेल में पोलिस्तानी कैदी में से एक हलइ, उल्लेख करऽ हइ कि "तात्कालिक अभिनेता लोग लेखक फ़्योदर दस्तयेव्स्की के, आवश्यकता पड़े पर थियेटर में कइसे बोलल जाय, एकरा बारे निर्देशन करे के, निवेदन करते गेले हल" ।

[2] फ़िलात्का आउ मिरोश्का - दू प्रतिद्वंद्वी - पी॰जी॰ ग्रिगोर्येव (1807-54) के एगो लोकप्रिय नाटिका, जेकर पहिला मंचन पितिरबुर्ग में सन् 1831 में कइल गेले हल ।

[3] रूस में क्रिस्मस के उत्सव बारह दिन तक चल्लऽ हइ, जेकर शुरुआत क्रिस्मस के दिन होवऽ हइ आउ बरहमा (बारहवाँ) दिन के रात तक रहऽ हइ ।

[4] लेपोरेल्लो (Leporello) - मोज़ार्ट के ऑपरा (गीति-नाट्य) में दोन जियोवानी (Don Giovanni) के नौकर ।

[5] ग्लिनका - कमरिंस्कया एगो तीव्र रूसी लोकनृत्य हइ । संगीतकार मिख़ाइल ग्लिनका (1804-57) वाद्यवृंद (ऑर्किस्ट्रा) लगी एगो प्रसिद्ध कमरिंस्कया लिखलका हल, जेकर पहिला शो सन् 1848 में होले हल ।

भाग-2; अध्याय-1

[1] ते-क - संदर्भ तोबोल्स्क से संबंधित हइ ।

भाग-2; अध्याय-2

[1] जर्मन नियम - सामान्य रूसी जनता लगी, "जर्मन" के मतलब होवऽ हइ ऊ, जे कुच्छो विदेशी चाहे अपरिचित हइ।
[2] बपतिस्माप्राप्त कल्मीक - कल्मीक पश्चिमी मंगोलिया के लोग हइ, जे काकेशिया (Caucasus) के उत्तर में कैस्पियन सागर के पश्चिमी तट पर बस गेते गेले हल ।
[3] नोज़्द्र्योव (Nozdryov) एगो जोरदार आउ डींग हाँके वला पात्र हइ - प्रसिद्ध रूसी लेखक निकोलाय गोगल (1809-1852) के "मृत आत्मा" (Dead Souls) नामक उपन्यास के । नोज़्द्र्योव के हँसते बखत ओकर गाल थरथरा हइ आउ हँसी अइसन जोरदार हइ कि एगो पड़ोसी, जे दू दरवाजा के पीछू तीन कमरा दूर सुत्तल हइ, बिछौना पर से उछलके बइठ जा हइ (अध्याय-4) ।
[4] "किंवदंती ताजा हइ” - ई रूसी कवि आउ कूटनीतिज्ञ अलिक्सांद्र ग्रिबोयेदोव (1795-1829) के प्रसिद्ध नाटक "गोरे आत ऊमा" (बुद्धि से विपत्ति) से एगो उद्धरण हइ (अंक-2, दृश्य-2, पंक्ति-100, संपूर्ण ग्रंथावली, तीन खंड में, खंड-1; सांक्त-पितिरबुर्ग; 1995) । ई नाटक के कइएक वाक्य कहावत बन चुकले ह ।
[5] मानिलोव - मानिलोव प्रसिद्ध रूसी लेखक निकोलाय गोगल (1809-1852) के "मृत आत्मा" (Dead Souls) नामक उपन्यास के एगो पात्र हइ, जे कोमलहृदय, भावुक आउ तुच्छ जमींदार हइ ।

भाग-2; अध्याय-3

[1] दे॰ भाग-1, अध्याय-4.
[2] मार्किज़ द साद आउ ब्रैंविल्ये - (1) मार्किज़ द साद (Marquis de Sade)अथवा कौंत दोनात्यैं-आल्फ़ोंज़-फ़्राँस्वा द साद (Comte Donatien-Alphonse-François de Sade ) (1740-1814) एगो सुप्रसिद्ध फ्रेंच उपन्यासकार हलइ, जे दर्शन, कामुकता, आउ हिंसा के मिश्रण वला उपन्यास लिक्खऽ हलइ । ओकर तर्क हलइ कि यौनविकृति आउ क्रूरता दुन्नु के प्रकृति में अस्तित्व हइ, ओहे से ई दुन्नु स्वाभाविक हइ । ओकरा अकसर विभिन्न यौन अपराध लगी जेल जाय पड़ले हल । ओकरे नाम से सादवाद (Sadism) शब्द बनले ह, जे एगो अइसन यौनविकृति हइ, जेकरा में क्रूरता के साथ यौनशोषण करे में खुशी मिल्लऽ हइ । (2) मारी मादलैन मार्गेरित दोब्रे ब्रैंविल्ये (Marie-Madeleine-Marguerite d'Aubray Brinvilliers) अथवा मार्किज़ द ब्रैंविल्ये (Marquise de Brinvilliers)(c. 1630-1676) एगो बदनाम फ्रेंच महिला कैदी, जे अपन पोशन (potion - एगो द्रव जे स्वास्थ्य-लाभकारी, जादुई, चाहे जहरीला गुण वला होवऽ हइ) के पहिले अस्पताल के गरीब लोग आउ अपन नौकरानी पर अजमइलकइ, आउ फेर अपन बाप, दुन्नु भाय आउ बहिन पर । ओकरा कैद करके मोकदमा चलावल गेलइ आउ ओकर सिर काट लेल गेलइ ।
[3] सन् 1830 के भूतपूर्व सेना - अर्थात् सन् 1830 के पोलिस्तिनी विद्रोह के सेना, जे नवंबर विद्रोह से प्रसिद्ध हइ, आउ 1830-31 के परिणामी (resulting) पोलिस्तिनी-रूसी युद्ध ।
[4] कमरिंस्कया - दे॰ भाग-1, अध्याय-11, नोट-5.

भाग-2; अध्याय-5

 [1] पवित्र सप्ताह (Holy Week) - क्रिश्चियन धर्म में, ईस्टर के ठीक पहिले वला सप्ताह । ईस्टर या पुनर्जीवन रविवार (Resurrection Sunday) क्रिश्चियन लोग के एगो पर्व हइ, जे ईसा मसीह के शूली चढ़ावे के दिन (शुक्रवार) से तीसरा दिन के पुनर्जीवित हो जाय के खुशी में मनावल जा हइ ।
[2] रॉबिन्सन क्रूसो - डैनियल डिफ़ो (Daniel Defoe) के अंग्रेज़ी उपन्यास "The Life and Strange Surprizing Adventures of Robinson Crusoe" (1719) के स्कॉटलैंड वासी नाविक अलेक्ज़ेंडर सेलकर्क (Alexander Selkirk) के अनुभव पर आधारित मानल जा हइ, जे सन् 1704 में निवेदन कइलके हल कि ओकरा एगो निर्जन टापू के तट पर छोड़ देल जाय, आउ जेकरा पाँच साल बाद बचा लेल गेलइ ।
[3] यूर्ता - पारम्परिक रूप से मध्य एशिया (मंगोलिया, साइबेरिया आउ तुर्की) के स्टेप में खानाबदोश लोग द्वारा प्रयुक्त ढोवे लायक, वृत्ताकार टेंट, जे फेल्ट चाहे चमड़ा के बन्नल होवऽ हइ । 


[4] उद्ग्रहण उपवास (Dormition fast) - मरियम के स्वर्गवास के आदगार के रूप में मनावल जाय वला 15 अगस्त के उपवास के पहिले दू सप्ताह वला उपवास ।

भाग-2; अध्याय-6

[1] सेंट पीटर दिवस - 29 जून, जे सेंट पीटर आउ पॉल के भोज दिवस हइ ।
[2] अस्तबल में एगो बकरा रक्खे के जरूरत हलइ - परंपरा के अनुसार अस्तबल में बकरा रक्खल जा हइ, काहेकि एकरा से भड़कैल घोड़ा पर शांतिकारक प्रभाव पड़ऽ हइ ।

भाग-2; अध्याय-7


[1] ते-व्स्की - संदर्भ हइ स्ज़िमोन तोकार्ज़ेव्स्की (Szymon Tokarzewski: 1823-1890) के, जे पोलिस्तानी कृषक संस्था के सदस्य हलइ, जे दासप्रथा के विरुद्ध संघर्ष कइलके हल । ओम्स्क जेल में बितावल दिन आउ दस्तयेव्स्की के साथ संबंध के संस्मरण सन् 1857 में लिक्खल गेले हल, जेकर प्रकाशन सन् 1907 में कइल गेलइ । एकर द्वितीय संस्करण सन् 1908 में निकसलइ जेकरा में पूर्व संस्करण के कुछ अंश सेंशरशिप द्वारा हटा देवल गेलइ ।

सन् 1907 में ई लेखक के पुस्तक प्रकाशित होले हल – “Siedem Lat Katorgi” (कातोर्गा के सात वर्ष) ।
[2] व्यूह के बीच दौड़ना (run the gauntlet) - एगो मिलिट्री दंड, जेकरा में डंडा लेले पीठ पर फटका (प्रहार) लगावे लगी तैयार लोग के दू कतार के बीच से अपराधी के दौड़े पड़ऽ हलइ ।

भाग-2; अध्याय-8


[1] Saint Anne on the sword: The Order of St. Anne was founded in 1735 by Karl Friedrich, Duke of Schleswig-Holstein, in honor of his wife, Anna Petrovna, daughter of the Russian emperor Peter the Great. The fourth (lowest) class of the order was a medal attached to the hilt of the sword.
[2] बे-स्की - बे-स्की, बे-की, कहीं पर खाली बे॰ से द्योतित, पोलिस्तानी क्रांतिकारी जोसेफ़ बोगुस्लाव्स्की (Joszef Boguslawski) से संबंधित हइ ।
[3] झे-की - संदर्भ हइ जोसेफ़ झोचोव्स्की (1800-1851), इतिहास आउ प्राकृतिक विज्ञान के शिक्षक के । सन् 1848 के वारसा विद्रोह में भाग लेवे खातिर ओकरा मृत्युदंड सुनावल गेलइ । ई दंड बाद में दस बरिस के कठोर सश्रम कारावास में बदल देल गेलइ । झोचोव्स्की के ओम्स्क के जेल में सन् 1851 में मृत्यु हो गेलइ ।
[4] उ-गोर्स्क - मतलब, उस्त-कमेनोगोर्स्क, रूसी सम्राट् प्योत्र महान (1672-1725) द्वारा स्थापित एगो किला आउ व्यापार केंद्र, जे अभी पूर्वी कज़ाख़्स्तान में हइ ।
[5] एगो उच्चकुलीन के दंड देल जा रहले ह - रूसी कुलीन घराना के एगो विशेषाधिकार हलइ - शारीरिक दंड से मुक्ति, लेकिन अपवाद हो सकऽ हलइ, जइसन कि ई मामले में । ओहे से कैदी लोग के उत्सुकता हलइ ।
[6] उच्चकुलीन निर्वासित लोग के बड़गो समूह - संदर्भ हइ सन् 1825 के दिसंबर विद्रोही (Decembrists) के ।  दिसंबर विद्रोही पितिरबुर्ग के सुधारवादी अभिजातवर्गीय (reformist aristocrats)लोग के समूह के सदस्य हलइ, जे सम्राट् अलिक्सांद्र प्रथम के अचानक मृत्यु के बाद, 14 दिसंबर 1825 के विद्रोह पर उतर गेते गेलइ, ई माँग के साथ कि रूस एगो संवैधानिक राजतंत्र (constitutional monarchy) बना देल जाय । ई विद्रोह के क्रूरतापूर्वक कुचल देल गेलइ, पाँच नेता के फाँसी दे देल गेलइ, आउ एक सो से अधिक के साइबेरिया निर्वासित कर देल गेलइ ।
[7] हाल के अतीत  दीर्घकाल में (in recent long-past time) - ई विचित्र अभिव्यक्ति से दस्तयेव्स्की के कहे के मतलब हइ, कि ऊ पुरनका कैदी लोग के नियम के वर्णन कर रहला ह, जे वर्तमान में बदलके बेहतर हो चुकले ह; तुलना कइल जाय - भाग-2; अध्याय-3 के प्रारंभ में लेखक के टिप्पणी । कुछ विद्वान के मत में, ई विचित्र अभिव्यक्ति सेंसर के संतुष्टि खातिर हलइ, जे पुस्तक के प्रकाशन के अनुमोदन नयँ करते हल, अगर ओकन्हीं के विचार से ई वर्णन वर्तमान बुराई से संबंधित होते हल । 

भाग-2; अध्याय-9

[1] नमकीन कान वला - "नमकीन कान वला" (salt-eared)मूल रूप से यूराल के पास पूर्वी रूस में पेर्म क्षेत्र के निवासी लोग खातिर प्रयोग में हलइ । किंवदंती के अनुसार, जे लोग नमक के खदान में हुआँ काम करऽ हलइ, ओकन्हीं के कान नमक के बोरा ढोवे के चलते नमक के असर से बड़गर आउ लाल हो जा हलइ ।

भाग-2; अध्याय-10

 [1] पायोनियर - दे॰ भाग-1 ; अध्याय-6.